اضافة رائعة
انت اكيد استاذ فى الحاجات اكتر منى يا احمد باشا
انا عموما بتكلم عن الجزء الخاص بنوعية الجازولين وبحاول اشرحها كيميائيا او فيزيائيا بحكم التخصص .
يا باشا عن تجربه في عربيه سابقه و فكيت موتورها بعد بنزين 80 و بعد 92 و كانت مشكلتي عدم الاحتراق الكامل للبنزين بيعمل كربون على البستم من فوق و بيزود ارتفاع البستم نتيجه ان طبقات الكربون بتبقى فوق بعضها و بتتكون فوق البستم في مكان نزول البنزين فوق البستم و ده طبعا يقلل ال cc بتاع البستم عشان بيبقى فيه طبقه كربون بتعلى البستم و بالتالي مساحة الاسطوانه ككل و بالتالي مكان اشتعال البنزين عمره ما بيزبط و المكنه بتخرف و عشان نزبطها كنا بنحطلها منظف دورة وقود عشان يشيل الكربون الي اتكون على الصبابات و فوق البستم و البوجيهات و كانت بيشيل شويه بس مبيشيلوش كله و عشان كده بلاش حد يحط بنزين غير البنزين الي متصمم على اساسه معدل النضغاط بتاع الموتور في الشوط التالت عشان لو عمل كربون و تراكم لمده هايبقى صعب الموتور يرجع زي ما كان و ممكن ميرجعش ... عشان كده ممكن كل 20000 تحطوا منظف دورة وقود عشان حتى الي بيحط 92 لا قدر الله و المحطه مش كويسه يبقى في الامان
يا عم أحمد انت واجع دماغنا ليه، ما تحط أي حاجة، أقولك، حط عصير قصب وريحنا وريح نفسك هههههه
بصراحة ماشاءالله عليكم
بجد افدتونا بشوية معلومات ماعتقدش الواحد كان ممكن يوصلها من مكان تاني
جزاكم الله خير
ياريت بقى في النهاية نوصل كلنا لحل نهائي وتبقى دي برشامة مسجلة ناخدها معانا لاي محطة بنزين نروحها هههههه
نداء إلى حسام بيه .. فيناااااااااك
دى النقطة اللى وقفنا عندها بالامس .
عموما الضغط داخل الاسطوانة يختلف من موتور الى موتور آخر تبعا لطبيعة التصميم
وهو ما يمكن التعبير عنه بنسبة الانضغاط !!!!!!!!!!!!!
شوفوا يا شباب افضل شئ الفهم , والفهم افضل من الحفظ وهو ما يبقى فى الذاكرة .
لو سألنا اى حد من الحافظين عن نسبة الانضغاط حيجاوب وهو مغمض العينين ويقول هى :
حاصل قسمة حجم الإسطوانة بالكامل (الحجم المحصور بين الحد السفلى الذي يصل له المكبس وحافة غطاء الاسطوانة(رأس السلندر)) مقسوماً على حجم غرفة الإحتراق (المحصورة بين آخر نقطة يصل إليها المكبس وحافة غطاء الاسطوانة (رأس السلندر))
نقوم نقوله شكرا جزيلا يا باشمهندس بس احنا محتاجين اساسا حد يفهمنا الثلاث سطور دول وعلاقتهم بالضغط داخل المحرك , طيب الرسم ممكن يوضح اكتر
http://s1.postimage.org/9s7kazeu5/comp_ratio.gif
http://s3.postimage.org/x8gryy2yp/comp_Ratio1.jpg
يعنى بالبلدى نسبة الانضغاك = V1/V2 يعنى كل ما كان V1 اكبر من V2 اى كل ما زاد المشوار اللى بيتحركة المكبس داخل الاسطوانة وبالتالى يزداد الانضغاط داخل الاسطوانة لان المكبس وهو بيتحرك بيضغط مخلوط الوقود والهواء وبالتالى تزيد نسبة الانضغاط .
