زي ما العنوان كده بيقول المقارنه دلوقتي بين التيدا هاتشباك والإيفو فقط
وبإذن الله تكون دي آخر مقارنه وربنا يكرم ويشتري واحده منهم :praying:
رأيكم تيدا ولا ايفو أفضل ؟
ولكم جزيل الشكر
عرض للطباعة
زي ما العنوان كده بيقول المقارنه دلوقتي بين التيدا هاتشباك والإيفو فقط
وبإذن الله تكون دي آخر مقارنه وربنا يكرم ويشتري واحده منهم :praying:
رأيكم تيدا ولا ايفو أفضل ؟
ولكم جزيل الشكر
اخر كلام يستنى يشوف الريو الجديده هاتبقى بكام :) مش هايخسر حاجه كلها اسبوع او اسبوعين بالكتير
ههههههههههههههههههه
امال احمد فين :))
----------------------
انا من رأي يستني الفورميلا اللي جاي
عربيات كتير نازله السوق ان شاء الله ... هو في شهر 2 ان شاء الله
هو انا لو قلت التيدا هايبقي علشان التوكيل وقطع الغيار اولا
فرق الاداء معرفش الفيات بصراحة ....... متابع :))
باشمهندس حسين حبيبى.. ازيك يا كبير,
فرق الأداء (فـ الموتور فقط) لصالح التيدا طبعا.. 1.6 DOHC مقابل 1.4 SOHC للبونتو ايفو..
ماتنساش ان دى عربية اقتصادية, City-Car بالأساس..؟!!
لو عايز الموتور الـEquivalent من فيات.. يبقى 1.4 T-JET بـ120 حصان.. :first: مع الأعتذار لأى موتور 1600cc يابانى.. ههههههههههههههه
ولكن الأداء مش موتور بس:
- فرق الفتيس لصالح الأيفو.. Dualogic 5-Speed مقابل أوتو عادى 4-سرعات للتيدا (قديم فحت)..
- فرق الشاسيه برضه للفيات: البونتو ايفو عربية B-segment مبنية على شاسيه B-Segment
لكن التيدا: مبنية على شاسيه B-segment (الميكرا والكليو واللوجان).. بيحاولوا يحشروها فى فئة الـC-segment..؟؟!!! :coolio:
وده احد اسباب شكلها الخزعبلى, وابعادها الغير متناسقة (Dynamically لسه ماتكلمتش عـ الشكل)..؟!!
- الهاندلينج والثبات: تتفوق الأيفو فـ الجزئية دى, تصميم الـTorsion-Beam مختلف فـ الأثنين, الباور الكهرباء الـDual-drive المشهور بتاع الفيات, والهاندلينج والتحكم المعروفة بيه البونتو + الثباااااااااااات العالى.
آه موتورها متوسط (آخرها 185 كم/س).. لكن لحد التوب-سبيد, مفيش مشاكل, ولا الهوا.. :beeangel:
فـ المقابل:
التيدا عليها كومنت معروف: ضعف الثبات فـ السرعات العالية, (جزئيا عشان الشاسيه طبعا)..
الأماااااااااااااان: طبعا 5 نجوم للأيفو.. Euro NCap
لا الـTiida ولا الـVersa موجودة على الـEuro NCap.. بس واخدة 4 نجوم فى الـANCAP والـNHTSA تقريبا..
