الفيات 1300 او ممكن بيسموها ( 1500 ) استفسااااارات ؟؟؟

**crayvor** · 15-12-2011 12:06 AM

المشاركة الأصلية كتبت بواسطة abdalah_hashem

وانا اصلا تعبت وزهقت بقالى كذا سنه نفسى اجيب عربية بس الفلوس حهى المشكلة .. وبدات اتعب نفسيا بسبب الموضوع دة اصلا .. ‏‎
ا

كلنا قلنا كدة لغاية ما جيبناها...

حاتعرف باقي الجملة بعد ما تجيبها انت كمان ان شاء الله...
ملحوظة.. هنا ف اسكندرية ال 127 والسيات القديمة أكتر بكتير من ال1300 ومن البيتلز كمان. برضه حاول تصبر حبة كمان وتدخل في حاجة مضمونة بدل ما بعد الشر تجيب عربية من هنا وتكهنها من هنا خصوصا انك بتتكلم في قديم. كمان خلي معاك سمكري يكشف عن الصاج والدواخل والبارومة دول أهم من الميكانيكا والكهربا.

ربنا يوفقك ان شاء الله.

**abdalah_hashem** · 15-12-2011 05:17 AM

Aboomar ‎هو انا مش هسافر بيها دايما دى هتبقى سفرية كل شهر مرة او مرتين بس لكن الاغلب جوة القاهرة
‏
crayvor ‎ربنا يسهل ووتبقى باقى الجملة حلوة لانى تعبت من اللى مش حلو ‏‎:)‎

**crayvor** · 15-12-2011 09:00 AM

المشاركة الأصلية كتبت بواسطة abdalah_hashem

crayvor ‎ربنا يسهل ووتبقى باقى الجملة حلوة لانى تعبت من اللى مش حلو ‏‎:)‎

أنا مش حاخدعك وأقولك انها حلوة... بس علي الأقل العربية بتحفظ كرامتك عن المواصلات الغير أدمية بالمرة ف مصر(أحسن الوحشين زي ما بيقولو). أنا اهه لسة بايع العربية وتحولت لأبو قردان في المواصلات لغاية ما ربنا يكرمني والاقي اللي في دماغي.