اوت انا في النقطة دي ........................... وامشي علي راي الشاعر
(اسأل مجند احسن من 100 علي الشجرة )
عرض للطباعة
داخل بكرة ان شاء الله 18-1-2012
هروح و اتمني يرحلوني علطول مش هفضل رايح جاي خاصة اني مش هينفع اخد عربيات علشان مش هينفع اسيبها طبعا :(
عامة انا معملتش الفيش الجنائي اللي قالولنا عليه و ربنا يستر بقي و ياخدوني و اخلص :)
انا الحمد لله كملت باقي الحاجة اللي كانت نقصاني و حلقت خلاص :( و بقي شكلي مقرف جدا :s علشان ديه اول مرة احلق خالص كده بصراحة حاجة بشعة :(
المهم لو مترحلتش في نفس اليوم اكييد هكتبلكم هنا لكن لو اترحلت اكييد مش هكتبلكم هنا :)
تعرفوا ايه يا شباب عن سلاح الحرب الالكترونيه ؟؟
اسمع انة سلاح حلو ولذيذ برضوا واجازاتة حلوة .. في مدينة نصر وعددهم قليل اوي الي بيخشوا زي تحريات عسكرية كدا ..
شغلك بسيط بتصحي علي 7 تقف في طابور كدا بعد كدا شوية نضافة عند العميد
تقطع شجر تلم ورق عايز تخش الميس تخش تجيب من الكانتين تجيب لو عايز تجيب من شبراوي ممكن :)
لحد الساعة 10 بتروح للعميد في فصل تعليمي كدا
وبتقف غفرات وشوية نضافة وبس كدا ..
------------
الكلام ده من واحد معرفة في الحرب الاليكترونية ..
مفيش حد بيترحل فى نفس يوم سماع السلاح
انت بتسمع السلاح وبعدين بتدفع تقريبا 3 جنية رسوم مش عارف اية كده وبتاخد كارت وتاني يوم أو بعدها بكام يوم هتروح تترحل
يا شبااااااااااااااااااااااا ااااب ، السلاح مش المشكلة ، كل سلاح لية وحدات كتييييييييير جدا ، يعني بتاع الحرب الإلكترونية انا ليا زميلي حرب إلكترونية مفحوت فى المنطقة الشمالية ، من الآخر متشغلوش نفسكم كتير بالسلاح الأهم الوحدة اللى هتتسكن فيها
فعلا الاهم الحتة الي هتتوزع عليها .. ممكن تكون احسن سلاح بس في اوحش منطقة ..
اولا بلاش حوار أستاذ مصطفى ، انا كمان فى الجيش :d قولي يا بلدي أو يا أسطى
بخصوص الحاجه ، فأنت وراحتك ، بس صدقني مفيش ترحيل لنفس اليوم لعدة أسباب ، أنتوا هتبقوا كذا سلاح وكل سلاح ولية مكان ترحيل (انا مثلا كنت الهايكستب وكان سلاحي اجهزة قيادة ، وإترحلت من الرماية)
ده غير إن لسة هيطلعلكم الكارنيهات (هتستلموها يوم الترحيل) ويوم الترحيل نفسة هيقولولكم تكونوا موجودين من 7 الصبح (علشان تستلموا الكارنيهات ويشيكوا عليكم ويشحنوكوا فى الأتوبيسات وما الى ذلك)
انا شخصيا اترحلت بعد ما عرفت سلاحي بحوالي 4 ايام :d
ياشبااااااااااااااااااب انا تابعت الموضوع كله رد رد
وبالنسبة لنور انا حاسس انك واخد حاجات كتير اوى ياباشا
انت كده خوفتني انا جبت حاجات بسيطة زي
قفلين واحد كمبويتر للدولاب وواحد عادي للمخلة
وجبت مناديل
وبودرة رجل
وشرابات صوف ميري
ورباط بيادة اسود
وعايز اجيب خرطوم مية بس واحد دخل وقاللى في التفتيش مش هيرضوا يدخلوه
عشان هيعتبروه سلاح لو حصلت مشاكل بين العساكر
اجيب ايه تااااااااااااااااني بقى ؟
وهجيب كالسونين عشان الجو برد
وهجيب غيارات داخلية بيضة
ورايح اسمع السلاح الخميس 19
بالنسبة للكاب المموه مش هما هيدونا كاب ؟
انا منطقه تجنيد القاهره يوم الترحيل في ال 110 يوم 21 بس وحد صاحبي بيقولي سال الي كان موجود يوم تحليل الدم قاله تروح يوم 19 تعرف السلاح و 21 الترحيل ده اكيد ولا ايه ؟
باشا انت من بنها زيي اهلا بيك
جبت ايه للجيش ؟
alavokatooo_o
الترحيل بيختلف مثلا تجارة وحقوق اعتقد يوم 19 فية ناس 18 فية ناس 21 زيك كدا .. والله اعلم ..