وعموما.. الأمان والصاج والبودى..معروف لصالح مين..:hihihi:
أصلا نيسان معرفتش يعنى ايه اختبارات أمان (كـ معظم اليابانى) الا لما اتحالفوا مع Renault.. ههههههههههههه
الشكل والـStyle: قد تكون اذواق.. لكن محدش يختلف على شياكة الأيفو.. وخزعبلية شكل التيدا..weird أوى
الأوبشنز: الأيفو تتفوق برضه.. كفاية الـBlue&Me والشيفتات من الطارة, والـCornering Fog واختيارات الـinterior والفميه والليدات والـDRL ومثبت السرعة... etc
لا لا لأ, الأيفو Tank أوبشنز يا برنس.. مفيش مقارنة..:36_9_4:
وللأمانة: التيدا تتفوق فـ التوكيل وقطع الغيار.. وكمان وسع العربية من الداخل.. :S_thum1[1]:
Edit: سؤال صغنن: ليه كل اللى راكبين تيدا هاتش ستات؟؟؟!! مع انها مش عربية Style يعنى ولا ناعمة ولا موفرة فـ البنزين.. ولا حتى ألوانها والأوبشنز زى اى Euro Super-Mini مش هقول البونتو ايفو؟؟!!!!!! :U_thin1[1]:
الله يخليك يا حسين بيك, بارك الله فيك..
يا باشا الكماليات ماتخوفش.. المهم الأساسيات: موتور وفتيس وعفشة وفرامل.. ميكانيكا وكهرباء العربية يعنى..؟!!
وبعدين عشان نبقى Fair:
السيينا والبونتو الـMkI حاجة, والفيات عموما بعد 2005 (ثورة الجراند بونتو) حاجة تانى خااااااااااالص..!! :first:
تقدر تقول: يكاد يكون زى الفيات الأصلى بتاع الـ70s والـ80s, لما كانوا الـpiooner فـ الـEngine development/ production والحاجات اللى العالم اتعلمها منهم..:36_9_4:
فرق الحجم يا بشمهندس (اللى بيتحدد عموما من الـplatform أو الشاسيه), وقاعدة العجلات..
اعتقد اسمه Nissan B-platform بتاع الميكرا واللوجان والكليو..
الأكبر منه على طول (فـ رينو-نيسان): شاسيه الميجان III والفلوينس, واعتقد الـسامسونج SM3 والقاشقاى كمان.. اسمه Renault-Nissan C-Platform تقريبا.. والله اعلم.
باختصار:
الـB: فئة السوبر مينى.. والـC: فئة السيدان المتوسطة أو samll-family sedan
ههههههههههههههههه
هو الموضوع مش حقن ونفخ على فكرة..؟؟؟!!:breakpc1:
بس احنا بنقارن بحيادية عشان صاحب الموضوع يستفيد بقدر الأمكان..
والصراحة: توكيل نيسان أوتو ايجبت أفضل من أوماترا وكيل فيات..!! :coolio:
عـ الأقل فـ اسعار قطع الغيار وجودة الخدمة..
لكن ماننساش ان نيسان من أفضل التوكيلات اللى موجودة فـ مصر عموما (لو قارنتها بأى توكيل btw)..
انما: أوماترا مش اسوأ توكيل يعنى.. امال منصور وغبور وابوغالى دوا أيه؟؟؟!! :36_2_49[1]:
أوماترا يمكن التعايش معاها عاااااااااااادى, وخد بالك ان العربيات (رغم تطورها تكنولوجيا) لكن مشاكلها قليلة, وقطع غيارها طويلة العمر جداااااااااااا..
اوىالتيدا اوسع بكتييييييييير بالذات السيدان ... شنطة الايفو ضيقة اوى
سألنا عليها امبارح في محمد زكي ومش عارفين لسه هتنزل امتى تحديداً ولا سعرها هيكون في حدود كام :(
أحمد زهق ومتضايق ان المعرض اتأجل لآخر فبراير
وسأل على اللينيا في معرض فيات وكان الرد انها مش هتنزل دلوقتي خالص ولو نزلت مش هتنزل أقل من 150000
+1اقتباس:
وفي رأيي ان الإيفو افضل من كل النواحي عيبها الوحيد حجم الشنطه والقلق من اوماترا
اوماترا ده اسوأ توكيل فى الوجود, اعرف واحد عر بيته الافو جابت كونترول يونت بعد سنه, التوكل ركن العربيه عنده شهر عقاب فى الواد وقلك لسه الحاجة مجتش من ايطاليا, ده غير ان قطع غيارها فى نفس سعر الالمانى
انا سقت العربيه دى معجبنش فيها الهاندلينج والثبات ولونه مش سئ بس مش هايل, يعنى الالمانى اللى فى نفس الفئة زى الكورسا والابيزا احسن كتر من الايفو, بس للامانه هى وحش فى الكماليات والتصميم
بس عموما بالسعر بتاعها شوف حاجه 1600cc المانى او اوروبى اخر زى الميجان
مين التيييييييييييييييييت اللى قاله كده؟؟!!!
