الموضوع: محتار بين ميجان 1 موديل 2000 و كليو هاتش باك موديل 2003

محتار بين ميجان وان موديلات 99 الى 2001 السعر فى السوق الف 37 مانواال و 41 اوتوماتيك ده لو حالتهم ممتازه بس انا مرعوب من قطع الغيار فى المستقبل
الاوبشن التانى اللى بفكر فيه كليو هاتش باك موديلات ما بين 2001 الى 2004 السعر يتراوح ما بين 35 الف الى 42 الف ناس كتيره شكرو فيها وقطع غيارها مش بطاله معتدله يعنى بس عيبها انها قليله جدا فى السوق ونادر لما حد يعرضها للبيع ا
انا قاصد الموديلين دول بالذات عشان كانو فرنساوى مش تركى
بالله عليكم عايز مساعدتكم معايا اجيب ميجان وان ولا هاتش باك

ربنا يكرمك بواحده كويسه
فى حاجه كمان لو صاحب العربيه محافظ على الصيانات الدوريه وبيصلح فى مركز وورش رينو تبقى لقطه وابقى اسئله على الفواتير سواء بالصيانات الدوريه او التصليح
عاما للعلم فى صيانه دوريه كل 10 الاف كيلو بتغير زيت وفلتر زيت وفلتر بنزين بتتكلف 500ج
وفى صيانه كل 20 الف كيلو بتغير زيت وفلتر زيت وبنزين وتكييف وبوجيهات بتعمل 700ج
وفى صيانه كل 60 الف بتعمل كل اللى عملته فى صيانه 20 الف + تغيير سير كاتينه + طرمبه مياه+ سير دينمو وسير تكييف ديه بتعمل 1500ج
ومتنساش تسئل صاحب العربيه عن العجل عمل كام كيلو تقريبا خد بالك ان العجل اخره من 55 الف الى 60 الف كيلو والاربع فرد ب 1500ج احسن نوع
ديل الفرامل احسن نوع بالمصنعيه يعمل 250ج بيعد ما بين 25 الى 30 الف كيلو مهم برده تسئله عليه
واخر حاجه مش هأكد عليك موضوع كشف بالكمبيوتر ده بيفضح اى خبايا موجوده فى العربيه
وبالتوفيق يا باشا ولو عايز اى حاجه تانيه انا تحت امرك