وقفت في كمين واتعلقت ! !

**Ahmod** · 11-12-2011 02:34 PM

السلام عليكم ورحمة الله وبركاته

اظاهر ان المرور شادد حيله اليومين دول على الاخر

امبارح وانا وراجع من عند دريم بارك كمين وقفني

عشان الفاميه قلت الحمد لله ماتكلمش على الاستيكرز والملصقات

المهم يمين شمال مع الظابط قالي شيل الفاميه وتعالى خد الرخص

رحت للعسكري اتكلمت معاه حبة راح قالي بص شيل اي حتة كدة من الفاميه هنديها للظابط وهيديلك الرخص

قلت تمام وبالفعل شلت حتة من الفاميه والموضوع مشي على خير الحمد لله

--------

النهارده النت فصل قلت اروح ادفع الاشتراك في شركة لينك في شارع مصدق وانا وراجع كمين تاني وقفني مش عارف انا موعود ولا ايه

بس المرة دي اتظبطت ظبطة تمام

سحب الرخص قلتله طيب اشيل الفاميه قالي يا باشا انت عربيتك كلها مخالفة

هتشيل الفاميه ؟ ولا الملصقات ؟ ولا الكلام اللى على الضهر ولا الشماسة ولا تغيير اللون ؟ ولا اكتبلك مخالفة حزام ؟ ولا اديلك مخالفة على ايه بالظبط ؟

قلتله تغيير لون ايه قالي اللون السيلفر اللى انت حاطه ده يعتبر تغيير لون

قلتله ده استيكر قالي بس عشان يمشي لازم الرخصة تبقى مكتوب فيها العربية لونين

قلتله طب اشيل الدنيا دي كلها معنديش مشكلة قالي لاء

وكذا عربية نفس الكلام مفيمة برضوا واقفين وفي الكمين ده رافضين ان اي حد يشيل الفاميه كلو بيتسحب الرخصة ويتحول فحص

حاولت معاه مافيش فايدة

سحب الرخص وحول العربية فحص وكاتب في الايصال

(زجاج ملون حاجب للرؤية - ملصقات - تغيير لون السيارة )

فدلوقتي انا حاسس اني هدفع غرامة محترمة واحد قالي ممكن تبقى في حدود 1500-2000 جنيه ! معقول ممكن توصل للرقم ده ؟ ؟

وبعدين حد يعرف ايه الاجراءات اللى هتحصل وحوار الفحص ده هيمشي ازاي ؟

واخر سؤال بقى معلش هو الواحد مش من حقه يعني انه يحط استيكرات على عربيته ويتبسط بيها ؟ ؟ ايه الضرر من كدة يعني

**Tarek218** · 11-12-2011 02:52 PM

كويس والله انهم شادين حيلهم اليومين دول

**tananybasha** · 11-12-2011 02:54 PM

دى هتخش فحص فنى يا باشا

**engahmedsamy** · 11-12-2011 02:56 PM

عوضك علي ربنا بس بالنسبة للستاير بيتكلمو عليها

**prisoner** · 11-12-2011 03:02 PM

انا حصللى الموقف ده فى سنة 2002 بعربيتى والظابط بقى كتبلى محضر فى الوصل زجاج حاجب للرؤية - ملصقات - تعمد اخفاء لوح معدنية وكان ناقص يقول انى كنت بتطنطط قدامه ويدينى عليها مخالفة وقولتله ليه مستقصدين الملاكى وسايبين بتوع الميكروباص طايحيين فينا زعل قوى وقاللى مش شغلك المهم بقى انا قولت هاتروق فى المصاريف وامخالفة رحت سالت على شباك الرخص المسحوبة بعدها بفترة اسبوعين كده والراجل قاللى روح اشترى ورق فحص وروح للمهندس وطبعا شاف العربية وكان فيها خبطات ومتكلمش عليها هو بص على المحضر اللى اتعمل وشيك عليه انى شيلك كل حاجة والعربة رجعت على اصلها ومضالى الفحص وقالى روح تانى على الشباك واستلم الرخصة ومدفعتش جنيه زيادة غير ورق الفحص فقط الكلام ده كان فى مرور الوايلى ويارب يفضلوا كده على طول ونتخلص من سرقة العلابيات وترويع الناس فى الشارع ياريتها على قد الفاميه بس ربنا يلطف بينا تقبلوا مرورى تحياتى

**Ahmod** · 11-12-2011 03:07 PM

المشاركة الأصلية كتبت بواسطة maryano

ربنا معاك يا باشاااااا انا اديئتلك والله بس نعمل ايه سيبين الشوارع اللي قلبت سيرك رسمي من سوقين الميكروباصات و التكاتك

والله على رايك الواحد مضايق بشكل غير عادي

نصيب هنعمل ايه

المشاركة الأصلية كتبت بواسطة tarek218

كويس والله انهم شادين حيلهم اليومين دول

ماهم شادين حيلهم على الناس اللى زي حالتنا كدة فاميه - ملصقات

انما التكاتك لسه زي ماهيا - المكروباص والناس اللى بتمشي عكس اتجاه والناس اللى بتمشي براحتها وبتقف براحتها كل ده زي ماهو مافيش حاجة اتغيرت