حضرتك لو عربية زى النيسان صنى موتورها على ما اعتقد نسبة الانضغاط فيه = 9.5 يعنى يوصى بجازولين 92 , يعنى عند نسبة الانضغاط دى لن يحدث احتراق مبكر للوقود اللى هو جازولين 92 , طيب لو حطينا جازولين 95 يبقى برضه نفس النتيجة , لان فى كلا الحالتين لن يحدث احتراق مبكر يبقى لا يوجد علاقة بين رقم الاوكتين كفائة وجودة الاحتراق فى موتور السيارة المحبوبة نيسان صنى .
تفتكروا كده الموضوع خلص
ابدا دا لسه بيبدأ الموضوع فيه متاهات كتير .
امال الناس اللى حاسه ان الوضع اتحسن بعد التفويل بجازولين 95 دى اكيد عندها سبب
هذا ما سنعرفة بعد صلاة العشاء بأذن الله
فاصل ونعود .
عدنا بفضل الله
طيب اذا كان الجازولين 95 يقاوم الانضغاط وبالتالى يقاوم الاحتراق المبكر اكتر من 92 - ومن 90 ومن 80 طيب ليه اصلا الشركات المصممة بتلجأ الى رفع نسبة الانضغاط لمحرك السيارة , ما كان الافضل نقلل نسبة الانضغاط الى الحد الكافى الذى يحترق عندة الجازولين 80 بدون احتراق مبكر وبدون تصقيف او صفع فى الموتور .
السبب يرجع بالطبع الى انه كلما زادت نسب الانضغاط كلما زادت كفائة المحرك وانخفض الفقد فى القدرة والعزم ببساطة شديدة نلاحظ ان المحركات ذات نسب الانضغاط المرتفعة نحصل منها على عز اشد واقوى ومثال ايضا بمحركات الشواحن التوربينية , وقد تصل نسبة الانضغاط فى محركات سيارات السباق الى 15 وافضل كفائة لمحرك عند نسبة انضغاط 17 ولكن المحركات ذات نسبة الانضغاط المرتفعة تتطلب تصميما خاصا وعمرها اقصر من المحركات ذات نسبة الانضغاط الاقل .
صح تمام ..
[justify]هذه بعض النسب التقريبية لكل محرك ونوع البنزين المناسب له:
جازولين 80 لمحرك ذو نسبة إنضغاط 8
جازولين 90 لمحرك ذو نسبة إنضغاط 9
جازولين 92 لمحرك ذو نسبة إنضغاط 9.5 الى 10
جازولين 95 لمحرك ذو نسبة إنضغاط 11
وكلما زادت نسبة إنضغاط المحرك كلما أصبح المحرك يحتاج نوع جازولين أعلى في رقم الأوكتان
و لو أن نسبة الإنضغاط منخفضة مثل أغلب السيارات القديمة قبل موديل 1989 (ليس كلها) وبعض السيارات الحديثة ذات المحركات قديمة التصميم مثل اللادا 2107 وأمثالها فعليك أن تمونها وتعبي التانك بأقل نوع بنزين موجود وأنت مطمئن أنها ستعطي آخر قدرة لها بدون مشاكل .
بمعني أن السيارة اللادا مثلاً موتورها قديم وبالتالي نسبة إنضغاطه منخفضه إذن الأفضل أن تضع له بنزين ذو أقل رقم أوكتاني يعني 80 و لو نسبة الإنضغاط عالية مثل المواتير الحديثة عموما وهذا يكون موضح في الكاتلوج وأعلى نسب إنضغاط تكون في السيارات الغالية مثل المرسيدس والبي إم والسيارات الرياضية أيضاً أو كل سيارة من مستواهم في هندسة المحركات الحديثة .
ولو وضعت بنزين برقم أوكتيني أعلى منه تصبح كأنك ترمي فلوسك في الهواء بدون مبالغة ومن النسب التى وضعتها بالأعلى نختار نوع الجازولين ولو لم يحدد في الكتالوج الخاص بتلك النوعية من السيارات المتقدمة ذات نسب الإنضغاط المرتفعة نوع البنزين الموصى به (إحتمال ضعيف) فعلينا أن نبحث بالكتالوج عن نسبة إنضغاط المحرك أو نسأل التوكيل
[/justify]
تمام أُمال ليه الناس اللي حاطه 95 قالوا السحب اتحسن جدا و وفر معاهم شوية في البنزين ..
