الموضوع: الياريس ورقم جديد في التسارع من 0 - 100

السلام عليكم ورحمة الله وبركاته

النهارده كنت رايح اجيب الحاج من المطار وصل مصر بالسلامة

وبمجرد اني دخلت المطار (الدخلة اللى بتكون على اليمين وانت جاي من طريق النصر)

لقيت الطريق قدامي ماشاء الله واسع ومتسفلت بنضافة جدا

وفاضي وزي الفل

انا اول ماشفت الكلام ده قلت بس فرصة اني اجرب تسارع العربية تاني

خاصا اني اول مرة كانت العربية عاملة بالزيت في حدود ال 10 الاف كيلو فكنت حاسس انها ممكن تجيب احسن

المرة اللى فاتت كنت ماسك الاستوب وتش وجبتهم في حوالي 12.34

http://www.nilemotors.net/Nile/253049-0-100-12-a.html

كنت بس عايز اتاكد ان الطريق مافيهوش مطبات ركنت على جمب شوية مافيش دقيقتين لقيت كوبر جاي طاير ماشي مش اقل من 160 !

بعدها النترا و i30 قارصين قرص السنين بس للاسف ماقدرتش اخد بالي مين اللى طالع من مين بس الفرق بينهم كان قليل

قلت تمام مافيش مطبات بس قابلتني مشكلة بسيطة

اني لوحدي في العربية ومش عارف هصور ولا همسك الدركسيون ولا هنقل بالفتيس

قلت مابدهاش الطريق جميل ولازم اجرب باي طريقة

حطيت الموبايل في كف ايدي ورحت ماسك الدركسيون والموبايل متوجه نحية العداد

وبالايد التانية بنقل بالفتيس طبعا كان نفسي اعمل تسارع من 0-160 او ل 140 على الاقل والطريق كان يسمح بكدة بس ماكنش هينفع امسك الدركسيون بالمنظر ده وانا ماشي فوق ال 100

جربت التسارع والعربية المرة دي جابتهم احسن من المرة اللى فاتت

بس المرة دي ماكنش معايا استوب وتش والفيديوهات مش بتوضحلك التسارع بتاعك بدأ ازاي

بمعنى انت مثلا ممكن تبدأ تتحرك من اول الثانية 2 وتنتهي عند اخر الثانية 14 كدة انت معناها عملت التسارع في 13 ثانية مش في 12 !

والعكس ممكن تبدأ مع اخر الثانية 5 وتنتهي مع اول الثانية 17 ويبقى انت كدة عملت تسارع في 11 ثانية ! ! زي الفيديو اللى انا منزله بالظبط

وعشان اكون دقيق رحت مدخل الفيديو على برنامج محرر فيديوهات خاصا لان الفيديو على اليوتيوب بيبقى فيه delay بسيط

هو من الموبايل كان مطلع التسارع 11 ثانية بالظبط ويمكن اقل كمان بس قلت خلني اخد بقراية محرر الفيديو ادق

العداد بدأ يتحرك من 5.50 وصلت ال 100 عند 16.72

وبكدة تكون الياريس جمعت من 0-100 في حدود ال 11 او لو نكون اكثر دقة 11.22 ثانية

وملاحظة بسيطة برضوا ان تسارع العربية اللى مقلله الطلعة من الثبات لان العربية اوتوماتيك وكمان 1300 ! فالطلعة من 0-40 علما الماتور بيكون وصل بس للعزم بتاعه بتاخد وقت بعد كدة بيكون التسارع ممتاز

ودي حاجة طبعا مش بتبقى موجودة خاصة لو الشد من بعد مطب

بعد المطب الواحد بيرزع كيك العربية بتسقط اول وبتعلي الRpm في سعتها فبتفرق فحبة حلوين

<<< ياعم انت بترغي كتير ليه ماتجيب الفيديو وخلصنا

اسيبكم مع الفيديو

Toyota Yaris Acceleration 0-100 1.3 L 11sec ! - YouTube

الفيديو زي ماقلت لحضراتكم توقيت اليوتيوب بيعمل Delay واكيد اي حد رفع فيديوهات تسارع هيبقى فاهمني واللى حابب يتاكد يعمل دون لود للفيديو ويشوف

وان شاء الله هروح اغير فلاتر واظبط العربية شوية لان اخر مرة وديتها التوكيل من بتاع سنتين ونص واخري طول الفترة دي بغير فلتر زيت وشكرا !

اخر مرة نضفت فلتر الهوا طالع مسود الراجل كان صعبان عليه الفلتر <<< قلتله خليك في حالك

هروق العربية قريب ان شاء الله واحتمال ارزعها فلتر اسبور وارجعلكم برقم قياسي جديد

ان شاء الله المرة الجاية يبقى التسارع من 0-160 او ممكن نحاول نقفل العداد بقى بالمرة عشان اكتشف صحة مقولة ان الياريس بتقفل ال 200 ولا لاء