الموضوع: سوال للناس اللى دخلت الجيش

المشاركة الأصلية كتبت بواسطة م/مصطفى محمود

مفيش حرق هدوم ولا حاجه ، ومفيش كمان حفلات إستقبال ، أساسا مركز التدريب بقى 15 يوم ، هدومك الملكي هيخلوك تسلمها لأهلك فى أول زيارة ، ولو أهلك مجوش هتخليهم فى الدولاب وترجعهم لما تنزل أول أجازة

بس ممنوع الأكل (علشان ميضمنوش أن ممكن يجيلك تسمم بسببة - على أساس إن مش هيجيلك تسسم من أكل الميز :d )

صحيح خدوا معاكم بخاخة وديتول سائل (علشان ترش على السرير علشان البق ) ، ومتنسوش الشبشب (هتستلم هناك شبشب بس بيعور الرجل ) ، وبجد الأيام بتعدي عادي المهم متعملشي فيها الواد البُرم وتتنطط على حد ، ولا تعمل نفسك الزعيم ، خليك عادي أعمل اللى يتطلب منك ومتخليش حد ملوش لازمة يكلمك كلمة ملهاش لازمة ، وأعرف إنك بتأدي خدمة وطنية مش محبوس ، بجد هتفرق معاك كتير

وربنا يوفقكم ويعديهالكم على خير

أخوكم جندي مُجند مصطفى محمود ، رديف 1 / 6 / 2012

عزيزى مصطفى
إبنى دفعتك و تم حرق هدومة بعد الترحيل مباشرة من مركز التدريب فى المعادى إلى معسكر بالإسماعيلية و كان متحسر تماما على الشنطة و الحذاء الأديداس
يبدو أن الأمر يختلف من مركز تدريب لآخر

المشاركة الأصلية كتبت بواسطة homme49

عزيزى مصطفى
إبنى دفعتك و تم حرق هدومة بعد الترحيل مباشرة من مركز التدريب فى المعادى إلى معسكر بالإسماعيلية و كان متحسر تماما على الشنطة و الحذاء الأديداس
يبدو أن الأمر يختلف من مركز تدريب لآخر

واضح ان ال "م/مصطفى" كان حظه حلو في مركز التدريب بتاعه (مفيش حفل إستقبال + 15 يوم ..بس).
بالنسبة للهدوم الملكي : المفروض تسلمهم للأهل في أول زيارة، أو تروحهم في أول أجازة.
وخلي بالك : الشرطة العسكرية ليها الحق تفتشك وتفتش شنطتك وانت نازل أجازة من مركز التدريب طالما لابس ميري.
فلو معاك هدوم ملكي : المفروض ليها تصريح.
أنا مركز التدريب بتاعي كان 50 يوم ، والهدوم الميري فضلت معايا لحد ما خلصت الفترة كلها.
وأكيد كل مركز تدريب وله نظامه.