العربية بتكركر في الساقعة !!!!!

**koko616** · 16-11-2011 01:56 AM

معايا لانسر بومة 2007 اوتوماتيك 1300 سي سي

صحيت انهاردة الصبح في التلج ده عشان اروح الكلية

دورت العربية و سبتها تسخن و طلعت الفوطة الزفرة عشان المع العربية

المهم سبتها حوالي ربع ساعة تسخن لحد ما سهم الحرارة بقى في النص

و كان تانك البنزين عند الربع

مشيت بالعربية و فجأة ألاقي العربية كل ما ادوس على دواسة البنزين ألاقيها بتتهز او بتترج كده رجة غريبة زي ما يكون بتترعش !!!!!!!!!!!!! و بحس بالرعشة تحت رجلي و في الكرسي و اللي جنبي بيحس بيها

قولت يمكن عشان البنزين قرب يخلص ... المهم روحت و اخدت محاضراتي و خلصت و طلعت ركبت العربية الاقي الرعشة بتزييييد :\ .... فروحت البيت

و نزلت بالليل كورس كده و قولت احط بنزين وانا رايح ... ملقتش بنزين .... و وانا راجع اضطريت اروح بنزينة بعيده كده عشان اللمبة كان نورت بتاعت البنزين

فا روحت و مليت التانك 92

الاقي الرعشة هي هي و يمكن بتزيييييد و كمان لما اقرص على الدواسة اوي بحس بصوت غريب كده قبل ما صوت الموتور يعلى ... زي ما يكون صوت رجرجة برضه

و لما امشي على 100 اجي ادوس فرامل الاقي الرعشة بتزيييد اوي و الدركسيون بيتهز

ايييييييه الحكاية انا خايف و مليش في الميكانيكا اوي :(

**bassem_sams** · 16-11-2011 09:07 AM

انا اول ما بتدت اقرأ قولت البرد و رجه يمكن زيت لكن انت طبعا شكيت فى بنزين و ممكن يكون هو بس فى اخر سطرين جالى احساس قوى ان موضوع من كاوتش عايز ظبط زوايا و ترصيص هو كاوتش انت ماشى بيه اد ايه
و فى انتظار اخوة ممكن يفيدوك اكتر منى

**M.Elgergawy** · 16-11-2011 10:31 AM

المشاركة الأصلية كتبت بواسطة koko616

و لما امشي على 100 اجي ادوس فرامل الاقي الرعشة بتزيييد اوي و الدركسيون بيتهز

ايييييييه الحكاية انا خايف و مليش في الميكانيكا اوي :(

دا كدا معناه تنابير

**koko616** · 16-11-2011 11:20 AM

المشاركة الأصلية كتبت بواسطة bassem_sams

انا اول ما بتدت اقرأ قولت البرد و رجه يمكن زيت لكن انت طبعا شكيت فى بنزين و ممكن يكون هو بس فى اخر سطرين جالى احساس قوى ان موضوع من كاوتش عايز ظبط زوايا و ترصيص هو كاوتش انت ماشى بيه اد ايه
و فى انتظار اخوة ممكن يفيدوك اكتر منى

ماشي بيه 47 كيلو

**koko616** · 16-11-2011 11:21 AM

المشاركة الأصلية كتبت بواسطة محمد الجرجاوي

دا كدا معناه تنابير

المفروض اني احدد انهي عيب ازاى ؟؟؟

**bassem_sams** · 16-11-2011 11:50 AM

ممكن حضرتك تروح لميكانيكىيكشف على تيل فرامل و طنابير لأن احتمال كبير تكون هى زى ما استاذ محمد الجرجاوى قال و لو طلع منها يبقى خلاص ممكن تعمل خرط لطنابير او تغيرها و لو طلعت سليمه يبقى تروح تكشف على كاوتش و زوايا لأن افتكر كده انت ممكن تحتاج تغير كاوتش او تبدلهم لأن يستحسن تغير كاوتش من 40 الف الى 60 الف

**M.Elgergawy** · 16-11-2011 12:30 PM

وانت بتدوس فرامل وحسيت برعشة تحت رجلك والدريسكسيون دي كدا على طول من غير تفكير تنابير ودي ترجع لانك بتسيب التيل على الآخر خالص ولو كدا غيرهم بلاش الخرط وبالنسبة للكاوتش لو دا كاوتش الفابريكة ( التورانزا ) ممكن يكمل معاك لغاية 70 الف وممكن اكتر وبردوا حسب الطرق بتاعتك وطمنا عملت ايه وممكن بردوا تبص على الزوايا زي ما استاذ باسم قال

**HeMa_LanCeR** · 16-11-2011 07:59 PM

انت شايل ترموستات الكوعة؟

**egyptiandiver** · 16-11-2011 08:12 PM

تيل فرامل و طنابير

**SASA3** · 16-11-2011 08:31 PM

المشاركة الأصلية كتبت بواسطة محمد الجرجاوي

وانت بتدوس فرامل وحسيت برعشة تحت رجلك والدريسكسيون دي كدا على طول من غير تفكير تنابير ودي ترجع لانك بتسيب التيل على الآخر خالص ولو كدا غيرهم بلاش الخرط وبالنسبة للكاوتش لو دا كاوتش الفابريكة ( التورانزا ) ممكن يكمل معاك لغاية 70 الف وممكن اكتر وبردوا حسب الطرق بتاعتك وطمنا عملت ايه وممكن بردوا تبص على الزوايا زي ما استاذ باسم قال

+1111111111111

الكلام ده حصل معايا قبل كده و كان فعلا التيل خلص و بدات تاكل فى الطنابير لحد ما اتنحلت و غيرتها باستيراد تانيين و تغير التيل و شكراا عىل كده
روح بس لعفشجى و خليه يطلع يجرب و هو يقولك على الى فيها و تكون بسيططة ان شاء الله

الموضوع: العربية بتكركر في الساقعة !!!!!

LinkBack

أدوات الموضوع

عرض

-

-

-

-

المواضيع المتشابهه

تدوير العربية فى الساقعة

الجيران الساقعة

العربية بتكركر بعد rpm 3000

زجاجات الحاجة الساقعة المعاد تعبئتها

هى العربية " فيرنا " بتكركر في الغيار التانى ليه ؟

الكلمات الدلالية لهذا الموضوع

المفضلات

المفضلات

ضوابط المشاركة