طيب يتبادر الى الذهن الآن سؤالان
السؤال الاول
ماذا لو وضعنا جازولين اقل من الموصى به فى كتالوج السيارة ( يعنى سيارة ذات نسبة انضغاط مرتفعة ووضعنا لها جازولين اقل فى المواصفة كانن حطينا جازولين 80 او 90 للنيسان ؟
السؤال الثانى
ماذا لو وضعنا جازولين اعلى من الموصى به فى كتالوج السيارة ( يعنى سيارة ذات نسبة انضغاط منخفضة نسبيا ووضعنا لها جازولين اعلى فى المواصفة زى الحالة بتاعتنا جازولين 95 للنيسان ؟
اجابة السؤال الاول لو وضعنا جازولين اقل من الموصى به سيتعرض الموتور لما يلى :
1- لا تحصل على العزم وعدد الأحصنة المبين في الكتالوج بل أقل منه
2- صوت المحرك يرتفع ومن الممكن أن لا تحس بالفرق بنفسك لكن صوت المحرك سيرتفع بالتأكيد ولو بنسبة ضئيلة
3- قد يحدث في المحرك ظاهرة التصفيق وهو عبارة عن اهتزازات وتذبذب شديد فى المحرك قد يؤدى الى اضرار شديدة على المدى الطويل وتؤثر بالسلب على البلوف والصمامات والاويلسيلات .
4 - زيادة في إستهلاك البنزين لأن التصفيق يزيد من فواقد القدرة داخل المحرك
اما اجابة السؤال الثانى فلو وضعت جازولين اعلى من الموصى به لسيارتك واحسست بان الاداء تحسن فالغالب هو احساس نفسى , وقائم على الاشاعات يعنى انا نعتقد ان الجازولين 95 اغلى وبالتنالى افضل بالتالى اداء السيارة سيتحسن وطبعا لما شرحنا ميكانيزم الاحتراق داخل موتور السيارة فهمنا انه تقريبا من الصعب جدا احتراق الجازولين 92 مبكرا فى شوط الانضغاط , وبالتالى فنفس الاداء لن يتغير فى حالة تغيير الوقود بنوع اعلى الا لو !!!!!!!!! كان الجازولين 92 مش 92 مثلا بل اقل ( نتيجة غش تجارى او خلافه ) ففى هذه الحالة سنلاحظ الفرق فى اداء السيارة وهذه الحالة عموما لن نلاحظها الا فى الافراد اللى بيفولوا من بنزينة واحدة بس واللى فيها معندهمشى ضمير .
وسبب تانى وهو الغالب ان الفارق المحسوس ان لم يكن احساس نفسى فهو ناتج عن اختلاف التفويلة , يعنى احنا احيانا بنكون مفولين تفولتين ورا بعض 92 ونلاقى احيانا العربية ادائها اتغير عن التفويلة الاخرى مع انهم المفروض نفس المنتج والسبب راجع لمواصفة اخرى من مواصفات الجازولين وهو الضغط البخارى .
الضغط البخارى بكل بساطة هو مقياس تحول المادة من الحالة السائلة الى الحالة البخارية .
والجازولين من المواد الخفيفة ذات نسبة تطاير مرتفعة .
وحدود مواصفة الجازولين فى مصر بالنسبة للضغط البخارى فى فصل الشتاء هى 0.7 كجم لكل سم مربع وفى فصل الصيف هى 0.6كجم لكل سم مربع وهى الحد الاقصى الذى لا يمكن تجاوزة
وكلما زاد الضغط البخارى كلما زاد بخر الجازولين وزاد معدل احتراقة او معدل استهلاكة داخل موتور السيارة وبالتالى بزيادة معدل الاحتراق فانه ينتج عنه ازدياد معدل تحويل الطاقة الكيميائية الى طاقة حركية وبالتالى يزداد سحب وعزم السيارة وطبعا تزداد حرارة السيارة ولكن لكفائة وسائل التبريد فى السيارة فاننا لا نشعر بالتغير الحادث .
