الفاميه عارف ان مخالفته هتبقى بسيطة وكذلك الملصقات
انا مش خايف الا من موضوع تغيير اللون اللى هو كتبهالي دي
حاسس انها هدخلني في متاهات ومخالفتها كبيرة
ربنا يستر
عرض للطباعة
الموضوع كله فحص عادي
بس شيل الاستيكرات والفاميه
وحاول تثبت اللونين علي الرخصه
وخلاص ما تخافش من حاجه
انا برده لاصق استيكرات على العربية وشكلها هتتشال قريب فى اى كمين
والاخوة المعترضين على المرور وبيقولوا شوفوا الميكروباص
مش معنى تقصيرهم يبقى عدم التطبيق على الكل
لان الميكروباص برده بيقولوا
شوف الملاكى ولا دول مش بتقدر تييجى ناحيتهم
على حسب ماسمعت ان مهندس الفحص مش بيقبل ان العربية تتثبت لونين على الرخصة الا لو كنت راشش
وانا حاطط استيكرات فممكن مايقبلش
لو الاستيكرات تهمك حاول انك ماتنزلش بالعربية اليومين دول خاصا في فترة مابين 12-3 الظهر عشان المرور شادد جامد اوي في كل حتة
فخلي بالك
ايه الكلام في اسكندريا ؟
و بعدين اكتر حاجة مستفزة الي قال انوا العربية مش ملكية خاصة ولازم الناس كلها تحشر منخيرها و تبص و تبحلق و تصور في ايه بيحصل جوا ... يبقى يرضي حضرتك انوا نيجي و نبص و نبحلق حضرتك بتعمل ايه جوا بيتك ؟ يعني انتا شايل ستاير البيت و مركب ازاز شفاف و قاعد رايح جي في البيت عادي ؟
و بعدين الناس في مصر مينفعش معاهم الا انوا الواحد يفيم من كتر ما الواحد بيحس انوا كلوا عمال يبحلقله و يحسد و يقر ... من اول انوا يعم ركبوتا رعبيات و احنا مش لاقين ناكل ... و يعم ايه منظرك ده ... مين الي راكب جنبه ده ... الحجة ولا اخته ولا المزة ... معاك المدام يقلك يعم واللللللعة شفت المزة ... يعم ديه مدام من الشارع ... و لك ان تتخيل ... ولا المكروباصات في الزحمة المستفزة كل واحد يبقى بيبصلك من فوق و يشوف حجرك و الموبايل و ايه جوا العربية و الشنطة و يحقد و يقر اهمة حاجة ....
و بعدين مكنتش العربية اتسجلت في الشهر العقاري زي البيت كدة لو هيا ملكية عامة و خلي الناس تبص ...
برة في اوربا مش اساسي الفمية عشان الناس هناك واعية و نضيفة و مش بتضايق بعض ...
الخليج الفامية اساسي 30 % جانبي و 40 % خلفي و دهي يعتبر اصلا ميديم دارك او سوبر و محدش حيوقفك يقلك مفيم درجة ايه يعني ... و اصلا مفيش عبط الكماين و التفخييخ للشعب و الاستفزاز الي بيحصل ... المخلفات بتنزل على الرخصة و تروح تجدد و تدفع و محدش بيقوفك في اي حتى مش كاراتات ما بين المدن و العبط ده ... مينفعش نقارن اصلا .. يااخي حرام دولة بقالها 40 سنة عدت مصر الي بقالها مليون الف 40 سنة .... دول كانوا بيرعوا غنم بقوا ولا الاجانب ... عمار يا مصر ..
و بعدين معلش في اللفظ الي عامل العربية اوضت نوم اكيد مش هيغلب ياجر شقة ولا يروح اي مكان عشان يعمل الي بيعمله .... و لو بيشرب مخدرات برضه مش هيغلب و الناس بقت ماشية على رجلها بتشرب ...
و بعدين مهوا الظباط و الكوسة و الاقارب و النيابة و كله شغال كوسة فله ... و في اكتر من كدة بيحصل عربيات مصروقة يتعملها ملفات و عربيات مرسيسدس متهربة من ليبيا و يضربلها ملف و تترخص و تعلق نمر ملاكي ... ياخي فوقوا بقى .... مصر الفساد فيها ملوش وصف ...
ياريت تقبل كلامي
انا مفيم تفييم خفيف وعربيتى لا فيها ستيكر ولا حاجه
بس حضرتك عربيتك ملفته جدا
يمكن عشان كده بيوقفوك
حاول تشيل الاستيكرات
واول ماتدخل لجنه افتح الازاز
اسم الظابط دا عمرو السعدنى ؟؟ هو الكمين اللى واقف تحت الكبرى فى عند تقاطع البطل احمد وشارع التحرير
وقفنى قبل كدا باردوا عشان الفاميه وسحب الرخصة وبصراحة انا متكلمتش .. اخدت الوصل ومشيت .. بس الحظ بقى ان صحبى اللى انا كنت رايحه اخوه ظابط باردوا وطلع ظابط الكمين صاحبه وراح جابلى الرخصة الحمد لله.
عمار يا مصر
المشكلة الواحد بيتفاجأ باللجنة وغير كدة الاستيكرات والشغل ده والله تعبت فيه غير المجهود والصرف
ولسه عامله من مدة قريبة فالواحد والله مضايق جدا
والله مش عارف يا ياسر الظابط اسمه ايه بالظبط
بس مكتوب في الوصل احمد رمزي وهو فعلا الكمين اللى واقف تحت الكبري
طيب حد عنده خلفية لو مشيت بالعربية دلوقتي ووقفت في كمين تاني ايه اللى ممكن يحصل ؟ ممكن يخالفني على لفاميه والملصقات تاني ؟ ولا اقوله الرخص مسحوبة وهروح النيابة اثبت الحجات دي على الرخصة ؟
رأى شخصى ونصيحة غير ملزمة
بقولها لنفسى أولا وبقولها لجميع الأخوة الأحباء فى المنتدى
من باب الذكرى
لعل وعسى نكون أول ناس ملتزمة
ونكون قدوة لغيرنا
وبلدنا تتقدم بإحترام القانون
:tumb:
يبدو ان كلامي اتحذف امبارح لما المنتدي تم غلقه
بالنسبة مخالفة الملصقات من 100-500 جنيه
و عايز اسالك سؤال اللون السيلفر اللي انت عامله ده لون و لا استيكر عشان لو استيكر كان المفروض توريه للظابط عشان يكتبها ملصقات مش لونين ممكن تشوف بقي نيابة المرور و تكلم معاهم و تقولهم
الفاميه مش متأكد بصراحة بس متقلقش ان شاء الله
و الفحص بيكون عادي