مش هاعرف اركب عربيه ولا ايه

**theleadre** · 16-12-2011 07:00 PM

السلام عليكم
انا مش لاقى حد يدلنى غيركوا
وبصراحه انا معرفش فى العربيات غير اسوق بس
فياريت متبخلوش عليا بخبرتكوا
انا معايا 20000 ج فقط لا غير وعايز اركب عربيه وبقلى شهر ومش عارف
انا مش عارف اى نوع المهم انها تقدى الغرض وخلاص
عائليه وتستحمل الطرق المكسره وياريت منظرها يبقى حلو
انا اعقد ان الاعضاء انهم اهل خبره فى السيارات بانوعها وهيقولولى على نوع العربيه مش بس كده دول هدلونى على عربيه بعنها
انا احسبهم كذالك والله اعلم
ارجوا من جميع اللى يعرف حاجه كويسه يدلنى عليها علشان انا واسرتى طلعان عنه فى المواصلات انا قاعد فى العاشر من رمضان ولدى وولدتى فى حلوان كل اسبوع اخد اسرتى وارحلهم الموضوع ده بعانى منه جدا برجا اخد الموضوع جد جدا ولكم جزيل الشكر لكل من شارك ومن لم يشارك

**HOSSAM99** · 16-12-2011 07:14 PM

و عليكم السلام و رحمة الله و بركاته
حضرتك ممكن تشوف عربيه مازدا 323 مو 82 فيما فوق و تحاول تختار عربيه تكون مش محتاجه مصاريف
العربيه دي بتشتغل تحت أي ظروف و بدون مشاكل
لكن الأهم إنها تكون نضيفه و متحافظ عليها

بالتوفيق

**theleadre** · 16-12-2011 11:04 PM

المشاركة الأصلية كتبت بواسطة hossam99

و عليكم السلام و رحمة الله و بركاته
حضرتك ممكن تشوف عربيه مازدا 323 مو 82 فيما فوق و تحاول تختار عربيه تكون مش محتاجه مصاريف
العربيه دي بتشتغل تحت أي ظروف و بدون مشاكل
لكن الأهم إنها تكون نضيفه و متحافظ عليها

بالتوفيق

شكرا لمرور حضرتك هوا قطع غيارها اخباروا ايه مش مهم سعره المهم متاواجد فى اى حته ولا ايه ولو قدامك حاجه دلنى عليها

**theleadre** · 16-12-2011 11:08 PM

السلام عليكم هوا مفيش ردود ليه
طيب اسئل مين لما سئل فى اكبر موقع عربيات ومحدش يرد اروح لمييييييييين

**aboomar22** · 16-12-2011 11:33 PM

المازدا عربية كويسة قوى وقطع غيارها متوافره ومش غالية واقتصادية فى البنزين واعادة بيع ممتازة بس عيبها انها واطية شوية وده مش مطلوب فى الشوارع المكسرة عندك كمان ممكن ريجاتا او 131 فيات وقطع غيار رخيصة اما لو عايز عربية قوية وركبها حلو قوى ويبانى وفيها كماليات بس قطع غيار اغلى شويه يبقة هوندا اكورد تكيف زجاج باور لو عايز بقى حاجة عالية عن الارض وميهمكش مطبات شوف نيفا وروشها جنوط ودفيندرز امامى وخلفى وعتب استانلس طارة اسبور بس عيبها باب واحد

**abofarah** · 16-12-2011 11:45 PM

المشاركة الأصلية كتبت بواسطة hossam99

و عليكم السلام و رحمة الله و بركاته
حضرتك ممكن تشوف عربيه مازدا 323 مو 82 فيما فوق و تحاول تختار عربيه تكون مش محتاجه مصاريف
العربيه دي بتشتغل تحت أي ظروف و بدون مشاكل
لكن الأهم إنها تكون نضيفه و متحافظ عليها

بالتوفيق

السلام عليكم
.

بصراحه انا كنت هقول لحضرتك ان احسن عربيه بالسعر ده هى المازدا 323
و الحمد لله لاقيت الاخ فعلا كاتب كده

عن تجربه انا معايا العربيه المازدا 323 من حوالى سنتين بصراحه هى عربيه اعتماديه جدا بمعنى انك تقدر تعتمد عليها فى اى مشوار بس المهم انها تكون سليمه و القصد من سليمه الدواخل و الشاسيه قبل الموتور و العفشه