طبعا زى ما ذكرنا الحد الاقصى للضغط البخارى فى الشتاء هو هى 0.7 كجم لكل سم مربع ولكن بعض الشركات تنتج جازولين ذو ضغط بخارى 0.5كجم لكل سم مربع مثلا وبالتالى فان معدل استهلاكه منخفض وسحبه اقل وتختلف ظروف الضغط البخارى طبقا للمكونات المستخدمة فى خلط وانتاج الجازولين ةالناتجة من معامل التكرير والموضوع دا معقد ومش عايز ادخل فى تفاصيله لانه حياخد وقت طويل فى شرحة .
ويمكن سبب اختلاف الضغط البخارى هو سبب ان لما شخص بيحسب معدل استهلاك عربيته يلاقيه مختلف على الرغم من ثبات نفس الظروف .
احب انهى الموضوع بتخليص الناس من بعض الاشاعات الغير سليمة اطلاقا
الكلام اللى حقوله ثقة وبحكم عملى متأكد منه
اولا : الجازولينال 95 أنظف من الجازولين ال 92 ولا يحتوي على شوائب تقوم بسد الفلاتر وغيره والمفروض كل فترة نحط تفويلة 95 علشان ننضف الموتور والبوابات وخلافه ,
هذه معلومة خاطئة تماما لانه فى الحقيقة ان ظروف انتاج الجازولين سواء 90 - 92 - 95 هى نفسها واحدة يعنى انا مثلا بخلط الجازولين 95 من 3 مكونات وهى الريفورمات - والايزوميرات - النافثا , نفس المكونات هى اللى بنخلط منها 92 و ال 90 وفى نفس محطة الخلط ونفس المواصفات الفنية الاخرى فيما عدا الرقم الاوكتينى , والفرق بس بيتلخص فى نسب المكونات السابقة , وبالتالى لا يوجد فرق بين 92 & 95 من حيث النظافة او الشوائب .
الفرق بي بيحصل فى ظروف التخزين فى البنزينة , ودى ليس لها علاقة بنوع البنزين يعنى ممكن جدا تلاقى بنزينة عندها 95 فيه شوائب نظرا لسوء ظروف التخزين .
الاشاعة الثانية : أن الجازولين منخفض الأوكتان مثل 80 أو 90 مضر بالبيئة أكثر من البنزين ال 95
وهذا كلام لا أساس له من الصحة لأن الجازولين كله حاليا خالي من الرصاص ومركباته واحدة مع اختلاف نسب المكونات في كل نوع زى ما ذكرنا سابقا .
الاشاعة الثالثة :أن الجازولين منخفض الأوكتان مركباته ومكوناته تسبب ضرراً شديداً للرشاشات في حالة السيارات ذات الحقن الإلكتروني أو يضر الصمامات (البلوف) أو أي أجزاء أخرى للمحرك
وهذا أيضاً كلام خاطيء جازولين 80 مثل بنزين 95 في تأثيره على أجزاء السيارة والمشكلة فقط فى حالة استخدام جازولين اقل من الموصى به طبقا لكاتلوج السيارة
الاشاعة الرابعة :أن الجازولين فى مصر اقل جودة من الدول الاوربية او الخليجية والواقع ان الجازولين فى مصر من انظف وافضل انواع الجازولين فى العالم ومصنع طبقا لافضل المواصفات العالمية , ومواصفات السوق المحلى هى نفس مواصفات التصدير للدول الاوربية لما مصر كانت بتصدر جازولين من 6 سنوات تقريبا قبل ما نتحول لدولة مستوردة للجازولين .
انا تحت امركم فى اى اسئلة او استفسارات فى اى نقطة .