المشاركة الأصلية كتبت بواسطة tananybasha

دى هتخش فحص فنى يا باشا

الفحص الفني ماعنديش فيه مشاكل يعني مش لاعب في الماتور ولا اي حاجة فمافيش مشكلة

الخوف من قصة المخالفة اللى الناس بتقول انها وش هتعدي ال 500 جنيه ويمكن توصل لالفين جنيه ولا حاجة الى غير الفحص والورق بتاعه والقصص دي

معندكش اي خلفية عن التفاصيل دي ؟ ؟

وبعدين موضوع تغيير اللون اللى هو كتبهولي ده مخوفني بصراحة لاني حاسس ان مخالفتها ممكن تبقى كبيرة

المشاركة الأصلية كتبت بواسطة engahmedsamy

عوضك علي ربنا بس بالنسبة للستاير بيتكلمو عليها

مش عارف بصراحة بس اغلبية الناس كانت وافقة عشان الفاميه

**mohammedabdallh** · 11-12-2011 03:08 PM

المشاركة الأصلية كتبت بواسطة prisoner

انا حصللى الموقف ده فى سنة 2002 بعربيتى والظابط بقى كتبلى محضر فى الوصل زجاج حاجب للرؤية - ملصقات - تعمد اخفاء لوح معدنية وكان ناقص يقول انى كنت بتطنطط قدامه ويدينى عليها مخالفة وقولتله ليه مستقصدين الملاكى وسايبين بتوع الميكروباص طايحيين فينا زعل قوى وقاللى مش شغلك المهم بقى انا قولت هاتروق فى المصاريف وامخالفة رحت سالت على شباك الرخص المسحوبة بعدها بفترة اسبوعين كده والراجل قاللى روح اشترى ورق فحص وروح للمهندس وطبعا شاف العربية وكان فيها خبطات ومتكلمش عليها هو بص على المحضر اللى اتعمل وشيك عليه انى شيلك كل حاجة والعربة رجعت على اصلها ومضالى الفحص وقالى روح تانى على الشباك واستلم الرخصة ومدفعتش جنيه زيادة غير ورق الفحص فقط الكلام ده كان فى مرور الوايلى ويارب يفضلوا كده على طول ونتخلص من سرقة العلابيات وترويع الناس فى الشارع ياريتها على قد الفاميه بس ربنا يلطف بينا تقبلوا مرورى تحياتى

لو جت على قد كدا يبقى زى الفل

**Ahmod** · 11-12-2011 03:09 PM

المشاركة الأصلية كتبت بواسطة محمد الجرجاوي

ربنا معاك والضابط ظبطك الصراحة جااااااااااامد اوي يعني مصدق وشاف عربيتك طلع همومه فيها يعني كان كتب زجاج وخلاص مش لازم كل الرغي دا !!!

من نحية ظبطني فهو عمل معايا واجب محترم

طلع القطط الفطسانة كلها في العربية

المشاركة الأصلية كتبت بواسطة prisoner

انا حصللى الموقف ده فى سنة 2002 بعربيتى والظابط بقى كتبلى محضر فى الوصل زجاج حاجب للرؤية - ملصقات - تعمد اخفاء لوح معدنية وكان ناقص يقول انى كنت بتطنطط قدامه ويدينى عليها مخالفة وقولتله ليه مستقصدين الملاكى وسايبين بتوع الميكروباص طايحيين فينا زعل قوى وقاللى مش شغلك المهم بقى انا قولت هاتروق فى المصاريف وامخالفة رحت سالت على شباك الرخص المسحوبة بعدها بفترة اسبوعين كده والراجل قاللى روح اشترى ورق فحص وروح للمهندس وطبعا شاف العربية وكان فيها خبطات ومتكلمش عليها هو بص على المحضر اللى اتعمل وشيك عليه انى شيلك كل حاجة والعربة رجعت على اصلها ومضالى الفحص وقالى روح تانى على الشباك واستلم الرخصة ومدفعتش جنيه زيادة غير ورق الفحص فقط الكلام ده كان فى مرور الوايلى ويارب يفضلوا كده على طول ونتخلص من سرقة العلابيات وترويع الناس فى الشارع ياريتها على قد الفاميه بس ربنا يلطف بينا تقبلوا مرورى تحياتى

يعني تفتكر اني مجرد هعمل فحص وخلاص ؟ ؟ ازاي اعتقد لازم فيه مخالفة

الموضوع: وقفت في كمين واتعلقت ! !

LinkBack

أدوات الموضوع

عرض

وقفت في كمين واتعلقت ! ! - انشر الموضوع فى :

-

-

-

-

-

-

المواضيع المتشابهه

وقفت فى كمين فى التجمع الخامس

كمين بيستهبل بس على مين !!!!!!!!!!!!

كمين جديد

كمين فى المقطم .

كمين مروري...خدعة و نصب!

الكلمات الدلالية لهذا الموضوع

المفضلات

المفضلات

ضوابط المشاركة