دا واحد يا جاهل, يا بيطفش... وما اكثرهم فـ أوماترا الصراحة.. :36_2_49[1]:
ليـــــــــــــــــــــه؟ ؟؟!!
هتنزل بموتور الأبارث الـMultiAir تربو وفتيس الألفا الـTCT ديوال كلتش؟؟؟!! :coolio:
مع احترامى يا باشا, الكلام ده... حمادة بالجنزبيل :dontudear:
مفيش عربية "فيات" فـ مصر جابت كنترول (موتور أو فتيس).. من 2004, وكانت بونتو MKII بالمناسبة..؟؟!!!
انسى الكلام ده.. لا فـ بونتو كلاسيك, ولا جراند ولا أيفو.. محصلتش, واللى يعرف عربية يجيبلى اسم صاحبها أو رقم الشاسيه.. :oops:
الفيات الجديد مشاكله معروفة (فـ مصر وفـ أوروبا).. بس مش كنترول خاااااااااالص..؟؟؟!!
مش محتاجة كلام أصلا.. كنترول أيه اللى بتتكلم فيه؟؟!
الـECU بتاع الموتور الـBosch Motronic الألمانى, ولا تشيب الفتيس الـMagneti Marelli Selespeed الأيطالى..؟؟!!!
باشا هنتكلم in general.. صناعة وكده:
الأيطالى يتفوق على الألمانى فى الـElectro, والألمانى يتفوق فى الـMachanic.. دى قاعدة فـ كل الصناعات الثقيلة, ويقولك اخواتنا المهندسين فـ المنتدى..:robo:
لذلك عمر الفيات (جديد او قديم) ما كان مشاكله فـ الكهرباء, ضفيرة وحساسات وكنترول وتشيب... etc انســــــــــــــــــــــ ـى.. مفيش الكلام ده :11:
هار سووووووود..... كنترول؟؟؟!!!!!!!!!
Just FYI:
فيه مقولة شهيرة على الكورسا والأبيزا فـ انجلترا: بيقولك (مع احترامى لملاكهم):
The Corsa and Ibiza: a Cars for boring guys; how have No imagination
يعنى حتى مقولتش 207 ولا كليو ولا بولو (البولو مختلفة عن السيات فـ سواقتها على فكرة).. للى ركب ويعرف..؟؟!
سؤال: ايه اللى معجبكش فـ الهاندلينج بتاع البونتو ايفو, وجربت الثبات (اللى مش عاجبك برضه) لحد سرعة كااااااااااااام؟؟؟!! :Ka_che1[1]:
JUVE باشا كبير التمبرا والديدرا وكل الفيات الأصلى.. العفو يا كبير.
ياريت تفتينا انت وهشام زكى وميكى فـ موضوع مشاكل الفيات فـ الكهرباء ده..؟؟!!!