مهم جدا انها تكون سليمه علشان اللى هتصرفه عليها هيبان فيها

ربنا يوفقك و يظهرلك الصالح

**theleadre** · 17-12-2011 12:40 AM

المشاركة الأصلية كتبت بواسطة aboomar22

المازدا عربية كويسة قوى وقطع غيارها متوافره ومش غالية واقتصادية فى البنزين واعادة بيع ممتازة بس عيبها انها واطية شوية وده مش مطلوب فى الشوارع المكسرة عندك كمان ممكن ريجاتا او 131 فيات وقطع غيار رخيصة اما لو عايز عربية قوية وركبها حلو قوى ويبانى وفيها كماليات بس قطع غيار اغلى شويه يبقة هوندا اكورد تكيف زجاج باور لو عايز بقى حاجة عالية عن الارض وميهمكش مطبات شوف نيفا وروشها جنوط ودفيندرز امامى وخلفى وعتب استانلس طارة اسبور بس عيبها باب واحد

طيب حضرتك قدامك هوندا كويسه ممكن اعتمد عليها مش مهم سعر قطع الغيار المهم انها تكون موجوده فى اى حته

**theleadre** · 17-12-2011 12:43 AM

المشاركة الأصلية كتبت بواسطة abofarah

السلام عليكم
.

بصراحه انا كنت هقول لحضرتك ان احسن عربيه بالسعر ده هى المازدا 323
و الحمد لله لاقيت الاخ فعلا كاتب كده

عن تجربه انا معايا العربيه المازدا 323 من حوالى سنتين بصراحه هى عربيه اعتماديه جدا بمعنى انك تقدر تعتمد عليها فى اى مشوار بس المهم انها تكون سليمه و القصد من سليمه الدواخل و الشاسيه قبل الموتور و العفشه

مهم جدا انها تكون سليمه علشان اللى هتصرفه عليها هيبان فيها

ربنا يوفقك و يظهرلك الصالح

بس 323 انا سمعت انها وطيه انا معرفش علشان كده انا مرشحتش نوع معين

**HOSSAM99** · 17-12-2011 03:45 AM

المشاركة الأصلية كتبت بواسطة theleadre

شكرا لمرور حضرتك هوا قطع غيارها اخباروا ايه مش مهم سعره المهم متاواجد فى اى حته ولا ايه ولو قدامك حاجه دلنى عليها

المشاركة الأصلية كتبت بواسطة abofarah

السلام عليكم
.

بصراحه انا كنت هقول لحضرتك ان احسن عربيه بالسعر ده هى المازدا 323
و الحمد لله لاقيت الاخ فعلا كاتب كده

عن تجربه انا معايا العربيه المازدا 323 من حوالى سنتين بصراحه هى عربيه اعتماديه جدا بمعنى انك تقدر تعتمد عليها فى اى مشوار بس المهم انها تكون سليمه و القصد من سليمه الدواخل و الشاسيه قبل الموتور و العفشه

مهم جدا انها تكون سليمه علشان اللى هتصرفه عليها هيبان فيها

ربنا يوفقك و يظهرلك الصالح

المشاركة الأصلية كتبت بواسطة theleadre

بس 323 انا سمعت انها وطيه انا معرفش علشان كده انا مرشحتش نوع معين

العربيه كقطع غيار ولا تحمل لها هم
العربيه بينتج لها قطع غيار ياباني و تيواني حتي الآن و موجوده عند أي حد بيبيع قطع غيار ياباني و اي حد شغال في المازدا
و العربيه دي في الإعتماديه لا يعلي عليها أنا مش راضي أقول إنيها في مره من المرات كنا مهملين فيها جدا و العربيه مشيت من غير زيت موتور و من غير مياه و زيت الفتيس كان يعتبر مفيش و كانت بتمشي و كل البيت أتعلم عليها و كلنا لعبنا بالعربيه و العربيه عمرها ما أشتكت في يوم و كانت عربية البيت
أما موضوع إنها واطيه فعادي مش واطيه أوي هي ممكن تحك في المطبات الكبيره مش كل المطبات و ده مع السواقه العاقله مش هايبقي مؤثر
العربيه أي ميكانيكي بيشتغل فيها و موتورها حكايه لما بيكون مزبوط

و فعلا زي أبو فرح ما قال لا تتنازل عن عربيه يكون الشاسيه فيها زيرو بدون أي لحامات أو دعامات و يكون ده شرطك الأول و الأخير
حتي و لو رشه حوض و قوايم و شنطه لكن الشاسيه سليم علشان أما تعمل شغل عفشه أو موتور تحس به و تعيش معاك و هاتها من غير جنوط أسبور أ متركبش فيها جنوط أسبور

توكل علي الله
و بالتوفيق

**mado83** · 17-12-2011 10:15 AM

مازدا 323
فيات 131
ريجاتا 89
غير كده ماتفكرش عشان قطع الغيار بتاعتهم تقريبا زى بعض فى السعر ومتواجدين
وماتقولش مش مهم سعر قطع الغيار لان الموضوع ده ممكن يعقدك من عيشتك مش من العربيه