ارجو ملاحظة ان تسريب الزيت والتعويض تم بخصوص سيارة ماركة مختلفة تماما لعدم الخلط.
عرض للطباعة
ارجو ملاحظة ان تسريب الزيت والتعويض تم بخصوص سيارة ماركة مختلفة تماما لعدم الخلط.
ربنا معك و تاخذ حقك و تغير السيارة
اشكر كل إخواني الافاضل علي إلمشاركات و إلتفاعل مع الموضوع
و اعتذر بشدة لعدم ردي خلال الايام الماضية
اخر الاخبار
اتصل بي مندوب جهاز حماية المستهلك و اخبرني ان الوكيل قد اجاب عن الخطاب الذي وجه لهم بخصوص مشكلتي و انهم اقرو بالمشكلة و انهم تعاملو مع المشكلة بلحام الرفرف و ان هذا بسبب ظروف الطرق في مصر و انهم اخذو موافقتي علي معالجة العيب و لما كان اجراء اعمال اللحام تستلزم التسخين ادي ذلك لضرورة رش بعض اجزاء في الرفرف و هذا ضمن اعمال الضمان
الي هنا انتهي ردهم
و طبعا لم يذكرو في ردهم ان هذا العيب هو عيب صناعة خبيث و انهم قالو لي انه اذا لم يتم التعامل مع فتح البنط الحادث المسبب للاصوات الصادرة سيكون من الصعب التعامل معه مستقبلا ثم انهم انكرو اني اخبرتهم بأعتراضي علي هذا اللحام و كذالك انكرو اني لم اكن اعرف ان معالجة عيبهم سوف يؤدي و يترتب عليه عيب اخر و هو اجراء إعمال دهان كما حدث بالضبط
و بناء عليه اخبرت الاخ مندوب الجهاز اني معترض علي هذا الرد و غير مقنع بالنسبة لي و اني اعتبر هذا نصب علني
و لذلك اخبرني بأني بذلك سوف اتحول الي لجنة فنية خلال اسبوع بأذن الله
فوافقت علي ذلك و ان شاء الله اوافيكم بكل جديد
تحياتي لكم جميعا
و بالنسبة للسؤال الخاص بمعني كلمة بنط فاتحة فهي اللفظ المحترم لكلمة بنط بايظة او منسية اي لم يتم لحام بعضها من الاساس
و اكيد لو ظهر لي تفسير اخر او معني اخر سوف اذكره ان شاء الله
م.حاتم السباعي
ردي هو لما تكون سيارة مش مكملة سنة و يقولوا ان اللحامات فتحت نظرا لظروف الطريق!!! و خصوصا لما تكون العربية 4*4 يعني اصلا المفروض انها تكون للطرق الغير ممهدة!!!!!!! امال ال 128 اللي سمكري تحت بير السلم هو اللي مبنط اللحامات بتاعتها بتقعد بال 10 سنين لحاماتها مبتفتحش ليه!!! مع ان ال 128 غالبا بتبقى في احياء شعبية يعني نقر و حفر و مطبات بالعبيط!!
دي اهانه و استخفاف و قلة ادب و توكيل لا يستحق اللا المقاطعة
باشا انا دى اول مشاركة لى فى المنتدى و عايز اقوللك كمل مشوارك و اتمسك بحقك لحد ميدوك عربية جديدة غيرها ولو فى اى حاجة غير كدا احنا كولنا مش هنسكت على الافترا دا و هنشهر بالتوكيل فى كل حته و مش هنسيبك مافيش مصرى هيضحك عليه بعد الثورة لاى سبب
لا حول ولا قوة الا بالله هما الوكلاء عندنا عمرها ما تعترف بعيب صناعة غير بعد شكاوي وقضايا وقرف
مصر مش بتاعت توكيلات ... مصر بتاعت ساندوتشات
لاتترك حقك ماضاع واراءه مطالب
مرة اخري اشكر كل اخواني علي مشاركتهم
و مازلت في انتظار تحديد موعد عرض اللجنة الفنية كما اخبرني مندوب جهاز الحماية
و بدأت من امس في مخاطبة بعض أقسام السيارات لبعض الصحف لكي انشر الموضوع بأذن الله
و ان شاء الله سوف أبدأ في رفع قضية تزامنا مع جهاز حماية المستهلك
و نفسي اعرف لماذا يوجد اصرار منهم علي الغش و الخداع و المراوغة بهذا الشكل
لدرجة ان المحامي الخاص بي ابلغني اننا سوف نضم الخطاب الذي ارسه الوكيل لجهاز حماية المستهلك للقضية الذي يتضمن اعتراف رسمي منهم بأن سيارتهم حدث بها هذا العيب نتيجة ظروف الطرق في مصر و هي سيارة ( 4*4) من الاصل و يعتبر هذا ( غش تجاري واضح من الشركة صاحبة السيارة و كذلك وكيلها في مصر ) و بأن هذا اعتراف رسمي منهم بأن سيارتهم لا تصلح لمصر
و كذلك لا تصلح بأن تكون سيارة ( 4*4 )
و ان شاء الله ربنا يظهر الحق
م.حاتم السباعي
ينهار اسود ومنيل..,,, الوكيل بيعمل كده فى عيب تصنيعى و لحامات مفكوكه..؟؟؟؟ امال لو مشكله فى الموتور ولا فى اساس العربيه هيكهنها بقى اكيد.
اخى الفاضل ,اشجعك على المطالبه بحقك الكامل , ومش بس حقك لا كمال تعويض مناسب فوق حقك نظير ضياع الوق والمجهود والاعصاب, وانا عن نفسى كنت ناوى اودى سيارة مراتى دايهاتسو yrv فيها مشكله كبيره بالسبيكه بالموتور على اساس وكيل وانضف يعنى, بس قسم بالله لا يمكن بعد اللى عرفته من حضرتك, خاصة انها سياره بره التوكيل, (لما السيارات اللى من التوكيل و فى الضمان بتعمل فيها و فى اصحابها كده امال السيارات اللى خارج الضمان يجرالها ايه؟؟؟) انا هشوف حد من المهندسين اللى فاتحين مراكز محترمه تشتغل فى الدايهاتسو يشوفهالى افضل, وحضرتك ربنا معاك وتسترد حقك كاملا ان شاء الله.