السبب فى ازمه البنزين 80

**mrghost** · 17-12-2011 08:35 PM

السلام عليكم ورحمة الله وبركاته
النهارده كنت معدى من جنب محطة مترو المرج ولقيت طابور 80 المهم وقفت فيه لانى مكنش ورايا حاجه(واخد اجازه من الشغل) فضلت واقف من الساعه 7 وربع تقريبا لحد 8 وربع
المهم اول مادخلت البنزينه ولاقيت بقى
اولا عربيه فنطاس نصف نقل مشغلين فيها المسدس بتاع البنزين علشان يملاها
والطرمبه التانيه موقف الناس بجراكن طابور وشغال الله ينور وفين وفين لما يمون عربيه فعلا حسبى الله ونعم الوكيل
اللى بيحصل فينا فى مصر مش من شويه ومؤخرا احداث مجلس الشعب ياترى هنروح لفين كمان ولا مين اللى صح ومين اللى غلط الواحد تعب من كتر التفكير وفقد الامل فى عوده البلد حتى زى ماكانت ؟

**rompo10** · 17-12-2011 08:50 PM

ياباشا مون 90 الفتره دي وريح نفسك

**abokoko** · 17-12-2011 08:53 PM

من فتره كان فى عربيه فى بنزينه جنوب الغردقه بتعبي جراكن ولما اتكلمت مع صاحب الجراكن عرفت انه هياخدها لمحافظة قنا -- والله اعلم هيبيعها بسعرها ولا 3 اضعاف سعرها
بس حقيقي الجراكن اللى بتتملى والفناطيس والخزانات هى السبب فى الازمه لانهم بينقلوها لامكاكن الازمه ويبيعوها باسعار مضاعفه -- والاشخاص العاديين بيملوا الجراكن ويخزنوها فى البيوت رغم خطورتها الشديده