ارجو المساعده بخصوص كورولا 94

**ahmedxsniper** · 13-12-2011 11:47 PM

السلام عليكم
عندى كورولا 94 1.3cc كربراتير و عايز اعرف ايه احسن ميكانيكى او مركز متخصص فى الموديل ده اظبط عنده العربيه . يعنى يكشفلى على الموتور و يظبطو عشان حاسس انو مش بيطلع احسن اداء عندو و كذلك من حيث العفشة محتاجه شغل .
و سؤال تانى لو سمحت , بفكر اركب باور للعربيه, ايه امكانية كدا و هيكلف كام و يتعمل عند مين ؟
شكرا مقدما :)

**mr_sameh** · 19-12-2011 05:54 PM

ممكن تشيل الموتور كله وتركب موتور 1600 انجكشن بالباور والتكييف بمبلغ 4000 ج

**yasser_ds** · 09-02-2012 03:28 PM

4000 ج بس و انجيكشن كمان و 1600 ده منين ده يا باشا انا معاك فى الراى على فكره بس اللى اعرفه العالميه فى الحرفيين اقل حاجه 5000 و لا انت بتتكلم من غير فتيس

**zizophone** · 22-02-2012 12:44 AM

نصيحة بلاش موتور 1600 انجيكشن غير مرغوب فيه بسبب ندرة قطع غياره وكمان بتبقى صعبة في البيع في الحالة دي عشان اللي بيفكر في العربية دي بيفكر فيها عشان انها اقتصادية وعملية جدا

**yasser_ds** · 04-03-2012 01:08 AM

انا مع موضوع تغيير الموتور العالميه حتى لو غالى هما احسن ناس فى مصر عندهم شغل التويوتا إستيراد انا لسه جاى من عندهم من شويه ده المهمدس محمد عرض عليا نفس الموتور و تحويل العربيه الى اتوماتيك بالنسبه للتعليق الخاص بندرة قطع الغيار اسف جدا الموتور ده اصبح اكثر انتشاراً فى قطع الغيار لانه نزل فى الكورونا كمان و حاجته متوفره جدا زيدان و السرساوى فى الدقى و الهانى فى المعادى غير الاستيراد و العالميه فى ش دمشق و الحرفيين