الموضوع: موكيت ولا قنال تكس

المشاركة الأصلية كتبت بواسطة نور القمر

الموكيت متعب في تنظيفه والعناية به ومش هتلاحقي عليه لو في اطفال وميغركيش جمال الوانه وهو جديد
في الدول الخليجية بيستخدموه بكثرة بس هم ارضهم رملية لكن احنا عندنا الارض طينية واي شوية تراب في الجو هتخلي الموكيت طييييييين
ده بالاضافة الى انه غير صحي خصوصا بالنسبة للاطفال ومرضى الجهازالتنفسي
القنال تكس كويس ولو غالي عليكي فيه مشمع ارضيات باسعار مختلفةعلى حسب الجودة
لو ممكن تتحملي تكلفة سيراميك فوق البلاط بينفع سواء باللصق او باسمنت عادي
عند ماما عملته فوق البلاط باسمنت واحتاجت تظبط الابواب شوية لان الارض ارتفعت طبعا
خلاصة الكلام من حيث الافضلية
سيراميك كنال تكس مشمع موكيت

شكرا لرد حضرتك

المشاركة الأصلية كتبت بواسطة mohabelnegm

أنا عامل عندى ال hdf السويدى و كان فيه صينى ولكن أنا أخترت السويدى الغالى بس للأسف فى أول اختبار فشل لما حصلت سيول و الميه دخلت من باب البلكونة للشقة و حصل قببان فى الخشب و شكله بقى يزعل (رغم أن القببان حصل فى أماكن مش ظاهرة بس برضة شكلة مزعلنى)

معلش ، ماتزعلش حضرتك لان المفروض ال hdf مايوصلوش مياة ، انا علي حد معلوماتي انه ختي في التنظيف يتم مسحة بموب وقليل من المياه مابالك بالسيول . انا سألت عليه بس النوع الصيني لقيت ان سعره 50 جنيه للمتر بالتركيب ، فمازلت ابحث عن خيارات اقل سعرا لتقليل التكلفة

المشاركة الأصلية كتبت بواسطة a.saad

القنالتكس كويس فى الشقق ذات الجو البارد
لانه بيحوش البرد
عيبه المياة يفضل تكون بعيد عنه

شكرا لرد حضرتك

المشاركة الأصلية كتبت بواسطة chicobon

طيب بدل كل الدوشه ديه جيب سجاد و خلاص بدل الموكيت و القنال تكس تكالف علي الفاضي مدام مش شقتكم يعني السجاد هيغطي البلاط و لو حبيتي تغسليه بيتغسل و يتنضف في سهوله و كمان هتخديه معاكي لما العقد ينتهي و خلاص

ما انا عاملة كدة فعلا ، بس مع اي تغيير في ترتيب الاثاث لتجنب الملل بيظهر اماكن ماكنتش عاملة حسابها وبكون مضطرة لشراء مزيد من المشايات ، كمان تحتاج في الصيف لفرش سجاد صغير احيانا ، وشكل البلاط حقيقي غير محبب لي