الموضوع: فى حد برضة يخاف من .........الميه ؟؟

يا اهلا بيكم ...... اول امبارح ... و انا بتفرج على المخروب ... هالنى منظر خراطيم المياة و هى بتضرب فى الناس ... و على قد ما انا كنت مغلول على قد ما اثار هذا المشهد ذكري موقف حصل معايا ... مش معايا شخصيا لكن حصل قدامي ... بس كان رد الفعل مختلف شويه....
نخش فى الموضوع .....
هه فين الضحكه الحلوة ...... مين غسل سنانه انهارده ..... ؟؟؟؟
المهم ..... لو تفتكروا .....كان فى سنه من السنين جه شهر رمضان فى نص ديسمبر و نص يناير ... فى ايام برد زى القطب الشمالى ... برد جدا جدا
و فى يوم انا كنت عند احدي اخواتى البنات ... ايام الجامعه و قعدت ذاكرت بعد التروايح علشان الامتحانات ...و كان وقتها ابنها الصغير عندة عشر سنين نايم بالبيجاما و جت صلاة الفجر .... فقولت اصحيه يصلى معايا ... و اكسب فىه ثواب ..... و الواد برضه يتعلم الصلاة و يتعود عليها ... ودار بينا الحوار التالى :-
انا : و انا برفع اللحاف من عليه ... قوم يا شريف .. الفجر بيأذن يلا ... قوم بقى بطل كسل ...
هو : ايه ايه .... لا لا .. عاوز انام يا خالو ..... بكرة بكرة ....
انا : لا يا بنى .. الصلاة ... هنصلى الفجر هنا انا و انت .... و ماما كمان هتوضيك ... يلا قوم بقى ... علشان ربنا يحبك ..
هو : يووووووووووة ... طيب هقوم ...
المهم الواد قام و لحظه السيىء كان السخان مفصول و مفيش ميه سخنه ... دخلت امه معاه التواليت علشان توضيه بمية متلجه و هو نايم دفيان و جالى بقى و قفتة جنبى على السجاده و بدات الصلاة ... بعد الفاتحه لاقيته عمال يميل شمال و يمين ...... مش واقف على بعضه ..
فخمنت انه لما اتوضأ بميه ساقعه ... كان عاوز يخش التواليت و ماسك نفسه بالعافيه ...........
المهم انا خلصت الصلاة بسرعه علشان صعب عليه ... و لكن بعد فوات الاوان .... صاحبنا مقدرش يستحمل و بلل نفسه ببعض القطرات ... فقولت لامه خشى شطفيه ..... لغايه كده حلو .......
الواد دخل التواليت و هو نايم على نفسه ... و امه معاه و انا واقف على الباب ... و شاعر بالذنب ....
المهم امه قالتله ارفع هدومك .... و الواد شبه نايم .... و قامت جايبه كوز من البانيو الذى تقترب درجه حرارته من الصفر
و طااااااااااااااخ فى بطن الواد وعلى جنبه ........ و سمعت صرخه مكتومه يحححححححححححححححححححححححح ححححح!!!!!!!!!!!!!!!!!!
و بتصرف لا تلقائي قام ناطط بضهرة على قاعدة التواليت و منها اتعلق على السخان باديه و رجلية ..... متهيألى كان هيطلعله جناحات و يطير من شباك الحمام ........
و قالها بعياط : ربنا يخدك يا شيخخخخخخخخخخخخخخخخخخه ................. و بصلى انا و قالى كله منك انت السبب ........
وقعت انا على الارض و امه كمان و قعدنا نضحك بشكل هيسترى و الواد عمال ينقط ميه ...... و من ساعتها كرة حتى شكل الحنفيه ....
و نلتقى فى موضوع اخر ان شاء الله

ملعوبه بجد