مصطفى باشا حبيب قلبي اولا ربنا وحده اللي يعلم اد ابه انا معجب بمشاركاتك المفيده جدا و اللي انا بتعلم منها كتير جدا جدا
و بشخصك الكريم و انا اسمي احمد على فكره هههههههههههههه
بالنسبه لموضوع الكهرباء الحمد لله لا مشاكل تذكر على الاطلاق و حتى العربيات الانجكشن زي عربيه الاستاذ هشام الحمد لله برضو مفيش مشاكل من الكهرباء او ال Control Unit
حاجات الكهرباء في التمبرا و الدبدرا زي مثلا ال Digiplix و ال Control Unit و الدينامو و الانجكشن .......الخ بتبقى Magnet Marelli او Bosch و دي اسماء غنيه عن التعريف
و انا هنا طبعا بتكلم على عربيات احدث واحده فيهم بقالها 14 سنه في شوارع مصر
يا سيدى مش عارف ليه مش مصدقنى, روح اسأل اوماترا عن واحد غير الكنترول يونت بتاعه شهر 12 - 2010, انا لما قصدت اجيب المثال الى اعرفه مكنش قصدى ان العربية وحشة, عيوب الصناعة وارده فى كل الماركات الكبيرة ويكمن تكون دى العربية الوحيدة اللى حصلها كده فى مصر بس اناكان قصدى اقول ان التوكيل زى الزفت فى التعامل مع العربيات اللى حتا فى الضمان
بخصوص الهاندلينج انا بتكلم على سرعة فوق ال 140
انا مقلتش ال 207 عشان برضو التوكيل طين, والبيجو معروف باعطاله الكتير, الكليو معتدتش موجوده زيرو, البولو الصراحه مسقتهاش فمقدرش احكم عليها بس اللى اعرفه انها الاخت التوام من الابيزا مع اختلاف الشكل الخارجى
ويكمن برضو انا معجبتنيش البونتو عشان مش متعود على الفتيس الايزى ترونك لانى متعود اسوق اوتو صريح من فترة فمحبتش فكرة انى انقل بدواسه البنزين, انا يا عم بحب الانتخة واحب العربية تنقل لوحدها من غير مكل شويه ابص على ال rpm خصوصا ان البونتو موتورها ناعم فمكنتش بحس بصوت الموتور قوى
معلش سؤال يا جماعة عشان انا معرفش اى حاجة عن فيات غير فيات لينيا بتاعت yoko هوه فيات نازلت بنتو الى هى 77 حصان فى جراند بنتو نفس الموتور هل فى حاجة 120 حصان غير البرافو وشكراا
البرافو كلها تربو اللينيا فيه وفيه الجراند الكوبيه فيه وفيه
اللينيا نازله الشهر الجي وب130 الف مش 150 خالص 1600 سي سي أوتو
شكرااااااااااااا
:S_thum1[1]:
أوعى يا برنس,
يبقى موتور الـ1.6 E-TorQ وفتيس Dualogic 5-Speed .. تستاهل الـ130 الف..؟؟!!!
مش بس عشان الموتور والفتيس,
بس بالسعر ده, وهى ايطالى تقفيل تركى.. يبقى هتلاقيها Fully-Loaded تانك أوبشنز..
يعنى ممكن تبقى مجهزة بأوبشنز مابين البرافو pkg5 و Pkg6 كده مثلا.. آخر 200 حاجة..؟!! :first:
شكراً يا جماعه على ردودكم كلكم
التيدا اوسع فعلاً وشنطة الهاتشباك اوسع من الإيفو وفي ميزه في كنبة التيدا انها بتتحرك للأمام او للخلف وبالتالي ممكن تزويد مساحة الشنطه غير مساحتها الفعليه
اهو ده الكلام اللي يقلق بجد يعني ممكن تكون قطع الغيار مش متوفره في اي وقت ؟؟؟؟؟
ربنا يسهل وتنزل
انا شخصياً عجباني بس احمد عايز اوبشنز ووسائل امان اكتر
ده واحد في معرض فيات هو اللي قال كده ويمكن يقصد ان ده هيكون سعر اعلى فئه
طب ايه مشاكل الفيات المعروفه في مصر ؟؟ :help1:
الشهر الجاي ده يناير 2012 ولا 2013 :U_thin1[1]:
انا فاكره انهم كانوا بيقولوا هتنزل من سنه بعد فورميلا 2011
ما هي كانت هتنزل السنه الي فاتت بس الأحداث خلتهم يأجلوا والعربيه ال1600 في منها في مصر دلوقتي بس لسه منزلتش للبيع
ههههههههههههههههههههههههه ههههههه
مش سايب حد في حاله الراجل ده لا علي النت ولا علي الموبايل
بس لو الناس اختارت و ماشتراش نعمل فيه ايه بقي ساعتها ......................!!
