اقتباس المشاركة الأصلية كتبت بواسطة ahmedsamir5edr مشاهدة المشاركة
شل أفضل من مويبل .. بمرااااحل .. موبيل مغشوش

تاني حاجه اسمه موبيل xhp 20w50 مش موبيل وان xhp

اللي بيقول ان موبيل أحسن يبقي حاجه من اتنين :

1. ممعندوش عربيه

2. مجربش غيره
انا جربت الموبيل ون في عربيتي القديمه دايو لانوس من فتره وكنت متأكد انه مش مضروب وحطيته في اشد اوقات الصيف حراره والنتيجه...............الموتور كان هايضيع مني بعد 4000 كيلو وصوته بقي عالي ونزلت الزيت زي الميه وناقص ربع كيلو..
اللي انا مستغربله اني حطيت موبيل ون في عربيتي الحاليه النترا (بس جربته شتاءا فقط) وبقاله 5000 كيلو وبصراحه زي الفل لونه ابتدي يغمق(حاجه كويسه) لزوجته تمام وكمان البخر منعدم ومنسوب الزيت زي ماهو...
انا مابحبش اطول علي الزيت وناوي انزله علي 6000 كيلو وكنت بافكر اجرب الشيل الترا (عمري ما جربيته) بس كل ما اسئل واح يقولي بلاش مش هايعجبك وخليك في الموبيل
انا مش هاحط فالفولين علشان مش مقتنع بيه
مش هاجرب ليكوي مول علشان انا اتضحك عليا زمان في زيت اسمه فيسكو ومبقتش اثق في اي دعايه وكمان استحاله احط اي اضافات للموتور بتاعي لاسيراميك ولا بلاط ولا فلش ولا اي حاجه لاني واثق انها مالهاش لازمه وكمان مضره والكلام ده في كاتالوج اي عربيه
ترشحولي شيل والا اكمل موبيل؟؟؟