المشاركة الأصلية كتبت بواسطة zeyad1810
بعد اذن كريم انا هجاوبك على السؤال دة بما انى لسة عامل عربيتى قريب وشارى الحاجات دى بنفسى
هو الورنيش دة زى ما كريم قال بيعمل طبقة ملمعة وحماية للبوية وخصوصا الميتالك لانة بيظهر لمعة الصدفة بتاعتها قوى
وهو بيترش فوق البوية وبعد الرش بيتسحق بالصنفرة ويتعمل بالبولش ابو 5 جنية فبيديك لمعة احسن مع نعومة فى ملمس العربية
طبعا احنا لو سيبناة من غير مانسحقة بالصنفرة وبعدين نلمعة بالبولش هيكون بيلمع بردة بس ملمسة مابيكونش ناعم وبتحس انة محبب ولذلك يفضل سحقة ثم تلميعة بالبولش والقطن
انا كنت جايب ورنيش 2 كيلو دة كان على 2الا ربع كيلو بوية وتم رش 6 طبقات ورنيش فوق البوية وطبعا دة بيعمل حماية جامدة للبوية وكمان اللمعة بتكون افضل لانك بعد كدة بتصنفر وبتشيل منة طبقة علشان يكون ناعم
انا جبت نوع كابسى والاتنين كيلو كانوا ب 290 جنية