متفق مع حضرتك في كل كلمة قلتلها لكن ليا تعقيب بسيط
أولا موضوع الضغط البخاري ناس كتير مش هتفهمة وعشان كده انا قلت الكفائة الحراريه تسهيلا للموضوع
تاني حاجة هل هيحصل فرق في السحب أو لأ نظريا لأ لكن في الحياة العمليه فيه بعض الشريكات بتعمل حاجة بتخلي البنزين يفرق أنا مقرتش كتير عنها لكن في فيات مثلا (لإنها عربيتي وقريت عنها كتير) العربيه بتدي 120 حصان مع بنزين 95 و128 تقريبا مع بنزين 98 بمعنا تاني العربيه أفضل أداء ليها مع ال98 لكن عشان الناس تقدر تحط ال95 (الي هو أقل حاجة في أوروبا) بيعملوا دواير الكونترول بالإستعانه بيسينسورات إنها تعمل adaptation لكهربه الموتور وكميه البنزين للهواء وكل الكلام ده إنها تشتغل على 95 بدون ضرر لكن لما يتحط اعلى بترجع تظبط الدنيا تاني على الاوكتان الأعلى وبالتالي بتدي قدره أعلى
أيوه تربو
وطبعا هة بيلعب في الضغط عشان يلائم نوع البنزين لكن فيات حتى العربيات الأعلى من القا روميو ال2لتر من غير تربو نفس الكلام!
بما ان العربية تربو فتفسير اللى انت ذكرتة مكتوب فوق
عموما محركات التربو بتحتاج ضغط عالى جدا وبالتالى تحتاج وقود يناسب هذا الضغط ويتحملة وطبعا اكيد هو مصمم لجازولين 98 زى اللى فى اوروبا ومش موجود فى مصر
طيب احنا بنشغل الموتور هنا بجازولي 95 وفى الحالة دى حيحصل اللى ذكرته فى رقم 1 وهو اننا لا تحصل على العزم وعدد الأحصنة المبين في الكتالوج بل أقل منه وطبعا الاقل منه اساسا مذكور فى الكاتلوج عند حضرتك .
وطبعا دواير الكونترول ولااستعانة بيسينسورات بتعمل adaptation لكهربه الموتور وكميه البنزين للهواء وكل الكلام ده علشان تشتغل على 95 بدون ضرر كل ده بيخلى العربية تشتغل على جازولين 95 بدلا من 98 واعتقد كل دا بيأخر وقت دخول الشرارة ,
بما أننا أخرنا توقيت الشرارة فستحدث الشرارة في غرفة الإحتراق بعد بداية نزول المكبس لأسفل بقليل وكأننا كبرنا حجم غرفة الإحتراق وقت خروج الشرارة
وفي النهاية كأننا خفضنا من نسبة إنضغاط المحرك وقت خروج الشرارة
والخلاصة أننا جعلنا نسبة إنضغاط المحرك منخفضة بحيث تقبل نوع بنزين ذو رقم أوكتان منخفض مثل بنزين 95 بدلا من 98 اً
بالطبع فإن هذا الحل سيقلل من كفائة السيارة وسحبها بنسبة بسيطة زى ما حضرتك ذكرت و لكنها مقبولة في سبيل التوفير لمن يفرق معاه هذا التوفير او مضطر اليه زى حالتك لعدم وجود 98 بمصر وكذلك هو مهم في بعض البلاد غالية أسعار البنزين مثل اوروبا وامريكا
حيث أن الفقد في الإستفادة من البنزين الناتج عن تأخير توقيت الشرارة سيكون أقل من فرق السعر بين نوعي البنزين
وللعلم فبعض السيارات الحديثة بها ما يسمى بحساس الأوكتان أو حساس التصفيق وهذا الحساس له فائدة عظيمة حيث يقوم بالتعرف على نوع البنزين المستخدم ومن ثم يقوم آلياً بضبط توقيت الشرارة لتلافي حدوث أي تصفيق يعنى بيعمل ADAPTATION اللى انت ذكرته ولكن بطريقة اوتوماتيكية
أنا مع حضرتك بس الغريبه إنه مش في عربيتي بس يعني بعض المواتير الأعلى من غير تربو بردوا عامليين فيها الكلام ده غالبا عشان أسعار البترول زي ما حضرتك ذكرت فوق
سؤال بس يا حسام بيه : إنت بتعترف بحاجة اسمها منظف ingection ؟؟؟ و هل ليه لازمة ؟؟؟
انت يا احمد عربيتك موديل 2010 اعتقد كيلواتك قليله مش محتاجة منظف انشكشن واعتقد انت لو استخدمته مش حتحس بفرق , المفروض بتستخدمه لما تكون عامل كيلوات كتير او لما تحس ان العربية مخنوقة
لكن فى الحقيقة انا ما اعرفشى آلية عملة ايه او بيشتغل ازاى ,