خليـــــك شجاع ! سمكر و رش سيارتك بنفسك !! - انا عملت كدة ! اياكم ! :)
السلام عليكم و صباح الخير علي الناس الحلوة !
بقالي كام شهر بزن علي كل واحد اشوفه .. عايز ارش - عايز اصلح - عايز - عايز ..
المشكلة ان كان عندي خبطة صغيرة في وش العربية عوجت حتة في بوز الكبوت
و حتة في الاكصدام " دمرت تماما "
http://img453.imageshack.us/img453/6...shsmallua5.jpg
بعد العلاج السريع :
http://img451.imageshack.us/img451/60/spa0120hd2.jpg
عملتها بسرعة علي البارد كدة و من ساعتها وانا كاره العربية لدرجة اني بطلت انضفها او حتى احط معطر فيها .. وبقت مزبلة !
حتى موضوع الWaxing يتاع معاذ لما رحت كارفور اجربه ... اتكسفت ايدهم العربية من منظرها ... طبعا كل سيارات مصر فيها خدوش و بتاع بس لما تكون في وش العربية بتضايق اكتر .
المهم ... طلعت يوم الخميس رايح اغسل العربية .... كنت لسة واخد مكافاة من الشغل الحمد الله ..
فضربت في بالي الساعة 1:30 منا اروح للسمكري لو فاضي حخيلصها علي 12 باليل او بكرة علي الصلاة ! ( الخميس و الجمعة الي فاتو )
طلعت علي الاسطة رياض - راجل اتعرفت عليه قريب - زي العسل و الله و راجل سني و ملتزم جدا و اخلاق فعلا صعب تلاقيها في صنايعي حاليا .
المهم لقيته شغال في ورشتة ( معندوش مساعدين - هو بس ) الي في العاشر
كان بيمعجن هوندا بريلود Prelude حمراء .
المهم وقفت اتفرج و فكيت انا الشبكة بتاعتي و قعدت اشوف ايه عايز ايه ..
المهم معرفش ايه جه في بالي مسكت الشكوش و قعدت ادقدق علي حتت عالية في الكبوت .. لفيت الراجل بصلي .. قالي طب و هنا و هنا و قعدنا نشوف كدة ..
و خدت البتاع ده المكنة الي عملة زي الصنفرة دي بس علشان تشيل الدهان الموجود و ظبطت بيها اللاكصدام كله !
جيت بقى يا معلم للمعجون . وراني ازاي بيتخلط ببتاع احمر كدة زي معجون السنان
خدته يا ريس و دعكت بيه كل الحتت الي في الكبوت الي فيها واطي و الاكصدان نفس الشيء ..
http://cryptonx.googlepages.com/SP_A0558.jpg
و بعدين يااسيدانا لمدة ساعتين كاملين بالصنفراء و الماء و الصابون علشان نشيل المعجون الزيادة و يفضل بس الي مكان الخبطات او الاماكن المنخفضة في السيارة .
و العملية دي اتكررت مرتين ( وشين ) .
لحد ماوصلت للنتيجة دي :
http://cryptonx.googlepages.com/SP_A0557.jpg
طبعا لفيت حاجات في اعلي الكبوت عايزت تتعمل - شكرا للناس و الكلاب و الشجر فابالمرة اتعملت .
جينا بقى للمرحلة قبل النهائية . و هي الفلر (Filler) و دي فكرتني بايام الكلية لما كنا بنلون المشاريع بالِAirbrush .
المهم رحنا اشترينا علبتين علبة فللر رصاصي كدة و عبلة تانية زي زيت كدة بيتضاف عليها - تمنهم تقريبا 30 جنيه .
شغلنا الكومبروسور و مزجنا الفلتر بالزيت ده ( نيست اسمه والله ) و حطينها في مكنة الرش .
و اخدتها انا منه بقى !! و اوعى وشك !!
و دي كانت النتجية بعد الفلر :
http://cryptonx.googlepages.com/SP_A0560.jpg
اليوم بقى كان اتاخر و كان الخميس و الساعة 7 .. و انا لازم اخرج يوم الخميس .. رحت اخدت المدام ( بالمنظر ده - :arghh: ) و طلعنا روحنا Cinema فيلم Ironman ( بعد اقناع فوق الساعة - و طلع لذيذ يعني )
و اتعشيت و روحت البيت نمت - صحيت صليت الجمعة و استعديت للمعركة النهائية ز
رجعت تاني للأسطة رياض ... قالي امسك الصنفرة و ادعك في العربية لحد متعيط !
قعدت ادعك لما ايدي ورمت .. لمدة ساعة تقريبا .
و جه وقت اللون !
خد الكود بتاع العربية من الباب و طلعنا علي ورشة جنبنا كدة .. قعده يظبكوا حاجات علي الكومبيوتر لحد مداله كام رقم كدة .. راح شاريهم .. خلطهم ,, واشترينا ورنيش ميتاليك و جه وقت التجربة .
بصراحة مرضتش اتدخل اوي في موضوع ظبط اللون ده اكتفيت بالتعليق علشان كنت خايف اطلع لون تاني خالص !!
المهم ظبطنا اللون و في مكنتين في الكابينة ( فيكنا الفوانيس و غطينا السيارة تقريبا كلها بورق الجرائد و السكوتش ) .
و دخلنا علي الكابينة بقى بتاخد من 30 الى 40 جنيه علي العربي
و الراجل دخل علي الكبوت ( قلت صاج برده :) ) وانا مسكت الاكصدام !
ساعة زمن العربية خلصت يا جدعان و وفضل ورنيش المياتليك عملته كله !
وقعدنا بعدها نلمع وبتاع !
و وصلنا لكدة :
http://cryptonx.googlepages.com/SP_A0561.jpg
طبعا اللون مفيهوش غلطة بس في شوية حاجات انا السبب فيها طبعا :fool:
يعني اول مرة ارش و كدة .. بس بصراحة متشوفهاش الا لما تدقق يعني !!
و الموضوع كله اتكلف 70 جنيه بدل من 300 علي الاقل و استفدت و اتعلمت و استمتعت بوقتي جدا جدا :)
ارجوا اني اكون افدتكم
معرفش اخد صور جو الكابينة علشان بناء علي كلام واحد صنايعي مفتي ان الموبايل ممكن يبوظ جوا . !!