الموضوع: الـشـحـاتـة بـالـتـنـظـيـف الاجــبـاري .. تـحـت شـعـار ( استحمل نزولك الشارع )

في مره كنت في وسط البلد
وماشي بالعربيه في الشارع
وعربيه جمبي 4×4
وشكل اللي فيها راجل عربي مش مصري
وده طلعله واحد من العيال بنت التيت دي بتوع امسحلك ده
والعربيه عاليه بقي والراجل قافل الازاز

اللذيذ في الموضوع ان الواد اصلا منظر اهله الفوطه اللي في ايده شكلها نضيف عنه
اذا كنت انتا البعيد شكلك معفن حتنضفني انا؟
طب روح استحمي وخلي شكلك عدل
هوا الحموم ده فيه حاجه ياجدعان
شويه ميه وصابونه
او كيس اريال واغسل الفوطه معاك

المهم الواد قفشت معاه بقي وشايفها سبوبه حلوه وحياخدله بتاع 10 جنيه
وياريته بقي بيمسح
لا هوا عاوز ياخد فلوس بس
واتشعلق في الكساحه بتاعت العربيه ومسك في السقف
وحظ الراجل المنيل انه واقف في اشاره من بتوع وسط البلد
وانا عمال متابع الموقف والواد عمال يزن زن غير طبيعي
لدرجه اني كنت حنزل اضربه
المهم الاشاره فتحت

انتو عارفين اشارات وسط البلد ناحيه طلعت حرب ولاظوغلي كده كل 50 متر اشاره
اتحركنا وشويه والاشاره اللي بعدنا قفلت
مفيش 30 ثانيه
ولقيت الواد هوا هوا طلع معرفش منين
ونفس الطريقه
والراجل صبره غير طبيعي
لدرجه اني حسيت بحاجه من الاتنين

يااما الراجل مأجر الواد ده يسليه
يااما العربيه دي نازله بشحات ضمن الاوبشن بتاعها :)


الموقف التاني بقي اللي لاحظته
انك الواد اللي بيمسحلك العربيه ده واخد المهنه مش هوايه ولا احتراف
لا نتانه
يعني انا بديك جنيه ولا اتنين جنيه
طب كمل مسح العربيه ولا الازاز حتي
لا ده يفضل يحسوك كده لحد ما يقفش الجنيه
وبعدين يسيبني ويمشي ويشوف غيري
ياابن اللذينه
بقيت انا بقي صايع
اول ما يبتدي مسح
افضل سايبه
يفضل يمسح
يمسح
يمسح
يمسح
وفي الاخر افتح الازاز حته صغيره اديله الجنيه وامشي

ربنا يتوب علينا من العيال دي والبلد يبقي فيها شغل بجد بقي عشان ميبقاش ليهم حجه