ربنا ييسر لكم الحال
عرض للطباعة
ربنا ييسر لكم الحال
ربنا يخليك يارب :)
شوف يا باشا انا عايز انزل رمسيس علشان اشوف الناس الي بتبيع الحاجات بتاعة الجيش دي .:.
--------
اخبارة شبة مؤكدة مركز التدريب بقي 45 يوم .. اعملوا حسابكوا ف الغيارات والفلوس
اللى بيسرق مش بيفتح الشنطة يسرق منها لا بيسرق الشنطة نفسها ويفتح بموس ده فى اسوا الاحوال لو صادفت يعنى النوعيه دى خلى بالك من حجتك
اه معلش انا كل مافتكر حاجة بقولها حاول فى اول اجازه تروح اكبر قدر ممكن من المخلى مش هتحتاجة علشان ماتشيلش كتير هيكون معاك بطاطين ومخلى وشنطة !!! كتير جدااا وخصوصا اثناء الترحيل وهوه دة التعب كله
حازم باشا انت لسه في الجيش صح ؟ موضوع ال 45 يوم اللي بيقول عليه سامح هل فعلا مضبوط ولا ايه !!!؟ لازم اتأكد !
ربنا يبعد عننا جميعا ولاد الحرام دول :( منهم لله :banzai:
ياريت دايما لو افتكرت اي جديد تقولنا عليه و نكون شاكرين جدا مجهود سعادتك حازم بك :)
ينفع اخبيها في الشنطة بتاعتي ولا ايه اصل صاحبي بيقولي ممنوع تخرّج أي حاجة ميري برة الجيش !!!
معتقدش 45 يوم خالص بس الدفعات اللى جاتلنا كلهم 10 ايام مركز تدريب وبقا ياخدو طوابير تدريب تانى عندنا فى اللوا
وبردة فى انتخابات مجلس الشورى جاية ودى على ماسمع مرحلتين بس فهيكونو محتاجين عساكر مش هيسيبوهم فى مركز التدريب الفتره دى كلها
برغم مركز التدريب لما يطول احسن ليك انت بدل ماتروح الصحرا الفتره دى مركز التدريب فى رعاية ونظام
الخروج باى حاجة ميرى ممنوع طبعا بس كله بيطلع انا بنزل اجازة وبرجع مموهه ده وانا فى الكتيبة
لو انت عايز تخرج مثلا بحاجة مخالفه واتفتشت قوله هروحها اغسلها فى البيت اى حاجة يعنى اوعى تاخد سلاح وتروح بيه هههههههههههه
انا مش هعرف اتاكد الا يوم 19 يوم سماع السلاح .. وعندنا الترحيل تاني يوم ..
والدفعة الي فاتت الي كانت محظوظة لانهم حضرو باين 10 ايام وبعدها الاجازة 11 يوم العيد او حاجة زي كدا ..
وناس كتير من جوا الجيش بتقولي انها خلاص كان ظروف طارئة للثورة ورجعت بالفعل 45 يوم تاني ..
هاروح اعيط ... هاروح اعيط .... مع نفسي
اي حاجة تتقال ع الدفعة دي اصدقها (45 يوم.... 90 يوم .... حرب هتحصل اول ما نمسك السلاح ... اي حاجة ) انا عارف حظ سنة 90 لازمني من اول تنسيق الثانوية
الحمد لله علي كل شئ
واحب اطمن حضراتكو ان المخلة بتاعتكو ان شاء الله مفيش حاجة هتتسرق منها طول ما انت ف مركز التدريب علشان الكل بيبقي مستلم مخلته وكاملة و متزنجفة (كلام اصحابي اللي ف الجيش) الكلام ده بيحصل لما نترحل ع الوحدات بتاعتنا علشان الناس القديمة بتحتاج تكمل مخلتها وربنا يسترها معانا ان شاء الله
الاجازات بتبقى واسطة او حظ او الميرى على 28 يوم
ياباشا حرب اية بس احنا كنا داخين زيكو كدة قبل الثورة 6 ايام والدنيا والعه بره واحنا مش فاهين حاجة وقولنا هتحصل حرب واسرائيل هتدخل طلع خيالنا واسع
الجيش حاول تريح نفسك علشان متتعبش
اه لما تترحل على وحدتك الاساسية لو كنت سلاح متعب يعنى زى المشاه والمدفعيه حاول تدخل حاجة اسمها افراد او عمليات
الافراد دى زى شئون الطلبه
العمليات دى شغل كمبيوتر وورد
سؤال يا حازم لو سمحت
الافراد او العمليات الزق نفسي فيها ازاي (معنديش واسطة) ؟
مش شرط الواسطة اول ماتترحل على القوة الاساسيه هيسالو حد خطو حلو ده عايزينه للافراد وهيقولو حد بيفهم فى الكمبيوتر شغل اوفيس
هيه مش مريحة اوى بس ارحم من الخدمات بالليل واجازتها بتظبطها مع بديلك
@hazoom2006
شكرا لرد حضرتك .... وربنا يقدم اللي فيه الخير
متبقاش متشأم قوي كده يا بيسو :)
- امبارح اشتريت 4 رباط بيادة اسود
- و كاب مموه
- و 4 شرابات ميري
- و فرش جذمة لقيته رخيص قوي ب 2 جنيه :)
كل ده كلفني 50 جنيه
- النهاردة بقي اشتريت شنطة علشان احط فيها الحاجة بترولي مع اني اعتقد اني مش هستخدمه ب 130 جنيه من بعد 150 جم عجبتني علشان فايبر او حاجة تحس انها كارتون مضغوط و بلاستيك المهم المفروض انها متكنش بتتسرق بالموس :) و ربنا يستر بقي
ماتخافش مافيش حاجة رسمي .. وان شاء الله انتا لو جالك بحرية ماتقلقش خالص .. لاني الي اعرفة انك لو في الاسكندرية وفي مكان كويس بتروح وتيجي كل يوم وبتخش بالموبيل وفية ناس مش بتحلق شعرها اوي الا كل فين وفين والحاجات خفيفة يعني .. ( مش جيش يعني ) ..
