موكيت ولا قنال تكس

**M_55** · 12-12-2011 10:30 AM

السلام عليكم يا اعضاء المنتدي
كنت عاوزة اسأل عن افضل طريقة لتغطية البلاط
انا فكرت الاول اني افرش الشقة كلها موكيت بس خوفوني من مشاكله
فاقترحوا عليا القنال تكس وقالولي انه مشمع بتلزق علي البلاط بمادة معينة وفي اشكال كتير
بس انا ماليش خبرة في الموضوع ده ، فكنت عاوزة اعرف لو حد عنده خبرة مشابهة وتعامل مع شركات مضمونة . كمان كنت عاوزة اعرف رنج الاسعار لان انا مش عاوزة تكلفة كبيرة لانها شقة ايجار .

ولو فيه حلول تانية ( بعيدا عن تكسير البلاط ووضع سيراميك لانه مكلف ومرهق ) ارجو الافادة وابداء المشورة

وشكرا لحضراتكم بجد

**M.Elgergawy** · 12-12-2011 10:46 AM

اعتقد القنال تكس هيكون موفر وخصوصا انها شقة ايجار يعني فترة معينة وهتسبيها وهسالك ناس عاملين القنال تكس وهرد عليكي :)

**AmatoALLAH** · 12-12-2011 11:05 AM

اعرفي سعرمتر الموكيت بكام و سعر متر الكنالتكس بكام و قارني بينهم و طبعا ماتسيش سعر اللزق تحسبيه معهم

و راي كمان تسالي عن الاتش دي اف الصيني اعتقد سعره هيكون مقارب للموكيت و اكيد احلي

**M_55** · 12-12-2011 11:56 AM

المشاركة الأصلية كتبت بواسطة محمد الجرجاوي

اعتقد القنال تكس هيكون موفر وخصوصا انها شقة ايجار يعني فترة معينة وهتسبيها وهسالك ناس عاملين القنال تكس وهرد عليكي :)

شكرا لحضرتك ، ومنتظرة الرد

المشاركة الأصلية كتبت بواسطة aboomar22

على فكرة السيراميك ممكن يركب فوق البلاط وبتلصق بمادة مش ب اسمنت ورمل وبيبقى مش وحش بس هو بيعلى الارض مسافة البلاطة اللى بتركب هو الاحسن التكسير بس دى بهدلة ودوشة انا اخويا مركب فوق البلاط ومطالع كويس واظن القنال تكس غير مشمع الارضيات صح كده ده حاجة وده حاجة تانيى

أعتقد السيراميك فوق البلاط مش هايبقي كويس واعتقد تكلفته عالية ، وممكن صاحب الشقة يرفض ، لكن المشمع اعتقد هايبقي افضل

المشاركة الأصلية كتبت بواسطة amatoallah

اعرفي سعرمتر الموكيت بكام و سعر متر الكنالتكس بكام و قارني بينهم و طبعا ماتسيش سعر اللزق تحسبيه معهم
انا مش عارفة اسعار خالص ، بس اكتر من حد قاللي ان الموكيت له مشاكل كتير في التنظيف ؟

و راي كمان تسالي عن الاتش دي اف الصيني اعتقد سعره هيكون مقارب للموكيت و اكيد احلي

دا زي الباركيه يعني ، بس اعتقد هايكون غالي ، ولا ايه ؟

**محمد عز** · 12-12-2011 12:20 PM

الموكيت درجات وأسعار متفاوتة

عيبه

محتاج تنظيف فورى واهتمام زائد وخصوصا فى حالة وقوع مياه

ميزته

مش هتاجى اى سجاد نهائى

القنالتكس (فينيل) ميزته اشكال والوان لاتنتهى + فيه المصرى والصينى

تركيبه سهل جدا ومش بياخد وقت

والمتر ممكن يتكلف فى حدود من 40 جنيه بالتركيب

و فيه حاجات منه بتبقى شيك وسهل جدا تقدرى تتدخلى الالوان مع بعض

انصحك بالفينيل لسهولة تنظيفه

**MRBEBO** · 12-12-2011 01:22 PM

بتهيئلي الموكت احلى .... كان عندنا المشمع ده وكان شكله غبى جدا

بصراحة لا بديل عن السيراميك وان كان الموكت احلى من وجهة نظري

**zkralla** · 12-12-2011 04:14 PM

الموكيب بيعمل مشاكل لانه صعب التنظيف
القنالتكس افضل وبيبدا من 15 جنيه للصينى وليه سوق فى الرويعى بالقرب من ميدان العتبة والمصرى فى حدود 25 جنيه والاسعار ديه من غير الغرا ولا مصنعية التركيب
القنالتكس حلو بس طبعا عمره الافتراضى اقل من السيراميك
بالترتيب
لصق سيراميك على البلاط بالمادة
قنالتكس
..........
موكيت اخر حل

**أبو صلاح** · 12-12-2011 05:29 PM

أنا حدود معلوماتي في الموكيت
شكله معقول وممكن تعملي الغرف كل غرفة لون مختلف
سعره 9-12 ده العادي (هتلاقيهم في العتبة)
في نوعيات تانية بتعدي

المصنعية هتبقى 4-5 جنيه للمتر شاملة كل المواد
وانتي وشطارتك مع الصنايعي في الفصال

(كنا في الشركة بنجيب الصنايعي بيعمل المتر ب 2 جنيه بس طبعا علشان بنعمل معارض باستمرار)

**أبو صلاح** · 12-12-2011 05:31 PM

أنا حدود معلوماتي في الموكيت
شكله معقول وممكن تعملي الغرف كل غرفة لون مختلف
سعره 9-12 ده العادي (هتلاقيهم في العتبة)
في نوعيات تانية بتعدي

المصنعية هتبقى 4-5 جنيه للمتر شاملة كل المواد
وانتي وشطارتك مع الصنايعي في الفصال

(كنا في الشركة بنجيب الصنايعي بيعمل المتر ب 2 جنيه بس طبعا علشان بنعمل معارض باستمرار)