الموضوع: Dry lubricants

المشاركة الأصلية كتبت بواسطة abokoko

معلومات حضرتك حضرتك ممتازه علشان كده هسال
اولا
زيت -- super formula 20 w50 --
هل هو معدنى ؟
هل يحتوى على اضافات تقارب مادة السيراتك او ال mos 2 ???

ثانيا
ايه الفرق بين الموتور كلين والفلاش انجن ؟؟
ايه الخطوره على المحرك نتيجه تعدد استخدام الفلاش ؟

ثالثا
لو ال super formula 20w50 لا يحتوى على اضافات مفيده لتقليل الاحتكاك
فهل معنى ذلك استخدام عبوه ال سيراتك او عبوه ال mso 2 مع كل غيار زيت
؟؟؟

فعلا ال super formula هو زيت معدنى ولكن الزيت المعدنى يختلف من شركة لاخرى مثل القماش الالمان يستعملوا هذا الزيت فى المانيا وعندهم رقيب قاسى هى الهيئة الالمانية apl التى يعمل بها 700 موظف بصفة دائمة للتفتيش على انتاج الزيوت ليس فقط بعد تصنيعه اول مرة بل هم يفتشون بصفة دورية باخذ عينة عشوائية من كل تشغيلة للكشف عليها المهم ان ال base stock oil معمول من احسن الخامات المعدنية وطبعا هذا الزيت يحتوى اضافات مثل ال mo2 ولكن ليس ضمن الاضافات boron nitride الذى هو السيراتيك لان سعر هذه المادة غالى وثمن جركن الزيت الجركن الازرق 112 جنيها وعرفت اليوم باتصال من الشركة انهم لم يستوردوا ال mos2 antifriction for engine ويظهر ان بعد المقالة التى كتبتها طلب منهم الكثير هذه الاضافة وممكن تجد السيراتيك عند الموزعين ولاتجده فى الشركة الوكيل المصرى وممكن تضيف نصف عبوة السيراتيك على غيار الزيت وتبقى النصف الاخر لغيار الزيت القادم وذلك للتوفير والحصول على النتيجة المرجوة وتكون الامور اكثر اقتصادية
اما موضوع ال engine flush معظم مواقع الميكانيكا الشهيرة على مستوى العالم لا تحبذه وتوجد عبارة على موقع car bible انه مالم تضع بطريق الغلط شامبو او لبن فى الموتور لاتستعمل ال engine flush وصرح الموقع فقط باستعمل هذه المادة فقط فى حالة ان تنقل من زيت معدنى الى زيت synthetic
اما ال motor clean فهو مادة ايضا تحتوى على detergent اى مادة منظفة للموتور اقل فى القوة من ال engine flush وممكن تستعمل قبل غيار الزيت الجديد وبعدها ضرورى تغير فلتر الزيت قبل استعمال الزيت الجديد
ويوجد طريقة اخرى سوف لا اذكرها هنا لانها لا تناسب سيارة سيادتك لتنظيف الموتور حيث وجدت احد المعارف يستعمل زيت معدنى رخيص فى سيارته النوبيرا لمدة عامين وقبل ان يخوض التجربة اعطيته شرط ان يتقبل النتيجة ولكن التجربة اعطت نتيجة ممتازة ولا احب ان اذكرها لان بها مخاطره محسوبة وشكرا جزيلا لان هذه الاسئلة تاتى من شخص يقرا كثيرا

المشاركة الأصلية كتبت بواسطة ahmazong

حضرتك كده بتقول إن مادة mos2 اللي في oil additive احسن من السيرتك !!!!!!!!!!!!!!
طب أنا عربيتي نيسان صني 2010 عاملة 20000 .. وكان فيها زيت موبيل .. والحمد لله نزلته وحطيت زيت top tech .. وكنت عايز احط حاجة من oil additives عشان كنت خايف من الموبيل .. احط mos2 ديه ولا بلاش ؟؟؟؟؟؟؟؟؟؟؟؟؟؟؟؟ . ولو حاططها احط كل العلبة ال 300 ولا احط 5% على كل لتر ؟؟؟ ..
سؤال آخر معلش .. ليه الناس بتصارع على السيرتك مادام هو مش اد كده ؟؟؟؟ .. شكرا

انا لم اقل ان مادة ال mos2 افضل من السيراتيك ولكن قلت انه موجود فى الزيت اصلا ولم اقل ان مادة السيراتيك اى كلام بل من شرحى قلت ان المادتين يستعملوا ك antifriction وال mo2 موجود اصلا فى ال additive لاى زيت وانا لا احبذ استعمال اى oil additive الا انواع ال antifriction وهو السيراتيك الذى هو boron nitride وال mos2 antifriction for engine وسواء تسكب العبوة بالكامل او نصفها على اى زيت سوف يعطيك النتيجة المرجوة ولكن بعد دراسات ومراسلات استخلصت شئ لنفسى انه لو عندى عبوة سيراتيك سوف استعملها على مرتين وذلك لاسباب اقتصادية هذه العبارة الاخيرة هى تكوين راى شخصى وليس موثق
من ناحية الاحسن فى ال antifriction افضل السيراتك لسبب واحد ان ال mos2 لونه اسود وسوف يؤثر على لون الزيت بالنسبة لى احب اعرف لون الزيت بالمقياس كل فترة

المشاركة الأصلية كتبت بواسطة ahmazong

اسف يا فندم فهمت حضرتك غلط .. بس أنا سمعت إن السيرتك ماينفعش لكل المواتير لإنه بيأثر عليهم بالسلب !!!! .. عشان كده أنا مايل لل mos2 ..
حضرتك ما شاء الله خبير في الحاجات ديه .. سؤال بس أنا عارف إني تعبت حضرتك .. عشان الموضوع بتاع حضرتك حير الكل بصراحة .. هل mos2 بيزود viscosity بتاعت الزيت ؟؟؟؟ ولا لأ ؟؟؟

يافندم تحت امر سيادتك
طبعا ال mos2 وال boron nitride لايؤثروا بتاتا على ال viscosity اللزوجة للزيت قصة اخرى تماما تعتمد لزوجة الزيت على الزيت نفسه وعلى مادة من ال additive التى تضاف على الزيت اثناء تصنيعه وهى تسمى viscosity improver واختصارها vi وهذه المادة عبارة عن polymers بالعربى بوليمرات وهذه ال polymers لها خواص عجيبة لها مايسمى بالازرع تنكمش فى درجات البرودة فتقلل من لزوجة الزيت وهنا يستطيع الزيت ان يتسلل داخل الموتور فى درجات حرارة تصل الى -46 درجة مئوية وهذه البولمرات تفتح اذرعها مع السخونة وبالبلدى تنفش فتزيد لزوجة الزيت واحيانا تستهلك هذه المادة من الزيت والزيت يتعرى ويفقد لزوجته وذلك عند اختار زيت sae لايناسب درجات حرارة الجو ولكن قصة اللزوجة مختلفة فى الزيت ال synthetic بالكامل مثل ال pao والزيت ال ester هذه الزيوت لاتحتاج الى vi
اعطيك امثلة على هذه الانواع
زيت amsoil الامريكى
زيت motul الفرنساوى
زيت redline الامريكى
بعض انتاجات الزيوت من royalpurple
كل هذه الزيوت لا تحتاج لاى اضافات وتستطيع ان تعمل فى صقيع اوربا وفى حر الجبال فى السعودية فى عز الصيف
واى خدمة ولى عندك سؤال لو توفرت الزيوت الانف ذكرها فى مصر واسعارها الضعف مثلا هل تشتريها وتدفع فيها نقود