واحد بيقولي يوم الخميس الشرطة العسكرية طلعت فيما لا يقل عن 1500 موبيل والي معاة موبيليين مش واحد ..
لك ان تتخيل واحد ادخل الساعة 7 ومعاة موبيليين وشعرة طويل ومش حالق دقنة .. ده ناقص يلبس ملكي d:
هاتوا 3 فرش جزم (واحد للبيادة وواحد للجزمة النص وواحد للكوتشي ) ومتنسوش بدرة الرجل (مهمة جدا جدا جدا علشان ريحة الرجل من البيادة ) وخدوا البيادة مقاس أكبر من اللى بتلبسوة )
والغيارات اللى هتستلموها حافظوا عليها علشان هتسلموها
م/مصطفى محمود
شكرا ليك .. انا جبت كوتشي ابيض سادة خالص هل ينفع استخدموة واجري بية جوا بدل بتاعهم ده ..
م \ مصطفي انا جبت 5 فرش جذمة هاخد الاثنين العاديين في مركز التدريب و الاسباني هخليه في الوحدة الاساسية :)
مفيش حد رد في موضوع مده مركز التدريب 15 يوم ولا 45 مستني الردود
15 صفحة ده كتير أوي !!
عامة، كل ده متوقف على المكان اللي هتقضي فيه الخدمة !
بس يا بيسو دفاع شعبي ازاي اسمع انها بتكون في المحافظات بس وانا شايف انك في الجيزة ؟ يعني هتسافر كل اسبوع مرة ولا اتنين انا عارف انها مريحة فعلا حاول تشوفلك اقرب بلد للجيزة .. بالتوفيق
بالتوفيق ان شاء الله انا ليا واحد صاحبي برضوا بس علشان بطاقتة من المنصورة وكدا .. ولية بيت في المنصورة واكتوبر فبينزل يوم ولا اتنين وبقية الايام في بيتة .. بالتوفيق
حد يعرف حاجة عن سلاح ------
تحريات
عسكرية
( مش عايز اجيب ورا بعض علشان ده سلاح خطير اوي حد يعمل سيرش ورايا ولا حاجة ) :)
لآ حويط يا زعيم :colsmil:
انا اللي اعرفه انه كويس جدا وشغله اداري بحت(ورقة وقلم) وملكي كمان و ف مدينة نصر
وان شاء الله ربنا يكرمك بيه او اللي احسن منه
فية ناس قالوا لي علية صعب وكدا اني حد يخشة عايز واسطة جامدة :)
الحمدلله علي كل شيء ..
كلام الناس كتير منه ان الحرب الاليكترونية و القوات الجوية و اي سلاح تبع المخابرات(التحريات او المخابرات او الحرس) والدفاع الشعبي و........ عايز واسطة وان اعرف واحد دخل الحرس من غير واسطة وكان شغال علي كمبيوتر وبيخلص الساعة 2 وهو النصيب ف الاول و الاخر وان شاء الله يكون نصيبك خير
و مفيش ترحيل يوم الجمعة 20/1
اكيد هيكون الترحيل يعني يوم السبت ..
يا شباب الي هقوله ده تقدروا تقولوا خلاصه خمسه او سته اصحابي خلصوا جيش او لسه في الخدمه وهما كلهم اجمعوا علي حاجات اساسيه وهي
1. تلاته او اربع غيرات داخليه والافضل انها تكون بيضه وكالسونين علشان السقعه وفوطين
2.مستلزمات شخصيه زي ايه ؟ مكن حلاقه وكريم حلاقه وصابونه وصبانه وشامبو برضه ميضرش
3 . بكره خيط ويفضل تبقي بيج او زيتي ومقص او قصافه
4. كلهم قالولي دي بقي مهمه اوي وهي ايه استك علشان تقفز البنطلون علي البياده وميفضلش يقع منك
5. قفل او قفلين لزوم الدولاب و المخله
6.قلم سبوره لزوم الكتابه علي حاجاتك وصاحبي بيقولي لو تعرف تكتب اسمك علي البطانيه وش وضهر بحجم البطانيه كلها اكتب لان دي اكتر حاجه بتتقلب
7.زبده كاكو لان الساقعه والميه السقعه بتبوظ الشفايف
اقدر اقول الحاجات دي الكل اكد عليها وليك الحريه لو عاوز تاخد حاجه تانيه
ولو في حاجه تانيه مش هتاخر عليكم وبالتوفيق
طبعا عادي ادخل بالسجاير بتاعتي صح ؟ و بالكمية اللي انا عايزها !