السادة الصقور،

تقرير تركيب العازل للكبوت ودة هنجمع فية كل تقارير التركيب للاعضاء فبرجاء الاهتمام بالنقطة دى






انا عملت صيانة 15 الف كيلو مع تركيب العازل وبالتالى الوقت الكلى هيكون للاتنين.

البداية كان الموضوع التالى من أ/ أحمد مصطفى وقمت بالحجز من خلالة وبالتالى التمتع بالخصم، وكمان حضور مقابلة يوم الجمعة 16 ديسمبر وبالتالى الحصول على خصم 100% لمصنعية التركيب.
http://www.nilemotors.net/Nile/26005...09-2008-a.html

- وصلنى تليفون يوم الاحد من اتو ايجيب للسؤال عن الميعاد المناسب لى لتركيب العازل وبما ان المركز قريب من شغلى وانى كمان هعمل صيانة 15 الف فقلتلهم فى اقرب وقت قالولى بكرة (الاثنين) قلت ماشى خليها الساعة 9 الصبح.

- يوم الاثنين الصبح وصلت ودخلت من البوابة – طبعاً بعد اختبار شاق للعفشة فى الطريق إلى المركز. http://www.nilemotors.net/Nile/259510-a.html

- قابلنى موظف لركن السيارة والتاكيد على وجود حجز وبعدين تركيب كسوة (كيس بلاستيك) للدركسيون وكرسى السائق، وبعدين الدخول للاستقبال والتاكد من وجود الحجز واعطائى رقم الدور والانتظار حتى تحديد مهندس الاستقبال.

- خلال دقيقة كنت قاعد مع مهندس الاستقبال م/محمد رفاعى وكان متعاون لاقصى درجة، وقام باخد البيانات وقلتلة ان انا كمان جاى اركب عازل الكابوت، قام اتصل بالمخزن وكان الرد لا يوجد، انا اتصدمت (اول مرة) وبعدين قلتلة ان انا جاى على ميعاد ورجاء التاكد مرة اخرى، بعد شوية اتصالات اتضح ان العازل محجوز باسم مدير المخزن مش باسمى وباين انة غير موجود وبعد التوضيح دة قالى العازل جاهز وهيتركب بعد انهاء الصيانة. سألتة على سعر العازل وكانت الصدمة التانية قالى 350 جنية ومعاة تخفيض 15% والمصنعيات تخفيض 100%، قلتلة معلش اتاكد من السعر تانى لان المفروض ان سعر العازل بعد التخفيض يوصل 250 جنية فقط وليس 298 جنية. قام مشكوراً بعمل شوية اتصالات وطلع ان مسئول المخزن ادالى سعر خطاء وان تقديرى هو الصح.

- بعد كدة طلعنا لتسليم العربية والكشف على عمل كل شئ والوقت التقديرى لتسليم السيارة وكان الساعة 12 ظهراً (متضمن صيانة 15 الف كيلو)

- دخلت فى الاستراحة اتفرج على العربية وهى بيتعملها الصيانة وكمان اكلت باتية وكباية شاى، وهما خلصوا الصيانة وطلعوا العربية تتشمس برة شوية.

- انا قولت هيركبوا العازل من غير صور ولا حتى اتفرج على التركيب قمت جرى على م/ محمد وقلتلة عايز التفرج على التركيب وكمان اصورة قام مشكوراً باستأذان مدير المركز وقالتى ساعة التركيب هقولك.

- استنيت شوية حوالى نصف ساعة وبعدين ندة عليا علشان اشوف التركيب، ودخلنا الورشة الثانية، الى بعد ورشة الصيانات الدورية وتم التركيب فى حوالى 10 دقائق فقط، العازل بيركب بعدد 12 كليبس بالضغط عليها باليد بدون معدات، وبعد التركيب تم تنظيف الكابوت من الداخل (الصور فى اخر المشاركة).

- واخيراً استلام السيارة بعد غسيلها، وان كانت النقطة دى عايزة اهتمام اكبر لانها مكنتش على مستوى عالى. واخيراً الخروج الساعة 12 ظهراً ودلوقتى الخروج باظهار فاتورة المحاسبة لحارس البوابة.

-
الانطباع:
العازل بيغطى الكابوت من الداخل بشكل كامل، وخامتة جيدة وان كان هيبان مع الاستخدام. بالنسبة للنقطة الى كل قاعد يقراء ومستنيها صوت الموتور: الصوت قل شوية بصورة جيدة ودة كانت احلى حاجة فى الموضوع انا علشان اكون موضوعى سألت انتين زملاء عن رايهم واحد قلتلة انا عملت اية والتانى لأ والاتنين اجمعوا ان فية فرق فى الصوت. ممكن كمان الى هيركب يوم السبت انى اروح معاة واقيس الصوت (عندى برنامج على الموبيل بيقيس درجة الصوت) قبل وبعد التركيب ودة هيكون الفيصل.

-
اخيراً التكلفة:
العازل 236 جنية
الكلبس (عدد 12) 54 جنية
خصم نايل موتورز 15% يبقى المجموع 246 جنية من غير ضريبة المبيعات (حوالى 20 جنية ) يبقى المجموع النهائى 266 جنية. والمصنعايت بخصم 100%.
والاسعار دى للناس الحاجزة فى الموضوع (الى فوق) وكمان للناس الى حضرت مقابلة يوم الجمعة.


الصور
التركيب





التنظيف بعد التركيب





الكلبيس



[/COLOR][/SIZE]

والسلام ختام