ياريت
عرض للطباعة
صدقنى مع كامل احترامى لك وتعاطفى الشديد معاك وانا كنت شفت من فتره الموضوع اللى انت عملته وفيه صور عربيتك بعد التعديلات وواضح جدا التعب والمجهود والصرف على العربيه وانا شاب برضو يعنى مش راجل عجوز ونفسى العب فى عربيتى متفتكرش انى ضد اى حاجه من دى بس بجد على الرغم من كل ده فأنا مبسوط ان فيه رجال شرطه بدأو يطبقوا القانون ويرفضوا النقاش او الجدال او اى نوع من انواع التساهل,تحيه لرجال الشرطه الشرفاء اللى بيحاولو يطبقوا القانون بعدل وحياديه وربنا يعوض عليك معلش,بس صدقنى اللى حصل ده هو الصح
اتمنى تتقبل كلامى ومتفتكرش انه نوع من الشماته
تحياتى
المرور شاد حيلة شويتين
http://www.nilemotors.net/Nile/260898-a.html
الالتزام شئ كويس ومطلوب اليومين دول
بس المشكلة فى تطبيقه على الكل وبعدالة ... مش يروح المعادى ويسيب الدويقة
انا طبعا فاهم وجهة نظر حضرتك بس والله اللى بيحصل مش هو ده الصح ومش هو ده اللى هيحسن المرور
انا الكمين اللى كنت واقف فيه امبارح اللى وقفني عشان الفاميه وقف بنت برضوا عشان الفاميه نفس الكلام
عايز اقول لحضرتك البنت وهي بتركن راحت قلعت الجاكت وبقت قاعدة في العربية لابسه كت وطبعا هي بسم الله ماشاء الله جمال ايه وبياض ايه حاجة كدة تفتح القلب
الظابط راحلها بنفسه من البوكس واتكلم معاها كان ناقص شوية ويدخل يقعد معاها جوة العربية وضحك ايه وهزار ايه طبعا انا واخد بالي من المنظر ده من بعيد
وفي الاخر مشاها من غير ماتشيل الفاميه ولا حتى يسحب الرخص
مرضتش اروح اتكلم معاه واقوله اشمعنى واعمل مشكلة لان سعتها كان ممكن يطلعلي مليون حاجة مخالفة في العربية فقلت خليها فاميه بس وخلاص وشلته وخت الرخص ومشيت
لكن منظر زي ده لما تشوفه اكيد دمك هيتحرق
ولما تلاقي الكمين موقف الناس عشان الفاميه والملصقات وسايب المكروباصات والتكاتك تمشي في الشوارع براحتها وتقف براحتها وتعطل المرور براحتها اكيد دمك برضوا هيتحرق
والله انا شايف من الحاجات المفروض تتغير دي
ملكية خاصة وحر تعمل فيها الي انتا عايزة ماعدا الفامية طبعا :)
ع فكرة هم فعلا نازلين المرة دي بجد شادين في كل مكان و ظابطين الاداء في اماكن كتيير يعني فيه امل
ده حتي عربيات الفول و الاكشاك نازلين شايلين كله الناس بتحاول تتكلم معاهم لكن مفيش بيشيلوا عالطول اخيرا
و ربنا يكون في عونك في الغرامة و الفحص و القصة ديه كلها , بس ع فكرة مش انت بس ده ناس كتيير عملوا معاهم كده زي ما قولت شادين المرة دي شادة جامدة و دوريات في كل مكان يعني النملة تعدي بس
و متزعلش مني انا كلامي هيبقي غلس شوية بس عايز اقولك لو حضرتك زعلان الصح مفيهوش زعل لو جينا للحق حضرتك مخالف و حقه يعمل كده, يا راجل ده الظابط مش عارف يكتبلك ايه و لا ايه ههههههه عارف لو حاطط استيكر واحد ع الازاز حاجة بسيطة بتعدي انما حضرتك بسم الله ما شاء الله مخلي العربية نيد فور سبيد لونين و فاميه و استيكرات هههههههه
و اتمني يفضلوا شاديين و نبطل موضوع الواسطة في المرور عشان نخلص كل حاجة لأن الواسطة ديه هي سبب البلاوي اللي احنا فيها ديه كلها لو كل واحد بيطبق عليه القانون او بيمشي في اجراءاته صح بدون واسطة زي الباقيين كان زمنا بلد تاني غير دلوقتي
انا رخصة قيادتي طلعتها من غير واسطة و ولا مليم زيادة رخصة العربية و التجديد و الفحص كل ده بطلعه من غير واسطة و الحمد الله و بمشي في الاجراءات زي باقي الناس و ربنا بيسهلها
بس اللي اتمناه فعلا تطبيق القانون بحذافيره و بدون تفريق بين شخص و اخر و اهم حاجة يخلصونا من الميكروباصات الـ ( ...... ) , و انهم يسمحوا بالفامية بدرجة معينة فليكن اقل درجة بحيث تكسر الشمس في الصيف
انا عايز اقولك اني طول عمري نفسي اظبط عربيتي تقول عربية جاية من رالي بس للأسف احتراما للقانون مش خوفا مش عايز اعملها و زي ما بيقولوا امشي صح يحتار عدوك فيك
متزعلش من كلامي بس ده اللي جوايا
ملحوظة : حاسس انك بتقول ربنا يوقعك في واحد منهم عشان يوريك الويل هههههههههه
بالتوفيق ان شاء الله
أرجوك بلاش واسطه أو رشوه
هاتعود عليك في الآخر أة علي حد مننا
هايبقي مجرم سارق عربياتنا و بيعدي بالواسطه و الرشوه
كلنا عارفين إنت تعبت أد أيه في العربيه و عزيز عليك شغل أيدك و الفلوس تترمي كده ... لكن معلش
أظبط كده العربيه و أفحص و خد رخصك و خلي مصاريف الملصقات دي للتلميع و الغسيل و التعطير و الفلاتر و dvd محترم و هكذا ..
باشا لو سمحت بلاش واسطه وكوسه الله يكرمك وامشي عدل يحتار عدوك فيك
والظابط هل افتري عليك ؟ يعني قالك حاجه او كتبلك حاجه مش موجوده ؟