بص ياحمد انت احسن حل ليك تشتري البنزين لوحده والاكتان لوحده وتخلط برحتك الاكتان اللي انت عايزه ههههههههههه
بص ياحمد انت احسن حل ليك تشتري البنزين لوحده والاكتان لوحده وتخلط برحتك الاكتان اللي انت عايزه ههههههههههه
المعلومه دي من واحد من الي شغاليين في البنزينه
أنا بحط شيل الدائري بين طريق السويس والتجمع الأول أو موبيل الي قصادها أو موبيل صلاح سالم
طب ليه متجربش السولار و بكده تكبر دماغك و مش هيبقي في اختيارات و من اي حتة و عيش .. بس قبل ما تحط السولار اشتري حمار عشان هيبقي قدام العربية بعد السولار ههههههههههههههههههههههههه هههههههههههههه
يا عم عيش حياتك و بكره تعرف بجد زي ما قولتلك مش هتلاقي فرق بين الـ 92 و الـ 95 غير فرق في السحب فقط لا غير انما الاستهلاك هيبقي مش فارق كتير
متابع
وبعد ما تجرب ال 95 ياريت تقولنا التجربة مع بنزين ال 80 :baby07:
يعني عمالين تكلموا عن الحمير والجمايس عادي كده
عييييييب .. دول مهما كان ................. زباين بردو :)
انا آسف يا جماعة انا اتأخرت عليكم بسبب ان النت اتقطع عندى لمدة 3 ايام متواصلة
احنا الاول نبدأ من البداية علشان نقدر نوصل لاستنتاج سليم
نبدأ على بركة الله
يلا
الجازولين هو الاسم العلمى والتجارى العالمى للبنزين
اما البنزين اصلا فهو مادة كيميائية حلقية اروماتية تتكون من 6 ذرات كربون فى شكل حلقى يطلق علية benzene ring واصلا البنزين يتواجد فى الجازولين بنسبة لاتزيد عن 1 % نسبة حجم
والجازولين الموجود فى مصر حاليا هو من النوع الخالى من الرصاص .
ومركبات الرصاص كانت اساسا تضاف على الجازولين لتحسين مواصفته من حيث الرقم الاوكتينى .
ونطرا لاضرارها البيئية لانها تخرج مع العادم كاكاسيد رصاص تم منع استخدامها ويستخدم الآن عوضا عنها الجازولين الخالى من الرصاص والتى يتم الحصول عليه بتغيير التركيب الداخلى للنافثا ( احد مشتقات تقطير البترول ) عن طريق مفاعلات تحتوى على عوامل حفازة فى ظروف معينة من الضغط والحرارة .
طبعا دى مقدمة بسيطة بدون الخوض فى اى تفاصيل معقدة .
الجازولين فى مصر اساسا ينقسم الى انواع طبقا للرقم الاوكتينى
80 - 90 -92 - 95 وهى الانواع المتعارف عليها فى السوق المصرى
وطبعا الانواع تختلف من دولة الى اخرى وكذلك مواصفات كل نوع وتعتمد على عوامل كثيرة منها نوعية السيارات والمواصفات المطلوبة لكل محرك , بالاضافة الى الظروف والعوامل الجوية والبيئية فى كل دولة .
يبقى احنا عموما عرفنا معلومات جديدة
1 - ان الجازولين انواع طبقا للرقم الاوكتينى .
2 - الانواع تختلف من دولة الى اخرى .
3 - الجازولين له مواصفات اخرى غير الرقم الاوكتينى .
4 - بعض هذه المواصفات تختلف بسبب الظروف المناخية والجوية .
من النقاط السابقة حنعرف بالتفصيل ايه التغيرات اللى بتؤثر او لا تؤثر على محرك السيارة .
اكمل ولا الموضوع بعيد عن اللى عايزين نعرفه .
ماتبخلش علينا بمعلومات مفيدة زي ديه .. قول كل اللي عند حضرتك ..
لو سمحت طبعا ..
انا تحت امر الجميع وان شاء الله نكمل الموضوع
بس الموضوع حيطول واتمنى ان يكون شيق
نكمل على بركة الله .
