النهارد شلت اتنين على الكابوت
كنت راكن ومعايا امى فى العربية
وقدامى عربية واحدة ست حظها الغبى انها فاتحة الشباك على اخرة
جم اتنين رجالة بتاع 45 سنة عملين شحاتين وبتوع عاهات
واحد بيعرج والتانى بيرعش بأيدة الاتنين !
وهاجمين عليها جوة العربية
هى قفلت الازاز بسرعة
انا كنت لسة بطلع لقيتهم لفولى وجايين عليا واحد بيعرج ذى الزومبى اكلى لحوم البشر دول
والتانى عمال يرعش كانة طالع من جلسة علاج بالكهربا جايين بشويش على الجمب اليمين مطرح ما امى قاعدة .. يدوبك قفلت الازاز
و قمت هارس البنزين ومعلق الكلاكس وفركت يدوبك لسة المؤشر مجبش 20
واحد اللى بيرعش اتشقلب على الكابوت والتانى الزومبى الرفرف طيرة وخبطة فى عربية اوكتافيا كانت راكنة
وانا اصلا موقفتش ... لقيت اللى على الكابوت نط
والتانى بيجرى ورايا واللى بيعرج بقى ذى الفل كان الخبطة علجتة
بس على مين انا كنت طرت خلاص
أجمل حاجة بقى الناس اللى كانت واقفة تتفرج ... انهاروا من الضحك كان موقف مسخرة
المفضلات