في تيدا هاتش باك فتحة سقف عامله 5700 كيلوا لونها سماوي الراجل بيتكلم في علي كونتاكت كارز 121500
قوليله يخلص بقي علشان نخلص :pffft:
هو مين احمد دا؟
السلام عليكم
أزيكم يا جماعة
طبعا أنا بأشكركم جدا علي تعبكم معايا أكثر من مرة في المقارنات العجيبة اللي أنا بأعملها ومعلش مدخلتش عملت المقارنة بنفسي لإني غصب عني الشغل مش مخليني أبص يمين وشمال
هو الحقيقة ده كان أخر ما توصلت ليه بعد لف وتدوير وبهدلة ناس كتير معايا منهم أختي ووليد عادل مشكوريين كتير علي مجهودهم ومعظم الناس هنا طبعا وفي قسم نيسان أخواتي كلهم
كل ده برده ولسه متردد حتى من الإيفو والتيدا وإن كان إقتناعي أكبر بالإيفو وخصوصا بعد كلام العضو المحترم formulator اللي بشكره كتير علي رأيه الحيادي و ده لا يمنع إن العربية التيدا عربية محترمة وفعلا واخده أربع نجوم في إختبارات الأمان الأمريكية والدليل إن بعد عنايه الله طلعت من العربية أنا وصاحبي سلام إلا من الكدمات والكابينة محصلهاش حاجة والخبطة كانت من الوجه تماما زي إختبارات الأمان.
عدم إقتناعي جي من عدم وجود ثقافة شراء عربية صغيرة زيرو بمبلغ 120 ألف في ظل عدم وجود بدائل تنافس في الجودة والأمان.
أنا ليا تعليق بس علي الإيفو في كذا نقطة
أولا إنها عربية سيتي كار مش عارف ده هينفع معايا ولا لأ في مشواري اليومي 85 ك ذهاب وعودة من حدائق الأهرام إلي التجمع الخامس وهل هتستحمل معايا ولا لأ؟؟؟
ثانيا ليه الزجاج الخلفي بكر أنا بنتي الصغيرة إبتدت تشد وتفتح وتلعب هل ده هيبقى أمان لما أسيبها ورا ؟
ثالثا عربية بالمبلغ ده ومفيش تصفيح أسفل الموتور لحمايته أو تقليل التراب؟؟
رابعا نازله بكاوتش 185 هل ده قليل يعني لو بقي 195 أو 205 هتفرق في الثبات
مفيش مسند يد و نور في منتصف الصالون (ده دلع مني مش مهم يعني )
أنا كنت منتظر اللينيا أو بدائل في المعرض بس أتاجل وواضح كده أن الدنيا بتسوء فا مش هيبقي في جديد أو أمل في عربيات جديدة.
معلش تعبتكم معايا
وأشكركم مره أخرى.
أحمد فؤاد
موتور الـT-JET بيتعمل فـ مصنع وااااااااااااحد فـ العالم.. Termoli فـ ايطاليا, وبيشتغل ببنزين 95 - 97/98..؟!!
موتور الـE-TorQ بيتعمل فـ البرازيل, وبيشتغل ببنزين 92 - ايثانول..؟؟!!!
تخيل بقى يا غزالى فرق التكلفة (فـ التصنيع + بلد المنشأ), والـComponents اللى هتتغير فـ العربية لو ركبلها موتور التربو..؟؟!!!
