حسابات قطر الجنط مع ارتقاع الكاوتش

**Eng_hatemfathy** · 10-12-2011 07:48 AM

السلام عليكم
موضوع شغلنى وعايز اراءكم معروف ان الشارك بره بتنزل بجنط 18 مش 16 واللى عندنا 16 سواء حديد او نيكل -فكرت لما اجى اغير الكاوتش انى اركب جنوط 18 وكاوتش 215 بدل 205 بس المفروض انه يفضل المحيط ثابت علشان السرعه تقرا صح (ثبات الازاحه مع كل لفه) فاكيد فى علاقه بين ارتفاع الكاوتش وقطر الجنط-لو حد عارف ياريت يشارك
ونقطه تانيه مش فاهما دايما على المنتدى وكمان الشباب يقولوا ان الجنط الاسبور اكثر استقرار من العادى وده محيرنى لاته مع ثبات المقاس توزىع الحمل واحد وقاعدة التحمل واحده ومساحة الاحتكاك واحده فايه قصة الثبات ولا افتكاسه شبابى

**Eng_hatemfathy** · 12-12-2011 10:36 PM

ياه ولا مشاركه -فين شباب الشارك وفين شباب المقارنات وحوارات الجنوط والاستقرار والكلام الكبير ده مفيش ولا واحد عنده مبرر علمى لموضوع علاقة الجنوط والاستقرار ومفيش ولا واحد عارف حسابات المقاسات -كده انا زعلت من شباب المنتدى وهدور على مرجعية تانيه فى السيارات

**IronHead** · 13-12-2011 11:13 AM

الشارك اللى بتنزل ب جنط 18 ال gt و ال evo بس
انما كل ال 1500 و ال2000 gls و glx بتنزل فى مصر وبره مصر بجنط 16
رايي خليك فى الجنط ال16 عشان العفشة مش مصممه انها تستحمل 18 لان عفشة ال evo مختلفة عن عفشة الشارك العاديه, مثال, جلب المقصات بتتعمل من ماده معينة مش كاوتش زى عفشة العربيات العادية
ده غير ان متهيقلى هتحتاج ت reconfigre عداد السرعة عشان هو بيعتمد على قطر الدوران بتاع الكاوتش واللا قرائة العداد مش هتبقى مضبوطه

**Eng_hatemfathy** · 14-12-2011 09:50 PM

المشاركة الأصلية كتبت بواسطة ayman2

ممكن حضرتك تدخل على الموقع ده وتقارن بنفسك
visual tyre size calculator | kouki tech

تمام وجميل جدا -طيب انا عايز اعرف هل هناك جداول المقاسات التى بها نحافظ على المحيط الخارجى حتى لا يخطئ عداد السرعه وقد علمنا من هذا الكلام تأثر التسارع بقطر الاطار ايضا ولكن لم يذكر شيئا عن التأثير على التعليق او الاستقرار
فهل هناك معلومات اخرى
ولك جزيل الشكر

**Eng_hatemfathy** · 14-12-2011 10:42 PM

المشاركة الأصلية كتبت بواسطة ironhead

الشارك اللى بتنزل ب جنط 18 ال gt و ال evo بس
انما كل ال 1500 و ال2000 gls و glx بتنزل فى مصر وبره مصر بجنط 16
رايي خليك فى الجنط ال16 عشان العفشة مش مصممه انها تستحمل 18 لان عفشة ال evo مختلفة عن عفشة الشارك العاديه, مثال, جلب المقصات بتتعمل من ماده معينة مش كاوتش زى عفشة العربيات العادية
ده غير ان متهيقلى هتحتاج ت reconfigre عداد السرعة عشان هو بيعتمد على قطر الدوران بتاع الكاوتش واللا قرائة العداد مش هتبقى مضبوطه

بالظبط كده الجى تى بتنزل بجنط 18 " بس مش لاقى فرق مذكور فى التعليق غير موضوع العلايات اللى مش موجوده الا فى gls&glx