طيب اعتقد فى البداية لازم نعرف ايه هو الرقم الاوكتينى
الرقم الاوكتين هو رقم يعبر عن مقاومة الوقود ( الجازولين ) للاحتراق المبكر .
يبقى كده لازم نحط الف خط تحت الاحتراق المبكر دى .
هو اصلا فيه احتراق مبكر واحتراق متأخر
طب لو فيه كده ايه اللى بيسبب الاحتراق المبكر والاحتراق المتأخر وايه سب حدوث ذلك داخل موتور العربية
طيب ايه اصلا فكرة عمل موتور العربية علشان نفهم كل اللى فات ده
الموضوع كده حيطول وحيجرنا لمواضيع اخرى بس ان شاء الله حنوصل فى الاخر الى معلومات علمية سليمة اكيد حتفدنا .
بكل بساطة موتور العربية ما هو الا وسيلة لتحويل الطاقة الكيميائية المختزنة داخل الوقود الى طاقة الحرارية ناتجة من احتراق الوقود ومنها الى طاقة حركية
هذه الطاقة الحركية تكون فى بدايتها حركة ترددية راسية يتم تحويلها بواسطة عمود الكرنك والاجزاء المتصله به الى حركة دائرية تدفع السيارة الى الحركة .
ولتوضيح فكرة عمل محرك السيارة سنقوم بتشبيه ذلك بنفس آلية عمل قذيفة المدفع القديمة التي قد نشاهدها في الأفلام السينمائية حيث يقوم الشخص بوضع بودرة البارود في الطرف الخلفي للمدفع ومن ثم يقوم بوضع الكرة المعدنية في فوهة المدفع.
ولإطلاق القذيفة يتم إشعال البارود لتتولد طاقة حرارية هائلة تزيد مقدار الضغط الذي يتجه إلى دفع الكرة المعدنية بقوة من فوهة المدفع زى الشكل اللى جاى بالضبط
http://www.hazemsakeek.com/QandA/qai...ato-cannon.gif
وفى الواقع فكرة عمل موتور العربية زى الفكرة السابقة تماما
عمل محرك السيارة ذو الاحتراق الداخلي من خلال دورة متكاملة يمكن تقسيمها إلى اربعة اشواط اساسية نذكرها على النحو التالي:
(1) شوط الأخذ: يبدأ المكبس عمله في الحركة من أعلى موضع له ليتحرك إلى الأسفل حيث يكون صمام الإدخال مفتوح ليدخل خليط من الوقود والهواء إلى داخل اسطوانة الاحتراق. وتكون نسبة الوقود صغيرة بالنسبة للهواء ولكن كافية لإحداث الاحتراق.(1) شوط الأخذ Intake stroke )
(2) شوط الانضغاط Compression stroke
(3) شوط الاحتراق Combustion stroke
(4) شوط العادم Exhaust stroke
(2) شوط الانضغاط: يغلق صمام الأخذ عندما يبدأ المكبس في الحركة للأعلى ليضغط خليط الوقود والهواء وترتفع درجة حرارته تدريجياً ليساعد على رفع كفاءة الاحتراق.
(3) شوط الاحتراق: في اللحظة التي يصل إليه المكبس إلى أعلى ارتفاع له يصبح الخليط عند ضغط عالي تنطلق شرارة كهربية لينتج عنها احتراق (انفجار) للوقود المكون للخليط فترتفع كلا من درجة الحرارة والضغط ارتفاعاً هائلاً لتدفع المكبس بقوة للأسفل.
(4) شوط العادم: عندما يصل المكبس في حركته للاسفل إلى ادنى قيمة له يفتح صمام العادم لتخرج نواتج الاحتراق من المكبس ومنه إلى العادم خارج السيارة ويرتفع المكبس نتيجة لدوران ناقل الحركة إلى الاعلى طاردا ما تبقى من نواتج الاحتراق ليبدأ دورة جديدة بسحب كمية جديدة من الهواء والوقود.
