مش هاعرف اركب عربيه ولا ايه

**theleadre** · 18-12-2011 07:24 PM

المشاركة الأصلية كتبت بواسطة hossam99

العربيه كقطع غيار ولا تحمل لها هم
العربيه بينتج لها قطع غيار ياباني و تيواني حتي الآن و موجوده عند أي حد بيبيع قطع غيار ياباني و اي حد شغال في المازدا
و العربيه دي في الإعتماديه لا يعلي عليها أنا مش راضي أقول إنيها في مره من المرات كنا مهملين فيها جدا و العربيه مشيت من غير زيت موتور و من غير مياه و زيت الفتيس كان يعتبر مفيش و كانت بتمشي و كل البيت أتعلم عليها و كلنا لعبنا بالعربيه و العربيه عمرها ما أشتكت في يوم و كانت عربية البيت
أما موضوع إنها واطيه فعادي مش واطيه أوي هي ممكن تحك في المطبات الكبيره مش كل المطبات و ده مع السواقه العاقله مش هايبقي مؤثر
العربيه أي ميكانيكي بيشتغل فيها و موتورها حكايه لما بيكون مزبوط

و فعلا زي أبو فرح ما قال لا تتنازل عن عربيه يكون الشاسيه فيها زيرو بدون أي لحامات أو دعامات و يكون ده شرطك الأول و الأخير
حتي و لو رشه حوض و قوايم و شنطه لكن الشاسيه سليم علشان أما تعمل شغل عفشه أو موتور تحس به و تعيش معاك و هاتها من غير جنوط أسبور أ متركبش فيها جنوط أسبور

توكل علي الله
و بالتوفيق

انا متشكر جدا لحضرتك على المعلومات دى لو فيه حاجه كويسه قدام حضرتك قلى فين طريقها

انا اصلا عايز حاجه زى كده ياريت لو شوفت حاجه قلى ولك جزيل الشكر

**theleadre** · 18-12-2011 07:56 PM

المشاركة الأصلية كتبت بواسطة mado83

مازدا 323
فيات 131
ريجاتا 89
غير كده ماتفكرش عشان قطع الغيار بتاعتهم تقريبا زى بعض فى السعر ومتواجدين
وماتقولش مش مهم سعر قطع الغيار لان الموضوع ده ممكن يعقدك من عيشتك مش من العربيه

المم تكون موجوده علشان انا كان معايا عربيه هونداى اكسيل 86 خليجى اتوماتك وتكيف وبور كان فيها كماليات حلوه
وعربيه مشا الله عليها مكنش بعجبنى عربيه على الطريق فى الثبات والسرعه كانت باشا بس المشكله كانت فى قطع الغيار مش موجوده اصلا ولا غاليه ولا رخيصه غير فى الوكاله وروح بق انت وحظك لازم اخد صنعى علشان يقدر يجيب اللى عايزه بالظبط مكنش تعبنى فيها غير كده عدم وجود قطع الغيار هو اللى بيتعب صراحه

**theleadre** · 18-12-2011 09:43 PM

ايه ياشباب مفيش حد بيشارك ليه هو انا مش هاركب عربيه ولا 20000 مش بيعملو حاجه اليومين دول ولا ايه ياريت اللى عنده خبره يشارك (كان العبد ى عون اخيه مادام العبد فى عون اخيه)

**mariner2020** · 13-04-2012 01:21 AM

هدية ليك كلمني ونتفق عالتفاصيل http://www.nilemotors.net/Nile/282524-a.html

**AHMED_DINAMO** · 13-04-2012 02:58 AM

المشاركة الأصلية كتبت بواسطة mado83

مازدا 323
فيات 131
ريجاتا 89
غير كده ماتفكرش عشان قطع الغيار بتاعتهم تقريبا زى بعض فى السعر ومتواجدين
وماتقولش مش مهم سعر قطع الغيار لان الموضوع ده ممكن يعقدك من عيشتك مش من العربيه

++++++++++++++++++++++1
اضيف ليهم بس 132 مع غض النظر عن شكلها عربيه جميله جداً فى السحب وزى ما بيقولو عفيه تستحمل

**AHMED_DINAMO** · 13-04-2012 03:00 AM

طب بص حضرتك انا عندى 132 مو 77 العربيه كويسه جدا هى 1800 مو 77 ودى بتاعت بابا لأن انا لسه مركبتش انا ف 3 ثانوى العربيه مطلوب فيها 17 قابل للتفاوض حضرتك ممكن تلكلمنى لو يعجبك كده 01006766064