بص عارف مستشفى الكهرباء الى فى اول طريق السويس فية كوبرى ما تطلعش الكوبرى دة و امشى من تحت حا تلاقى محطة بنزين شل كمل شوية حا تلاقى جامع أدخل يمين من عند الجامع دة مدخل عزبة الهجانة متخافش دى أمان و كلها ورش بعد لما تدخل من جنب الجامع يمين أول دخلة شمال بعد 10 متر يعنى خلف الجامع تقريبا أدخل شمال حا تلاقى سور بتاع وحدة جيش أمشى مع السور و بعد 150 متر تقريبا عند تانى برج مراقبة حا تلاقى بتاع زيوت أركن العربية
المحل بتاع التيل ملهوش اسم اسأل عن الاسطى محمود بتاع التيل حا تلاقية على طول
أنا بصراحة مش عارف أذا كانت الورشة ليها اسم و لا لآ بس هو اسمة الاسطى محمود و معروف جدا هناك و أمامة محل خراط بس بتاع مواتير
و لو حد راحلة يقولك أنة جاى من طرفى علشان يبقى عارف السعر
الطنابير الامامية ب 25 جنية فقط
الطنابير الخلفية حسب قطر الطمبورة بس ب 65 جنية مسح الطنابير الخلفية زائد ملو التيل كمانب ال 65 جنية
فى مصر الجديدة مسح الطنابير ب 50 جنية و 60 جنية و الحرفين بيعملوها ب 70 كمان
المفضلات