والصور القادمة توضيحية للاشواط السابقة
http://www.carsensation.com/photos/t...l/4-Stroke.gif
http://www.carsensation.com/photos/t...oke-engine.gif
تمام صح مفيش كلمة غلط .. ده كده احلوت قوي
يبقى كدة شرارة البوجيهات بتبدى تشتغل فى الشوط الثالث اللى بنسمية شوط الاحتراق
وقبل شوط الاحتراق مباشرة كان شوط الانضغاط
نقف بقى هنا عند شوط الانضغاط شوية ونحط كلمة الانضغاط دى باللون الاحمر ولا بلاش الاحمر نخلية تحته خط علشان الادارة ما تزعلشى مننا
شوط الانضغاااااااااااااااااط
تمام ..
شوط الانضغاط دا اساسا كرتبط بنسبة الانضغاط بتاعة المحرك c.r. وبتتكتب بحروف كبيرة مش صغيرة علشان الانجليز ما يزعلوش مننا .
الحمد لله
بدأنا نشوف حاجه من اللى كنا بنتكلم عليها بدل الكلام المعقد اللى كنا بنقوله
ايه دا انا سامع اذان العشاء يبقى نتقابل بعد الصلاه ان شاء الله
بس اوعدكم الموضوع طويل قوى
ولسه فيه معلومات كتير
ربنا يقويكم على العبد لله والكلام الكتير اللى بيقوله .
فى امان الله .
ماشاء الله عليك يا /حســــــــــــــــام
جزاك الله عنا خيرا
ربنا يباركلك في معلوماتك ويجعلها في ميزان حسناتك
نرجع تانى للجازولين
الجازولين هو مش مركب واحد ولكن مجموعة من المركبات التى يطلق عليها مركبات هيدروكربونية
الاف من الانواع من المركبات الهيدروكربونية
وهى مركبات اساسا تتكون من الكربون والهيدروجين
زى معظم المركبات الاخرى مثل غاز البيوتجاز , ومثل وقود الديزل والسولار والمازوت والكيروسين ووقود الطائرات والخ والخ ,,, كل المشتقات دى تتكون من الاف من المركبات هيدروكربونيه التى تختلف فيما بينها فى عدد ذرات الكربون او بما يطلق عليه طول السلسلة الكربونية
والجازولين يتكون فى الغالب من مركبات هيدروكربونية يتراوح طول السلسلة الكربونية لها من 5 ذرات الى 8 ذرات كربون بالاضافة طبعا الى مركبات اخرى اطول واعقد ولكن نسبتها اقل .
المركبات الهيدروكربونية التى يتكون منها الجازولين تحترق فى وجود الهواء وبشرارة البوجيهات الى ثانى اكسيد الكربون و بخار ماء بالاضافى الى طاقة حرارية تتحول الى طاقة حركية .
ولكن فى الشوط الثانى للمحرك ( شوط الانضغاط ) والذى يتعرض فيه الجازولين بمركباته الهيدروكربونية الى ضغط مرتفع ( يختلف تبعا لنسبة انضغاط المحرك ) فان نسبة من المركبات الهيدروكربونية التى يتكون منها الجازولين تحترق ذاتيا ؟؟؟؟؟؟؟؟؟؟؟؟؟؟
تحترق بسبب الضغط قبل الشرارة الناتجة من البوجيهات فى الشوط الثالث ( شوط الاحتراق ) وعلشان كده سميناه بالاحتراق المبكر ,
بعد ذلك تاتى شرارة الاحتراق من البوجيهات فى الشوط الثالث لتنشأ منها عملية لااحتراق الطبيعية وبالتالى نتجت عمليتى احتراق
الاولى ناتجة من الاحتراق الذاتى لجزء من الجازولين ( لم يتحمل الضغط فى الشوط الثانى والمعروف باسم شوط الانضغاط ) والعملية الثانية هى الاحتراق الطبيعى والذى تم فى ميعاده فى شوط الاحتراق ونظرا لعدم حدوث الاحتراقين معا فانه ينشا تبعا لذلك عدم تجانس يسبب ظاهرة التصفيق (الصفع) (Detonation) والميكانيكي يقولك الموتور يصفق وهذا صوت مثل الصوت الذي تسمعه لو أنك ماشي على الرابع على سرعة 20 كلم/ساعة وفجأة دوست بنزين بقوة تسمع صوت تكتكه هذا هو التصفيق الذي يزيد عندك
وهذا التصفيق ليس صوت تصادمات كما يبدو ولكنه صوت اهتزاز وتذبذب شديد للمحرك وخاصة عمود الكرنك والمكابس وقد يصل في بعض الأحيان إلى كسر عمود الكرنك و التصفيق الكتير يقصر عمر المحرك على المدى الطويل ويأثر بالسلب على البلوف والأويل سيلات (الحوابك والسدادات), بالاضافة الى زيادة في إستهلاك البنزين لأن التصفيق والموجات الناتجة تزيد من فواقد القدرة داخل المحرك
تمام ..
