دخنه من الشكمان

**shgashga** · 27-12-2011 07:22 PM

ربنا يبارك فيك دايما بتجيب من الاخر وهي دي معلومه جديده جدا يا باشا بدل ما الواحد يقعد يفكر في الدخان لونه ايه وحاجات كتير الواحد بيتوه فيها متشكر يا هندسه
طيب مش المفروض ان العربيه تبطل لما اقفل فتحه الشكمان هل ده معناه ان الشكمان مخروم
وكمان سؤال يا هندسه انا العربيه عملت معي مره مادرتش من اول تكه ولازم اسند بنزين لها عشان تدور ولو مادوستش تبطل فغيرت الايدل كنترول لها وبعدين عملتها تاني بس مش عالطول مره تعملها وممكن متعملهاش والكلام ده الصبح بس لاكن طول اليوم بتدور زي الفل وهل التدوير عن طريق سنده البنزين ده غلط علي الموتور ولا عادي معليش ولت عليك اصل مش كل مره بنتشرف برد سعادتك يا هندسه

**MMamdouh** · 28-12-2011 03:11 PM

المشاركة الأصلية كتبت بواسطة shgashga

طيب مش المفروض ان العربيه تبطل لما اقفل فتحه الشكمان هل ده معناه ان الشكمان مخروم

نظريا بس بعد مدة كبيرة جدا... كبس المكنة قوى و هيفضل يضغط العادم فى الشكمان مدة طويلة اوى لحد ما العربية تتخنق و تبطل و دة صعب اوى تقدر تحققة بايدك

وكمان سؤال يا هندسه انا العربيه عملت معي مره مادرتش من اول تكه ولازم اسند بنزين لها عشان تدور ولو مادوستش تبطل فغيرت الايدل كنترول لها وبعدين عملتها تاني بس مش عالطول مره تعملها وممكن متعملهاش والكلام ده الصبح بس لاكن طول اليوم بتدور زي الفل وهل التدوير عن طريق سنده البنزين ده غلط علي الموتور ولا عادي معليش ولت عليك اصل مش كل مره بنتشرف برد سعادتك يا هندسه

المفروض العربية تدور من غير سندة البنزين... هو مش غلط فى حاجة بس دليل على ان فيه حاجة غلط

غالبا الرشاشات تسيل سنة

MMamdouh