عوامة البنزين

**SYD** · 15-12-2011 08:50 PM

السلام عليكم ورحمة الله وبركاته

طبعا انا كان عندي مشاكل كتير في الفترة الأخيرة في العربية وبسبب ركنتها كتير عند الميكانيكية والموتور فضل مخلوع منها فترة فالتانك بتاع البنزين طبعا كان فاضي ومفيهوش ولانقطة

المهم
ساعة لما الميكانيكي سقط الموتور وجه الكهربائي يدور طلب مني اجيب بنزين
روحت جبت ب10 ج بنزين 92 يعني بالكتير 5 لتر

المهم دورنا الموتور

وبعدها بيومين روحت للميكانيكي تاني عشان يكمل شغل وساعتها روحت جبت بنزين تاني في جركن بردو ب10 ج

المهم فضلت اقطرها بنزين ب10 وب15 وهكذا

كل دة والعوامة مظبوطة وزي الفل

وبعد ما تقريبا كل حاجة ركبت كان الأر بي ام عالي فقولت اكيد البوابة معلقة فعملت بنصيحة احد الأعضاء وحطيت زيت باور في التانك قولت عشان يلين شوية البوابة

ومن ساعتها عينك ماتشوف الا النور

لاحظت ان العوامة بقت بتركن - يعني بتثبت وبقت تطلع وتنزل لوحدها

يومين كدة وظبطت

ودلوقتي رجعت تاني تلعب بالزات وانا بلف
لو باخد ملف يمين الاقي العوامة نزلت لنص التانك (وانا مفول)
ولو باخد ملف شمال الاقي العوامة طلعت لأخر التانك (وانا عندي بنزين لنص التانك)

يعني من الأخر العوامة مش مظبوطة

الميكانيكي بيقولي دي الشريحة الموجودة في طرمبة البنزين والمسؤولة عن تحديد كمية البنزين في التانك او بمعني ادق المسؤولة عن استشعار دراع العوامة وبناء عليه تحريك المؤشر في الطابلوه

انا اعتقد انها ممكن تظبط بعد كام تفويلة مع استخدام منظف الأنجيكشن

هل حد يوافقني الرأي ولا كدة لازم اغير طرمبة بنزين بالعوامة
مع العلم ان الطرمبة عندي ماشاء الله لا قوة الا بالله شغالة كويس ومش بشتكي منها

والله المستعان
،
،

**windofchange** · 17-12-2011 02:12 AM

العوامة بتاعت العربية دي حوااااااااااااار وماركتها زي ماركة العداد vdo

**windofchange** · 17-12-2011 02:23 AM

[COLOR="rgb(139, 0, 0)"]مش شغالة عندي علي فكرة وتقريبا اتسرقت وانا بغير الطرمبة عند الكهربائي او بوظها الله اعلم عمل ايه لأن بعد ماغيرت الطرمبة البنزين علي طول وكنت مفول التانك كانت تديني ان التانك فاضي ولما البنزين يقل ويقرب يخلص تديني full اكن التانك مليان ,,لأنها علي كلام الكهربائي ان العوامة مش بتاعت العربية فمش ظابطة مع العداد لأن كل عداد له عوامته يعني لو جبت عوامة بتجربها الاول وبعد كده مش شغالة هترجعها يعني عوامة عربية زي الجولف مثلا احتمال كبير متظبطش مع العداد عندك وهكذاا وهكذا حاليا انا شغال بال trip افول واصفر العداد وربنا يجازي اللي كان السبب ويعامله بما يستحق(كام مرة العربية فضت مني بنزين لأن استهلاك البنزين زي مانتوا عارفين متغير علي حسب صيانة العربية وطبعا ادور وهي مفيهاش بنزين الطرمبة كهرباء فبتضعف وكويس انها شغالة بعد 5 مرات دورت وهي فاضية علي ماافتكر) العوامة استيراد بتعمل من 100 ل150 ل200 جنيه ولو هتاخدها بالطرمبة بتعمل 350 ل400 جنيه والطرمبة جديدة لوحدها ب300 جنيه ضغطها 3 وبتركب ايبيزا وباسات لأن اللي ضغطها 3 وانا شاريها مكتوب عليها باسات ولما تدخل علي موقع شركة vdo هتلاقي كتالوج لكل المواتير والطرمبات اللي تمشي عليهم والموتور بياخد طرمبة ضغطها كام وكده تقريبا المكنة ال1000 طرمبتها ضغطها 1,5 [/COLOR]