الموضوع: خليـــــك شجاع ! سمكر و رش سيارتك بنفسك !! - انا عملت كدة ! اياكم ! :)

المشاركة الأصلية كتبت بواسطة Ahmad Allawy

كريم باشا.. معلش شوفت الموضوع متأخر..
ما شاء الله تسلم ايدك..
ايدك تتلف في حرير يا اسطي كيمو..
ابقي شارك نادر بقي في ورشة.. انت سمكرة و دوكو وهو واكسينج و بوليش..

نيجي للسؤال بقي اللي محدش لحد دلوقتي جاوبني عليه ف المنتدي هنا..
انت ان شاء الله هتجاوبني عليه.. عشان انت عملته بايدك..

انا عايز اعرف بقي الورنيش اللي بيترش ده ايه نظامه..
نوعه.؟؟ و بكام.. و ايه اللي المفروض انه يتعمل في العربية قبل ما تترش بيه.. و كل حاجة عنه..
يعني هل المفروض العربية تتسحق بصنفرة ناعمة مصر قبلها..؟؟
ولا ممكن يترش علي البوية عادي كده..؟؟ ولا ايه النظام..؟؟

لو تاخد بالك في عربيات كتير تلاقيها سقفها و شنطتها مجيرة كده و عليها علامات بيضا..
كنت مع واحد معرفة و لقيت عربيته كده,, حكيت البويا بايدي كده.. لقيت القشرة البيضا دي طلعت.. و لون البوية تحتها زي ما هو بس مطفي..
ساعتها ايقنت ان العيب مش عيب بوية ولكن عيب طبقة ورنيش الشمس بوطتها..
فقولت اكيد ده ممكن يتصنفر او يتسحق و يترش ورنيش تاني..
ممكن تفاصيل اكتر بقي عن الموضوع..؟؟
جوزاك الله خيرا ..
و بارك ليك في عربيتك و فغي شغل ايدك فيها..

البوليش مهم جدا يا احمد و علي كلام الصنايعي ممكن يسترخص في نوع البوية بس مينفعش يسترخص في نوع البوليش .

البوليش بيترش فوق البوية الجديدة و هو الي بيفرق السيارة الميتاليك من العادية و تعرفه في السيارات الجديدة حتلاقي فيها " ذرات او حبوب " صغيرة جدا كدة بتلمع عامل زي ال GLITTER بتاع الهدايا .

فايدته الاولي و الاساسية اللمعة و الانعكاس بتوع الميتاليك - حماية البوية من اشعة الشمس .

بس للأسف في البلاد الحارة زي عندنا .. الطبقة دي اصلا بتروح مع نفسها .. و اكبر خطأ كلنا بنعمله ( دي قريتها في منتدى انجليزي )

هو محطة غسيل السيارات و خصوصا المكنة الكهربائية الكبيرة دي ... اكتر حاجة بتخربش دهان السيارة و بتزيل الطبقة بتاعت البوليش نهائي !

و بعدها يجي العمال يكملوا عليها بالفوطة الصفراء !

تنضيف السيارة يمنع منع بات - تحريك الفوطة بصورة دائرية .. بتعمل SWIRLS و دوائر كدة ممكن تشوفها في اي عربية في مصر .

و مرة علي مرة بتتاكل تماما و تروح .. بالنسبة للأنواع حبقى اقولك انهي احسن و بكام علشان انا مشفتش بصراحة العلبة الي استخدمناها .

المشاركة الأصلية كتبت بواسطة tmz9111

معلش مش فاهم قصدك سوق السيارات

في الحي العاشر كل يوم جمعة في ساحة كبيرة جدا بيتعمل فيها سوق سيارات اسبوعي ( سيارات مستعملة ) .

المشاركة الأصلية كتبت بواسطة goodwave

بسم الله ما شاء الله عليك .... ربنا يبارك لك
بس أنا وإنت وغيرنا ممكن يكون نفسهم يعملوا الموضوع ده بس فين تلاقي الصنايعي إللي عنده ضمير ومحبة ويسيبك تتعلم صنعته بدل ما يعمل عليك مفتح وعالم ذرة! ده رزقك بقى يا عم إنك لقيت الأسطة ده.

بس قوللي كنت لابس إية وإنت بتشتغل في العربية ؟ عفريته؟ أصلك قلت طلعت من الشغل على السمكري فهل كنت بتعمل الحوار ده بهدوم الشغل؟؟؟؟؟ يا قلبك!

لأ احنا في الشغل مافيش لبس رسمي .. فانا بروج بالجينز و التيشيرت :)

بس الصنايعي كان لابس بالطو بتاع توكيل VW ( هو بشتغل فيه اصلا) انا قلعت الشيرت خالص :) علشان كان لسة جديد . .انما الجينز .. عادي بقى هو كدة كدة كان واخد حقه وزيادة .