من 3 اسابيع حطيت بنزين 92 ..لكنه فعلا تقريبا بنزين 62
العربيه لقيتها بتكركر ..و سحبها مخنوق جدا
و بتجيب 160 بالعافيه ..و مش بتعديها
و استهلكت البنزين بسرعه الصاروخ
بعدها قمت جايب منظف دوره بنزين ..و مفولها ..
اتحسنت بنسبه 20 %
والاستهلاك عالى بردو ..
حطيت منظف تانى و فولت تانى ..اتحسنت بنسبه 70 %
و مش راضيه تتحسن بقى عن كده ..لحد دلوقت فولتها ييجى 5 مرات ..برده سحبها مش عاجبنى
و بتكركر و هى طالعه ...و لما اكون قارص عليها ..و انقل ..تقوم مكركره فى اول الغيار
و بتكركر دايما لما يكون الار بى ام من اول 1 لحد 2 ..الحته دى بقى كركره و فرفره و كل حاجه
اتغاشمت بقى عليها وانا مسافر مره ..و قرصت عليها قرص السنين ..اتظبتت يومين ...و رجعت للحشيش تانى ..قصدى للكركره تانى
الحلول المطروحه من بعض الناس :
1-افضى التانك على اد ما اقدر و افولها 95 (و استعوض ربنا فى جيبى)
2-استمر مع المنظف و "ان شاء الله " تبقى كويسه
3-سوق بالراحه و روح التوكيل بسرعه لا تجيب منك جوان وش سلندر (الى قال كده قطعت علاقتى معاه)
4-منظف رشاشات (الى قال كده قالها و هو بيبص للسما فى نظره متأمله ..و مرضاش يفههمنى اعمل بيه ايه منظف الرشاشات ده ولا احطه ازاى)