فـ المقابل لما تنزل 1600cc هتبقى أقل كتييييييييييير فـ التكلفة, وهيقدر ينزلها بسعر كويس.. :wink05:
أهلا يا باشا,
- مقدر جزئية ثقافة شراء عربية Super-Mini بالسعر ده, بس ماتنساش دى أرخص عربية "أوروبى" خالصة فـ مصر.. Specs وتصنيع..؟!!
فـ المقابل: هتشترى حاجة أكبر (أوروبى برضه).. فرق السعر هيبقى كبيييييير أوى..؟؟!!!
- مشوارك ده عاااااااااادى جدا, حتى بالنسبة لـCity Car زى البونتو.. وتستحمل طبعا, دى عربيات اتعملت عشان تعيش يا احمد بيك, معروفة عن الفيات (والأوروبى عامة).. :36_9_4:
كمان لااااااااااازم بقى تاخد فـ اعتبارك: توفير البنزين الرااااااااائع بتاع المواتير الـFire, مع الأحتفاظ بأداء متوسط.. عصبى فـ الـmid-range على الأقل.. (وده اللى انت محتاجه فـ السواقة سواء داخل المدينة.. أو عـ الطريق..؟؟!!!
- معاك فـ نقطة الزجاج الخلفى... تشل بصراحة؟؟!!! :36_2_49[1]:
- الموتور مصفح من تحت بـ شاسيه معدنى (بارات).. لكن مفيش فبرة underbody, بس على فكرة معظم عربيات نيسان كـ مثال كده..؟!!
- كل الفيات (ومعظم الأوروبى) هتلاقى نور الصالون Spots فـ الأمام فقط, واعتقد الـPkg2 فيها مسند يد أمامى.. وحقك تدلع طبعا, انت هتدفع 120 ألف؟؟!!! :first:
وبرضه انا مع الرأى اللى بيقول تستنى معرض فورميولا بتاع الأهرام, يمكن تظهر حاجات تانى.. :S_thum1[1]:
الحتة دي مش مقتنع بيها يا مصطفى,
طب ماللينا التربو الكاملة كانت موجودة .. مش كانت ب 127 مثلا ؟ ولا ايه يا Yoko ?
اه صحيح بس كانت مانوال فقط :(
لا يبقى طنش :)
بس برده بصراحة ... بمنتهى الصراحة لصاحب الموضوع انا شايف انك تطلع اللينيا دي من الحسابات .. اولا شكلها قدم و حتتغير قريبا ثانيا من جوة بصراحة لا تقارن بالايفو نهائي :)
انا لو منك بامانة لو مش فارق معاك المحرك و الحجم (نسبيا) حاخد الايفو .. لانها تتفوق "كسيارة"
سيارة يعني ايه ؟ يعني سواقة افضل ثبات افضل امكانيات افضل تكنولوجيااعلى ... ممتعة اكثر يعني.
انما لو الاتنين دول فارقين معاك خد التيدا .. لانها تتفوق ك"صفقة"
صفقة يعني ايه ؟ يعني سيارة ياباني ( تقفيل مكسيكي اعتقد) بمحرك 1600 معقول جدا و كماليات بسيطة لكن اساسية و منها عوامل الامان في نفس الوقت اقتصادية جدا في تشغيلها كقطع غيار و صيانة و ضمان.
بس هي في حاجة معكننة عليا في موضووع التيدا دي الا وهي ان في شكل جديد برده منها نازل قريب جدا !!
يعني انا حاليا داخل على ال 30 سنة :)
من 4 سنين فاتوا ماكنتش حبص على التيدا دي نهائيا و كنت اخدت الايفو وش ..
الان بعد الجواز .... ممكن افضل التيدا زي ماقلت كصفقة كاملة .. مش حاجة حاجة داخلها .
طيب ايه رأيكم في موضوع فرامل الإيفو ده ؟؟؟؟؟
http://www.nilemotors.net/Nile/201796-a.html