المشاركة الأصلية كتبت بواسطة ahmazong
بصراحة تقرير ولا اروع بجد ما شاء الله حاجة تحفة .. والحاجة بجد الاجمل يوم المقبلة ده .. يوم بصراحة مفيش بعده .. أحلى حاجة الواحد اتعرف على ناس محترمة بجد .. قمة الخلق .. رجالة يعتمد عليها بحق وحقيقي ..
تشكر بجد يا ahmed .tv على مجهودك الرائع معانا بصراحة اللي زيك قليلين قوي الزمن ده ..
ربنا يبارك فيك ويعزك ويديك على قد نيتك الجميلة ديه خير في الدنيا والاخرة و عايز اشكرك تاني على تكريمك ليَّ أنا مكنتش متوقع خالص الموضوع ده .. ومكنتش عارف أقول إيه ساعتها .. أنا واللهِ ماعملت حاجة .. ده كله بسبب العائلة المتربطة ديه ..
العائلة اللي دايما بتعمل لولادها كل خير
و إنت الاب الروحي ليها يا عم أحمد يا tv
تسلم على تقديرك يا بوحميد وعلى شعورك الطيب
وانت تستاهل كل خير بجد
والحمد لله على نعمة التقدير اللى بين الاعضاء اللى فى قسمنا
وكان لازم نقدرك .. بسبب روحك وطيبتك الجميلة دى
وبعدين مكنش ينفع اقولك .. كان لازم تيجى مفاجاءة كدا
وان شاء الله دايما معانا برحك الجميلة دى يا بوحميد
ومنتظرين منك المزيد
المشاركة الأصلية كتبت بواسطة amr2004ibm
مهما الواحد يقول مش هيقدر يوصف جمال اليوم ده
احلى حاجه ان الواحد حس ان له اسره كبيره كلهم متقاربين فى السن والافكار وكلهم بلا استثناء محترمين جدااااا ونفسى النقابل تانى ونزيد اكتر المره الجايه
على فكره انا لما حكيت لاصدقائى على اليوم ده وشافو الصور و خاصه منظر السيارات النيسان الى ابدع اخونا الفنان بسام فى التصوير لقيت فى عنيهم الغيره والتمنى ان يعيشو معانا الاحاسيس الجميله دى وكانو بيحسدونا على روح المحبه الى بنا و منهم اتمنو يكونو من ضمن الصقور ( اللهم ديم المعروف والمحبه دائما) ومن شر حاسد اذا حسد
احب اشكر كل احبائى الصقور على اليوم الرائع ده
وخاصتا الصقر الجارح المتالق احمد مصطفى الى تعب جدا معنا فى كل خطوه احب اقوله
( اللهم بارك فيك ويحبب فيك خلقه ويرزقك من حيث لا تحتسب .. الف شكر)
عمرو منير
تسلم يا عمور على تقديرك .. وكنت منورنا فعلا .. ودايما معانا باذن الله
المشاركة الأصلية كتبت بواسطة abouleila
مقابلة اكتر من رائعة وتنظيم تحفة يااحمد كالعادة
وشكرا على الدعوة الكريمة اللى تشرفت ان اكون حاضر هذا الكرنفال الجميل
فاكر يا احمد زمان لما كنت تقلى انا لو معايا اعضاء قسم كيا كنت عملت البدع
دلوقتى انا بحسدك على اعضاء قسم نيسان اللى تفوقو على نفسهم فى القسم
وسعيهم الدائم فى خدمة الاعضاء الجدد .....
مبروك عليك اعضاء نيسان ومبروك عليكم الكبير
احمد مصطفى
تسلم يا يا ابوليلى على محبتك وتقديرك الجميل
المقابلة ناجحة الحمد لله بروح الاعضاء الجميلة
ممكن يكون فى مقابلة العدد فيها اقل .. بس الاعضاء فيها روح ب100 شخص ودى نقطة مهمة
الروح
وفعلا انتوا اتحسدتم فى قسم كيا
ولازم تجمعوا بعض تانى ..
وكنت منورنا يا باشا وشرفتنا بجد
المشاركة الأصلية كتبت بواسطة sedyrohy
ليا الشرف اني اكون حاضر في تلك المقابله
شكرا لجميع اعضاء قسم نيسان
شكرا احمد مصطفى
نورتنا يا محمد وكنت مشرفنا .. ومجئيك فوق راسنا من فوق كفاية انك جى من اخر الدنيا من دمنهور عشان تشوفنا وتقعد معانا
بجد ونعم الناس
ودايما معانا منورنا
المشاركة الأصلية كتبت بواسطة s a m a
المقابلة فعلا كانت من اجمل المقابلات
بس مقابلة فايد لاتزال رقم 1 فى المقابلات يا احمد كان ليها بريق مختلف :-)
لشركة اوتوايجيبت منا كل التقدير والاحترام لما تبذله من مجهود واهتمام مميز بالعملاء واعتمادها على اسس موضوعية للوصول الى نجاح ثابت ومستمر لا الى نجاح مؤقت وربح سريع
وفى انتظار تقييم الاعضاء لمركز الصيانة وتعاونهم المتابدل مع الشركة للوصول الى الافضل دائما للطرفين
كل الشكر والتقدير لقسم نيسان بكل اعضائه على تكريمهم الرائع فنحن لا نقوم سوى بواجبنا نحوالمنتدى واعضائه
نتمنى ان يستمر نشاط القسم وتفاعل اعضاؤه بل ويزيد ايضا ونتمنى ان نرى كل اقسام المنتدى مثل قسم نيسان
فى انتظار المزيد من الموضوعات المميزة والتقييمات الموضوعية البناءة
تحياتى
الحمد لله انها نالت على اعجابك واعجاب الحاضرين
المقابلة بتاعت فايد .. حلوة لسبب
لان طول اليوم كنا مع بعض من الصبح
بس فعلا بالنسبالى من افضل المقابلات فى حياتى المقابلة السابعة الاخيرة دى
كاااانت رائعة فعلا
وان شاء الله اعملكم مقابلة عائلية فى اجازة نص السنة
وتنورونا
وبخصوص التكريم
بصراحة يا سما انتى تستهلى كل خير بجد
وده كان اقل تقدير لكل اللى بتعمليه فى المنتدى
لان انا عارف انك بتبذلى مجهود غير طبيعى فى المنتدى
وكان لازم يكون فى تقدير ليكى .. لاننا بنقدر كل شخص بيتنج بحب وبعطاء
لخدمة المنتدى والاعضاء
تحياتى ليكى وللاسرة الكريمة
وفعلا بجد كنتوا منورينا
المفضلات