الموضوع: بنـجاح منـقطـع النظــير .. مقـابلة قـسم نيسان السابـعة برعـــاية اتــو ايـجيبت نيـسان

أحبائي اعضاء قسم نيسان الموقريين

بصراحة انا مش عارف ابتدي من اين ولا من اين .. مقابلة ولا اروع ولا اجمل من كده و انا بجد من اكتر الناس اللي اتمتعت بالمقابلة الرائعة ديه و بالذات احمد مصطفي اللي فعلا خلي المقابلة تتحفر جوايا فعلا و كان باين جدا تعبه الغير عادي في ترتيب المقابلة عشان تطلع بالجمال المشرف ده و فعلا كان كل دقيقة في المقابلة ليها حساب لدرجة ان فعلا محصلش غلطة واحدة في ترتيب اليوم و كل الناس فعلا اتكلمت في المقابلة و تناقشت و كان كل واحد نفسه يعمل حاجه كان بيعملها بكل حب لأنه حاسس انه جوا اسرته و ده فعلا كان هدف حبيبنا و اخونا احمد مصطفي الغالي..

طبعا نبتدي بكل الشكر لأسرة شركة اوتوايجيبت المحترمين اللي فعلا امتعونا في اليوم الجميل ده و كان تعاملهم مع الكل كأنهم يعرفونا من زمان و ده اللي خلالها من انجح شركات النيسان في مصر كلها و النجاح ده وصلهم يبقوا افضل شركة مبيعات نيسان لعام 2011 و متشكرين جدا علي هدايكم الرائعة الغير متوقعة و ايضا العروض الخاصة للاعضاء الحاضريين و خصوصا عرض المصنعية لعازل الكابوت .. شكرا اوتوايجيبت ..

كل الشكر ايضا لأخي الكبير الحاج احمد مشعل اللي فعلا بيضع البهجة في اي مقابلة بعروضه و افكاره الجميلة الل فعلا ليها بصمة رائعة داخل كل عضو من اعضاء منتدي نايل موتورز .

طبعا مقدرش انسي القريب لقلبي اخي كريم منير اللي فعلا كان منور المقابلة الرائعة ديه و لولاك يا كريم و لولا المنتدي الرائع ده مكناش اتجمعنا في اليوم الرائع ده .. شكرا كريم ..

ارجع لأخويا احمد مصطفي بجد يا احمد انا مكنتش متخيل ان المقابلة هتبقي بالاخراج الجميل ده و بصراحة المفروض بقي تستريح شوية لأن انا عارف انت تعبت اد ايه الفترة اللي فاتت ديه .. دا احنا كنا بنتكلم الاسبوع اللي قبل المقابلة ديه بـ 6 مرات في اليوم .. ارجوك ريح شوية و اهتم بصحتك و انا بشكرك كتير يا احمد علي التكريم الرائع ده .. انت بجد عرفت ازاي تدخل الفرحة جوا قلبي في اليوم ده و تكريمي ده احلي تكريم اتكرمت فيه في حياتي كلها و ده دليل علي محبتك الغير عادية و فعلا انت عملت طفرة غير عادية في قسم نيسان اللي دلوقتي بقي معروف مش في مصر بس لكن معروف في العالم كله و الدليل الناس اللي بتعمل مشاركات و مواضيع من الكويت و السعودية و المانيا و بلاد كتير .. شكرا يا حمد علي تعبك ده و شكرا علي المقابلة الرائعة ..

أحبائي اعضاء قسم نيسان .. انتوا متعرفوش انا كنت مبسوط اد ايه اني شوفتكم كلكم اذا كان اعضاء جدد او اعضاء قدامي بصراحة بتبسط جدا لما اشوف الناس اللي كنت بكلمهم من ورا الكيبورد و بشوفهم بعد كده في الحقيقة .. حاجه تفرح صحيح و انا بجد بشكر كل عضو جه من اخر الدنيا عشان يحضر المقابلة الرائعة ديه اللي فعلا كانت منورة بيكم انتوا .. و بشكر كمان كل اللي جاءوا من الاقسام الاخري بالمنتدي .. كنتوا مشرفنا بجد ..

أتمني بجد و من جوا قلبي اننا نتقابل كلنا علي خير في اقرب مقابلة ان شاء الله

أخوكم
بيشوي PEACEMAN