الموضوع: تجربتى الؤلمة مع جوان وش السلندر

صباح الفل على اعضاء احلى منتدى
حبيت اشاركم قصتى المؤلمة خلال الايام اللى فاتت علشان بحب اشاركم فرحى و همى :
انا معايا 128 موديل 75 ، كنت من فترة حاسس ان العربية مش بتسحب ، و كنت بسمع كتكتة صوت زى ما يكون البوجيه مكشوف ، و كان عندى الفتيس بسمع منه صوت رهيب لما ارجع ورا ،و البلية كانت خشنة ، المهم قلت اروح للميكانيكى اشوف الموضوع ايه ، شاف و مشى بالعربية قالى نفك الفتيس و نشوف فى ايه المهم فك الفتيس و رحت لبتاع الفتيس غير شوية حاجات ولاقى ترس المرشدير مكسور فيه حتة ، و غيرت بلية و دسك و اسطوانة
خلصت اخر النهار ، انا حسيت بفرق بس مش واضح لان العربية مش بتسحب ، فقالى تعال تانى يوم نضبط الكهرباء فى خمس دقايق ، روحت تانى يوم اضبط الكهرباء ، وضبطتها و طلعت بالعربية بس مش بتسحب و سامع صوت الكتكتة ، رجعت للميكانيكى و قالى كده يبقى جوان وش السلندر ضرب من الجنب و دا بيحصل واحد فى الالف و انت ملكش ذنب فيه .
فك الوش ورحت خرطته و غيرت طرمبة المياه و ضبطت تكهات و ركبنا الوش و فعلا الصوت اختفى و العربية بقت بتسحب .
انا حبيت انقل التجربة للافادة و اى اسئلة انا تحت امركم و هرفع الصور اللى صورتها علشان الافادة

المشاركة الأصلية كتبت بواسطة nicegypt

مبروك على حل المشكلة .. الحمد لله

ربنا يبارك فيك

المشاركة الأصلية كتبت بواسطة elawany13

الحمد لله التجربة تمت بنجاح
تبقى مؤلمة ليه ؟

الحمد لله على كل حال , هى مؤلمة لانى لفيت حوالبن نفسى علشان اعرف الصوت ا طالع منين و المشكلة كمان انى كنت حاطط رنج للموضوع دا ، لكن الموضوع دا فاتح معايا جامد جدا