المايه

**zangry** · 19-12-2011 11:46 PM

المشاركة الأصلية كتبت بواسطة abuhusam

[justify][mark=#f7f7af]عندي نفس الصوت ومش بيظهر دايماً.. معايا بيظهر بس عند بداية التحرك بالعربية أو عند التهدئة الشديدة قبل التوقف.. صوت رنة شوكة بس مش رنة واحدة رنات متتالية..
قريب إن شاء الله ها اعرض العربية على التوكيل وربنا يسهل.. ن
صيحتي خلي التوكيل يفحصها كويس[/mark][/justify]

ايوة بالظبط ولما ابقى ماشي بسرعة بطيئة اسمعه

المشاركة الأصلية كتبت بواسطة bassamhafez

لو الصوت ده بيظهر وانت لسه بتتحرك بالعربيه او لما تدوس فرامل جامد يبقى من الايه بي اس

هو صوت بيبقى عامل زي تفريغ هوا كده ؟ صح ؟

انا عندي الموضوع ده بس هو تقريبا حاجه في كنترول الاي بي اس

بس طبعا انا كلامي مش اكيد لان انا ما سمعتش الصوت ده عندك بس انا بوصف اللي عندي

لا لا مش تفريغ هوا .. هو صوت سخيف وصوته عالى وتحس ان فى حاجة بتحك كده

**zangry** · 19-12-2011 11:48 PM

المشاركة الأصلية كتبت بواسطة amdd

اتأكد من ضغط الهواء داخل الكاوتش

انا عملته قبل كده وظبطه والصوت من زمان موجود ؟؟

اية علاقتة بيه؟

**Ahmed.TV** · 20-12-2011 12:24 AM

الصوت اللى حضرتك بتتكلم عليه ده مش بيظهر مع المايه .. انت بس بتركز معاه لما العربية بتتغسل وبتبقا شمعة

لكن الحقيقة ان الصوت ده بيظهر والعربية باردة .. وبتمشى بيها لمدة كيلو او اتنين على السرعة البطيئة
او فى بعض المطبات مع الفرامل فى نفس الوقت

ده الميكانزم بتاع كنترول الabs

حضرتك روح مودرن الدقى .. والقصة دى عارفين حلها ايه .. لان الموضوع ده اللى اكتشفه معايا مهندس فى توكيل مودن بعد تشخيص طووووووووووول جدا عقبال ما اكتشفناه

وانا حطيت لحضرتك لينك الموضوع قبل كدا

ولو عايز تتاكد .. من انه من الabs شيل جاك الabs الاسود وافصله وامشى بيها وشوف الصوت موجود ولالا .. ولو مش موجود يبقا منه ..ولو موجود بردوا بعد ما فصلت فيشة الabs يبقا ده مش منه

ورجع الفيشة تانى

ده موضوع سهل جدا

تحياتى

**zangry** · 22-12-2011 06:30 PM

ياجماعة من يومين كده و والدى مسافر بورسعيد وضرب فرامل العربية حصل فيها رجرجة كده !! وبعدها بشوية داس فرامل برده رجت !! وبعدها معدتش بترج حصلت مرتين بس !! مش عارف اية السبب

**Youssef.Awad** · 23-12-2011 03:08 AM

الرجرجة دى غالبا من الطنابير وممكن يكون فيها رايش ومحتاجة رجلاش وصنفرة او خرط
نصيحة اللى يوديك من المحلة لمودرن روح اتوايجيبت ابو رواش وعندهم احدث اجهزة الكشف واصلاح الطنابير بدون مشاكل ولا فك وتركيب ووجع دماغ وتجارب

**Sehsss** · 23-12-2011 07:05 AM

المشاركة الأصلية كتبت بواسطة y2y1500

الرجرجة دى غالبا من الطنابير وممكن يكون فيها رايش ومحتاجة رجلاش وصنفرة او خرط
نصيحة اللى يوديك من المحلة لمودرن روح اتوايجيبت ابو رواش وعندهم احدث اجهزة الكشف واصلاح الطنابير بدون مشاكل ولا فك وتركيب ووجع دماغ وتجارب

**Youssef.Awad** · 23-12-2011 02:24 PM

المشاركة الأصلية كتبت بواسطة zangry

هروحلهم لأنى زهقت من بتوع مودرن دول .. شكرا لتعب حضرتك

لا تعب ولا حاجة كلنا فى خدمة وافادة بعض
ونصيحة الدنيا مش بتقف على حد بعينه وعندك بدايل تانية
اما اتوايجيبت ابو رواش 16666
او السبع المنصورة طريق المحلة الدائرى 0502233912
وطبعا منتظرين تطمنا