يا جماعة عندي شوية أسئلة عن الفيرنا الأوتوماتيك , ياريت لو حد معاه زيها يساعدني في الموضوع ده
أنا أصلا معايا فيرنا مانيوال 2007 و من كام يوم جبت الأوتوماتيك 2012 , وبصراحة دي أول مرة أسوق فيها أوتوماتيك و ملاحظ شوية فروق عايز أسألكم عنها
1- لاحظت إن الباور بتاعها أتقل من المانيوال اللي عندي , مش عارف ليه ؟ حد عنده فكرة عن السبب
2- مؤشر درجة الحرارة أعلى من اللي عندي , عادة المؤشر كان بيبقى في النص بالظبط بين النقطتين , في الجديدة لقيت المؤشر فوق النقطة التانية اللي فوق يعني أعلى من النص بشوية و برضه مش عارف ده طبيعي و لا لأ؟
3- السحب بتاعها مش عاجبني , بالذات في الطلعة الاولانية من الصفر , وبلاقي صوت الموتور بيعلى و بيبقى مسموع قوي قبل ماحس إنها نقلت و هديت , كأني جايب التاني و بحرق بيه من غير مانقل , وطبعا ده بيقابله تسارع بطئ في البداية قبل ماخد سرعتي على الطريق على عكس المانيوال اللي تسارعها في الأول كويس .
4- العتب بتاعها مختلف عن المانيوال , عاملينه محبب كده و خشن بس واخد نفس اللون , مش عارف هو كل الأوتوماتيك كده و لا إيه بالظبط ؟؟
يا ريت يا جماعة لو حد عنده أوتوماتيك يقولي هي الملاحظات دي عادية و لا لأ ؟
يعني العربية كده مظبوطة و لا فيها حاجه محتاجه مراجعة في التوكيل ؟؟
وشكرا ليكم , و إن شاء الله هاتابع في الموضوع هنا و أقولكم على أي حاجه تانية ألاحظها في العربية
المفضلات