الموضوع: معايا 14 الف ...اشترى ايه؟

السلام عليكم إخواني
أنا بقى جربت الـ 127 التوب الألماني والـ 128 موديل 80 وجربت البولونيز..
بصراحة كانت مشكلتي مع الـ 127 و الـ 128 أني قاعد في منطقة أرضها صعبة جدًا، وماينفعش معاها عربية ضعيفة... فلما قررت أجيب البولونيز لأن الكل شكر في قوة عفشتها.. وفعلاً كان ليا الفخر أني امتلكت هذه المدرعة الملاكي كما أطلقت عليها.. وهي فعلاً لو في عربية بولونيز حالة نظيفة جبها وهي مش هتتعبك إن شاء الله.. أنا كنت بأقطع بيها ساعات 100 كيلو في اليوم.. وكانت والله العظيم ماتكسفنيش في طريق بس أهم حاجة تكون مظبطها وإيدك فيها.. أما بخصوص موضوع المشاكل إللي في الموتور.. هو مشكلته أن صوته عالي لأن سير الكاتينة جنزير وليس كاوتش، وأنا محستش بالموضوع ده لأن عربيتي كانت فيها مكنة عربية 132 الـ 1600 وكنت مخليها ناعمة جدًا ومتسمعلهاش صوت وهي دايرة..
الميزة بقى في البولونيز عفشتها قوية جدًا وبتقعد فترة طويلة وممكن تحمل فيها 6 أفرد وتمشي وتطلع كباري زي الفل
وفي ميزة تانية أنها على أد فلوسك فعلاً يعني ممكن تلاقي بولونيز موديل 87 في حدود 14000 بس محتاج تدور كويس

المشاركة الأصلية كتبت بواسطة eng_nabil707

متشكر ليكم جميعا على اسداء النصيحة
وشكرا ليك يا استاذ misoalex ع ردك الوفير وفعلا انا لا يناسبني اطلاقا 127 ومتخوف من ال 132 لاني سمعت ان قطع غيارها هي قطع غيار البولونيز وده سر شغلهم معنى كده ان ال 132 بينقرض ... وطبعا مفيش 124 سليمه واللي كويس منها مبيفرطش صاحبها فيها
البولونيز كتير خوفوني منها لانها لا تباع ولا تشترى
الادا ممتازه وكنت بفكر فيها بس قالولي اعاده بيعها ضعيف واتعرض عليا مو 93 ب 14 وفيها اجزاء راشه بره بس مش كلها ومن جوه فابريكه فهل في ملعوب ما في العربيه دي لان كلام حضرتك ان السعر ده يجيب تمانينات !!
انا عارف ان الفلوس حكماني بس هقولك ايه انا بمد رجليا ع قد لحافي
في انتظار مشوره حضرتك وباقي الاعضاء

يبقى خليك فى الادا

ولو ال 93 بالسعر ده فكويس جدا جدا جدا بس اكشف عليها كويس
عموما اسعار المستعمل نزلت اليومين دول

ومتسمعش اللى يقولك بيع اللادا صعب مين قال كده اللادا مطلوبه وناس كتير بتحبها بس فيه ناس مش بتحبها عشان قديمه وناشفه

دور وان شاء الله تلاقى حاجه تناسبك وكده الاختيار الافضل باالنسبالك على كلامك الادا

بيجو 305 بشرط حالة تكون ممتازه وبيتى ولازم تتعامل مع ميكانيكى بيجو محترم واعتقد ان ممكن تلاقى بالسعر ده بس متستعجلش وتجيب عربيه تعبانه يبقى هتتعبك اوى

ستروين ax او لادا سمارا في منها 1300 و1500 سي سي بس اللادا اعتقد اغلي شويه

131 كوبيه (2 باب ) بتعمل في حدود 11-13 الف حسب الحاله موديل من 76 ل 80
سعرها نازل عشان الابواب و الكرسيين الي قدام قليل اما تلاقيلهم قطع غيار
غير كدا عربيه محترمه جدا و ماتفرقش اي حاجه عن ال 131 العاديه

غير كدا و اسهلك بردو تجيب لادا او بلونيز
بس حاول ماتشتريش بكل الي معاك لان اي عربيه مستعمله لازم تصرف في الاول

لادا و الله فعلن هى الهتستحملك