الموضوع: هل يوجد حل لمشكلة ضيق الكنبة الخلفية للصنى

المشاركة الأصلية كتبت بواسطة y2y1500

اهلا بيك يا استاذ خالد
اذا كنت حضرتك قعدت سنة تفكر بين الصنى وغيرها
ربنا يستر بقى والتنفيذ ما ياخدش سنة تانية
وبالنسبة للكنبة لو هاتضايقك اوى كده قدامك حل من اتنين
1- التعامل مع الكنبة اللى فى العربية عند اى سروجى او اختيار فرش مناسب زى جينزكار مثلا
2- استبدال الكنبة نفسها بواحدة جديدة (فوم foam) برضه من عند موبيكا مثلا لتصنيع الكراسى واكبر مورد لفرش العربيات المجمعة محليا او انتظر لمعرض فورميلا الشهر الجاى بيبقى فيه عارضين غير موبيكا فى قسم الصناعات المغذية والمكملة للسيارات ممكن يفيدوك اكتر

أشكركم جميعا على الأفكار الجيدة
الحقيقة أنا أخذت وقت طويل لسببين: الأول أنى حفظت سيارتى الشاهين و أعرف مشاكلها و أحيانا أتنبأ بها و أروح للميكانيكى أقول له يعمل أيه و يغير أيه و العربية سهلة و صيانتها رخيصة و ما عملتش معايا حركات نص كم غير مرة واحدة، عشرة بقى.

أما السبب الثانى فهو هذا المنتدى هو و منتدى ............. بصراحة كمية معلومات رهيبة و خبرات متراكمة من المستعملين و كل عربية لها مشاكل بعضها يخض و كل ما آخذ قرار الآقى معلومة جديدة تخلينى أفكر فى العربية دى أو أتجنب العربية دى و هكذا. أنا الحقيقة كنت خلاص ناوى على الجيتا جميلة الجميلات و لكن موضوع الفتيس المنيل خلانى أصرف نظر نهائى. التنفيذ حيكون سهل إن شاء الله، مشوار لأوتو إيجيت و أحجز و خلصت العملية


ممنوع الاعلان عن مواقع اخرى
م.ع.11