الموضوع: استشارة فى اجازة اسبوع عسل

ماليزيا هتتبسط فيها جدا لكن اسبوع فيها مش كفايه خالص محتاج حوالي 10 ايام على الاقل

لكن الفكرة مش فكرة تكلفه كل رحله و كل بلد لأن الموضوع متوقف على تذاكر الطيران و الفندق اللى هتقعد فيه
يعني بمعنى اصح انت لازم تحدد ميزانيتك القصوى الاول و على هذا الاساس ممكن نتكلم و نشوف تقدر تدبر الميزانيه دي في المكان دا و لا لأ

تركيا يكفيها 5 ايام و طبعا هتكون اقلهم تكلفه
انصحك بردو تضع في اعتبارك دبي و ممكن تأجلها للشتا عشان الجو يكون حلو زي اليومين دول بدل ما تتسلق في الجو هناك و كمان ممكن في يناير بيكون هناك مهرجان التسوق

حاجة تانيه انت لازم تحدد نوع الاجازة اللى انت عايزها لتجديد شهر العسل

هل هوا استجمام و استمتاع بمناظر طبيعيه و كدة و لا انت عايز فسح و تنتيط و خروج

كل الحاجات دي هتفرق جدا في الاختيار
يبقا نصيحتي ليك اولا قولنا ميزانيتك القصوى كام في الرحله دي؟
طبيعه الرحله عايزها تكون ايه ؟
و على هذا الاساس يكون في نصيحه ان شاء الله

بالتوفيق ليك و طبعا كويس جدا انك بتفكر في الموضوع من دلوقتي بحيث تقدر تحجز طيران و فنادق بسعر كويس
في انتظار ردك عشان نكمل :))