مفيش حاجة خلاص اسمها تجارة او طب ، فى حاجه إسمها سلاح يا دُفعة (اوعى تقول لحد جوة فى الجيش يا دفعة أو يا عسكري بيتخنقوا منها جدا ) :dاقتباس:
الترحيل بيختلف مثلا تجارة وحقوق اعتقد يوم 19 فية ناس 18 فية ناس 21 زيك كدا .. والله اعلم ..
متنسوش فرش البيادة
ازيك يا بلدياتي بص يا سيدي الي جبته بالظبط
اشتريت 2 رباط بيادة اسود و رباط واحد للجزمه العاديه
2 فرش جذمة ب 2 جنيه وورنيش وفرشه للجزمه
قفلين لزوم الدولاب و المخله واحد نحاس والتاني كومبيوتر
بكره خيط زيتي وابره ومقص وقلم سبوره
مكنه حلاقه + امواس حلاقه ومعجون حلاقه
زبده كاكو
بودره تلك
دواء بانادول + دواء للمغص + علبه كيتوفان علشان الصداع
فوطين + غيرات داخليه بيضاء
صابونتين ديتول + ليفه
معجون اسنان + فرشه اسنان
شبشب
ساعة يد
ولسه شويه حاجات كمان بس لسه بجهز في الشنطه
فى المنتدى مداخلة لنفس الموضوع فتحت يوم 29/9/2011 و رابطها كالتالى :
http://www.nilemotors.net/Nile/260685-a.html
في حد لسه مجبش حاجة ؟
مين هيسمع 18 ومين 19 ومين 21
انا 19 الي يسمع يرجع يقول حصل اية معاة وخير ان شاء الله
فعلا كله بيقولي كتير
بس والله مش كتير خالص علشان لو شفت الموضوع هتلاقي كتير بيقولوا علي الحاجة انا بس جمعتها و كتبتها علي بعض , هما فعلا كتير و ماليين الشنطة علي الاخر بس اعمل ايه بقي
صاحبي اللي في الجيش بيقولي هياخدوا منك حاجات كتيير في التفتيش
و بالنسبة للخرطوم انا مقرر من اول يوم مش هاخده مما حصل ده مبدأ عندي و عارف اني هندم عليه :36_2_33:
هيدونا كاب بس انا بنزل بيه الايام اللي فاتت بهيأ نفسي :) و علشان يبقي علي مقاسي
هصلي الفجر و اغير هدومي و اخد التهمة اللي انا جايبها ديه (الشنطة التقيلة) :) استعدادا للانطلاق :)
حبيت اسلم عليكم قبل ما انزل و لما ارجع هبقي اطمنكم ان شاء الله مع السلامة
بوي بوي :)
مع السلامة وترجع علي خير :(
صحيح يا جماعه حاجه مهمة نسيت أقولكم عليها ، حاولوا تقيسوا اللبس المموه والزيتي فى أسرع وقت بعد ما تستلموا (علشان تلحقوا تبدلوة مع زمايلكم ) يعني لو ضيق تبدل مع حد واسع او العكس
ولو عرفت تاخد كشاف صغير يبقى كويس (بيطفوا النور الساعة 10 )
وزي ما قولت ، حاولوا تهربوا الأدوية (حطوها جوة اى حاجه ) علشان هياخدوها ويقولك ابقى روح خدها من الصيدلية
وربنا معاكم بإذن الله ، بجد الأيام الجاية ايام ممتعة فعلا (هتتسحلوا بس ايام جميلة والله)
شكل نور اترحل انهاردة ربنا يكرمة وان شاء الله سلاح خفيف وحلو زي البحرية ..
انا بكرا ان شاء الله ..
انا بكرة ان شاء الله مين رايح كمان وهتروحوا الساعة كام والمكان الهايكستب صح ؟