ازاي نــســوق اوتــوبــيـس او نــقــل او ونــش ( كـلـه يـدخـل )

**mrghost** · 28-12-2011 07:33 PM

اللوادر
بتبقى اوتوماتيك عباره عن دراع (مكان دراع النور عندنا فى الملاكى) بيبقى فى المنتصف ممور
والى الامام يبقى لقدام ولو للخلف يبقى للخلف
والدراع عباره عن بكره بتدى الاول والتانى والتالت فى اللوادر القديمه
الحديثه بقى فيها برده البكره بس لو مستعملتهاش اللودر هينقل لوحده على الغيار الاعلى وهكذا
وبيبقى على اليمين فى دراعين
واحد يرفع الباكت اللى هى معلقة اللودر
والتانى يخلى وشها لتحت او لفوق (علشان تحمل الرمله او تكبها)
وبيبقى فيه 3 دواسات فى الارضيه
اللى على اليمين دواسه السولار
واللى فى النصف فرامل
واللى مكان الدبرياج فرامل برضه علشان هو زيه زى العربيه الاوتوماتيك لما تديله الd بيمشى لوحده فدى علشان لو عاوز تمشى بيه او داخل على حمل وعاوز تكتفه

**mrghost** · 28-12-2011 07:35 PM

الجرار الزراعى بقى الفرامل بتبقى على اليمين(مكان البنزين عندنا) والسولار فى المنتصف
والدبرياج زى عندنا عادى
الجرار لو فاضى مش بيشد حاجه ممكن يطلع على اى غيار ومش هيبطل
انما لو محمل ممكن تطلع على الاول او التانى بالكتير وبيبقى فيه عصايه فتيس صغيره قدام العصايه بتاعة الفتيس وزدى فيدهتها بتخليه يأما بطيئ او سريع

**mrghost** · 28-12-2011 07:35 PM

الكلارك(الفورك ليفت ) ده زى اللودر بالظبط

**mrghost** · 28-12-2011 07:43 PM

بالنسبه لحكايه الجرار يمشر ب 3 عجلات بس دى سهله ومعموله علششان لو الكاوتش نام تمشى على عجله واحده لحد ماتوصل لبتاع كاوتش والمحور الامامى للعجلات فيه فتحتين بيتحط فيهم بنز بس بعد ماتطلع على حاجه عاليه بعجله واحده بس وتركب البنز ساعتها هتلاقى عجله مرفوعه وماشى على 3 عجلات بس

**ahmed_gamal777** · 29-12-2011 01:47 PM

شكرا جدا لك من ساهم فى المشاركة بجدا معلومات جيدة ومفيدة
مفيش حدا بقى عندة تريلة سلف نتعلم عليها

**Amr Axel** · 10-01-2012 06:02 PM

هيما لانسر و مستر جوست مش عارف اشكركم ازاي ع افادتكم و الشرح
و شكرا لكل من ساهم و لو بكلمة لافادة الاخرين
و نتمني اي شخص لديه اي معلومات يتفضل بالدخول و اضافتها :)