الموضوع: حد يعرف مكان تعليم القيادة التابع لمحافظة القاهرة

حضرتك قصدك مدرسة تعليم المرور اللي بتبقى في إدارة المرور نفسها ..
دي بتبقى في إدارة المرور نفسها اللي بيطلع منها التراخيص و تقريباَ التقديم ب 150 أو 160 جنيه تقريباَ ..
:):)

المشاركة الأصلية كتبت بواسطة mohamed el hussien

بوص يا باشا
انت تروح مجمع التحرير
مش فاكر تطلع الدور الكام كدة
وتسأل هناك وتحجز وتدفع فلوس هناك

وبعد كدة يحددوا الميعاد معاك علي حسب الزحمة

هو فعلا كان في مجمع التحرير..
بس كان في الدور الارضي.. تدخل الطرقة اللي علي الشمال..
و تمشي فيها لحد الاخر..و تدخل شمال تاني..
الباب او الشباك قبل الاخير علي الشمال برضه.. هو مجمع كله شمال.. :)
اسأل هناك علي شباك او اوضه مدرسة المرور..
من 6 سنين لما اشتركت فيها كانت ب 150 جنيه.. مش عارف دلوقتي بكام..

هتنزل بالعربية فين.. عند سور مجري العيون..
وانت رايح من السيدة عائشة علي الفسطاط.. هتدخل الشارع يمين اللي عند الاشارة.. اللي حنب السور نفسه..
او لو انت جاي من الكورنيش.. هيبقي السور علي يمينك..
المكان هناك لو انت جاي من صلاح سالم هيبقي اول او تاني شارع يمين علي ناصيته كشك كده او محطة اوتوبيس..
اسأل هناك علي جراج المحافظة..
بس ملاحظة اخيرة..
العربيات اللي بيعلموا عليها الناس هناك مش كلها كويسة.. في منها عربيات نص نقل..
و المصيبة ان في من العربيات دي عربيات خردة.. لا تصلح للتعليم نهائي..
لو ولع حظك في عربية من دول اوعي اوعي ترضي ترمبها.. عشان لو رضيت هتكمل بيها و مفيش تغيير.. روح اشتكي..
و اعمل مشكلة لحد ما تجيبك عربية جديدة..

انا عن نفسي كان ليا معاهم ايام سودا..
وقعت في عربية موديل قديم 30 سنة ورا..و كانت خردة.. مفيهاش مرايات..
ومفيهاش كونتاكت.. كنت بادورها بسلكتين زي الحرامية..و مكانش فيها انوار خالص..
و الدركسيون مبوش نص لفة علي الاقل..و فرامل تعبانة و خالة ..
خلي بالك الله يرضي عليك.. عشان لو انت رايح مش بتعرف تسوق من قبلها.. انسي.. مش هتعرف تتعلم ع العربيات الخردة..

إيه د ة يا جماعة إحنا عندنا في طنطا في إدارة المرور ..
:):)

المشاركة الأصلية كتبت بواسطة CAMARO

لإيه د ة يا جماعة إحنا عندنا في طنطا في إدارة المرور ..
:):)

يا جدع انت شككتني في نفسي.. :) :) :)
هو طلع كاتب فعلا انه بيسأل علي المدرسة التابعة لمحافظة القاهرة.. :)
انا افتكرت اني خرفت في الموضوع علي فكرة.. :)
هنا الموضوع مختلف.. عشان مش في كل ادارة مرور في مدرسة..
كده هتبقي المدارس اكتر من مدارس ابتدائي.. :)

المشاركة الأصلية كتبت بواسطة Ahmad Allawy

كده هتبقي المدارس اكتر من مدارس ابتدائي.. :)

جامدة أوي منك الحتة دي يا MAN ..
و يا ترى هتبقى مدارس من إياها من اللي بتجيب ال ...:arghh:... إياها برضه ..
:):)

المشاركة الأصلية كتبت بواسطة CAMARO

جامدة أوي منك الحتة دي يا MAN ..
و يا ترى هتبقى مدارس من إياها من اللي بتجيب ال ...:arghh:... إياها برضه ..
:):)

'

اكيد طبعها يا باشا.. مش مدارس في مصر..؟؟
يبقي اكيد هتكتسب صفة بقية المدارس..