الموضوع: أرجو المساعده في الكنترول يونت

عايز مساعده من أهل الخبره في موضوع الكنترول يونت
أنا عربيتي ابيزا 2006 اتوماتيك المهم لبست برضوره محطوطه بعرض الطريق وانا داخل اركن فالريداتير اتكسر وخر الميه المهم كلمت الراجل بتاع الصيانه بتاعي جالي وكان الوقت متاخر وافل الورشه بتاعته وانا كنت مستعجل ولازم أعمل العربيه في نفس اليوم المهم قالي تططلع الورشه بتاعت الحرفيين بتاعت اخوه فوافقت وطلعت بالعربيه الحرفيين الساعه 12 بليل ( أنا كنت في مصر الجديده) وكنت واخدبالي وعمال أزود مايه وانا ماشي وبريح كل شويه وكده المهم وصلت الحرفيين و كانت كل الناس قفلت ماعدا الناس الي مستنياني وحاولوا يعملولي حلول مؤقته اغلبها فشل معادا حل قلل تسرب الميه فقلت اخدها و أروح البيت علشان الساعه 4 الفجر مشيت من الحرفيين و أنا بلف من تحت الكبري الحل المؤقت فشل والميه نزلت تاني والعربيه سخنت بين ال80 وال 120 في النص تقريبا ومره وحده المطور متبرجل والاربي ام عمال يعلى ويوطى لوحده ودواسه البنزين بدوس عليها مفيش أي استجابه خالص ولا كأئنها موجوده زيها زي الدبرياج ( أنا أتوماتيك على فكره) المهم كلمته قالي مينفعش امشي بيها تاني فقطرطها لحد الشيراتون كده ووقفتها جنب الورشه بتاعته وكشفنا عليها تاني يوم طلع البوبينه التانيه والتالته مش داخلها كهربه وبوابة الهوا مش بتتحرك مع الدوس على الدواسه فقلي ان الكنترول يونت ضربت ومسقطه وظيفه أو اتنين من الوظايف بتاعتها وحاولنا مع الكنترول عن طريق الكمبيوتر بس مش قاري غير خطا(error) في حساس العادم أعمل ايه خصوصا ان الكنترول بتاع الاتوماتيك مش متوفر زي بتاع المنيوال ولا قيت واحد عنده كنترول طالب فيه رقم فلكي 1400 هل ده منطقي واسعار الكنتورولات ايه .... وشكرا واسف على الاطاله