إيه يا عم حسام بتروح فين !!!!!!!!!!!!!!!!
عموما بقى كلما زادت نسبة المركبات الهيدروكربونية والتى تشتعل ذاتيا تحت تأثير الضغط فى الشوط الثانى , كلما قلت جودة الوقود , وبالتالى كلما انخفض اوكتانه
والعكس صحيح .
يعنى الجازولين 95 على سبيل المثال , نسبة المركبات الهيدروكربونية التى يتكون منها و التى تحترق ذاتيا تحت تاثير الانضغاط هى اقل ما يمكن وذلك بالمقارنة بالانواع الاخرى المتوافرة فى السوق المصرى اما الجازولين 80 فهى اقصى ما يمكن .
وبالتالى يمكن القول بان الجازولين 95 يقاوم الاحتراق المبكر ( الذى يتم فى المرحلة الثانية والمعروفة باسم مرحلة الانضغاط) اكثر من الجازولين 92 وبالتالى اكثر من 90 وبالتالى اكثر من 80 وهكذا .
متابع[B][/B]
طبعا المشاوير اللى قلنا عليها او بمعنى ادق الاشواط الاربعة كانت تحدث فى الاسطوانة التى يتحرك بداخلها المكبس او البستم ,
طيب لو رجعنا مرة اخرى الى مشوار الانضغاط ( المشوار الثانى ) هل الضغط داخل الاسطوانة ثابت فى كل السيارات ام مختلف , ولو مختلف ايه السبب , ولماذا تلجأ شركات السيارات الى رفع او خفض هذا الضغط ؟؟؟؟
http://www.carsensation.com/photos/t...l/4-Stroke.gif
خدوا بالكو من رقم 2 ( شوط الانضغاط ) حنلاقى الانضغاط بيحصل وصمامات العادم والوقد مغلقين تماما وبالتالى الضغط بيصل الى اعلى قيمة مع حركة البستم لنهاية مشوارة فى السلندر .
نكمل ولا ناخد رست صغير لبكرة .
ماشي يا باشا ..
وللحديث بقية ..
فيه نقطه معينه لمكان البستم بيحصل فيها الاشتعال لو حصل قبلها او بعدها ننتيجة (سوء البنزين المستخدم - عدم ضبط توقيت الاشعال - عدم دخول كميه مناسبه من الهوا المتمم لعملية الشعال نتيجة سدد فلتر الهواء مثلا - تاخر دخول الهوا او الوقود نتيجة عدم ضبط خلوص الصبابات) و الحاجات دي (engine performance tuning elements ) و ممكن تسخن او تكربن الصبابات او تعمل كربون يخرب الدنيا جوا غرفة الاحتراق و البوجيهات تبوظ بدري لان شمعات الاشتعال بيغطيها الكربون و مبتطلعش الطول المناسب للشراره لان كل سياره ليها بوجيه بيطلع طول شراره معين طبقا لفتحة الاشعال الخاصه بالبوجيه بتاعتها فالبتالي مبتعملش احتراق كامل فالعربيه بتستهلك بنزين اكتر و ممكن يبوظ الموتور مع كتر استخدام البنزين الغير مخصص للعربيه