نتيجه الكشف ف التوكيل على فيكترا 2008 ...التقرير

**rozzario82** · 04-01-2012 04:00 AM

انا رحت الحرفيين اشوف ايه اخبار قطع الغيار واشوف راى الناس هناك المهم سمعت كلام من واحد فنى ف الاوبل زى الزفت ف العربيه دى(فيكترا سى) قالى ايه وداك ليها قلتله ايه مشكلتها قالى دى عربيه معيوبه ف كل حاجه!!!!! وقطع غيار مش موجوده

المهم قفلنى والحمد لله ورحت لواحد تانى بيبع قطع غيار الفيكترا اسمه الوطنيه قالى ان العربيه دى بلاش منها وشفلك اوكتافيا انضف

صباح القفلان ..يعنى

**dr_medoo** · 04-01-2012 04:32 PM

صباح القفلان من العربيه ديه انا برده وانا بكشف على عربيه فى التوكيل الفنى قالى برده باللفظ انا مش عارف ايه الى خلاك تفكر فى العربيه الفيكترا بالذات هى كركوبه حلوة انما كقطع غيار ومصنعيه مش حلوة خالص ياريت تشوف حاجه تانيه علشان هتغلبك شويه

ثانيا العربيه الى انت شوفتها ديه انا شوفتها هى عربيه حلوة بس صاحبها مغلى فى سعرها ومش راضى ينزل عن 104 خالص مع انها هتصرف عليك حوالى 4000 بس هو بيقولك هى العربيه حلوة بس هو مش راضى ينزل خالص من سعرها وانت عملت معاه ايه ووصلتها لكام

**rozzario82** · 04-01-2012 04:58 PM

المشاركة الأصلية كتبت بواسطة dr_medoo

صباح القفلان من العربيه ديه انا برده وانا بكشف على عربيه فى التوكيل الفنى قالى برده باللفظ انا مش عارف ايه الى خلاك تفكر فى العربيه الفيكترا بالذات هى كركوبه حلوة انما كقطع غيار ومصنعيه مش حلوة خالص ياريت تشوف حاجه تانيه علشان هتغلبك شويه

ثانيا العربيه الى انت شوفتها ديه انا شوفتها هى عربيه حلوة بس صاحبها مغلى فى سعرها ومش راضى ينزل عن 104 خالص مع انها هتصرف عليك حوالى 4000 بس هو بيقولك هى العربيه حلوة بس هو مش راضى ينزل خالص من سعرها وانت عملت معاه ايه ووصلتها لكام

هو انت شفت العربيه دى يعنى قعدت معاه ورحت بيها التوكيل اللى ف الطيران هو انت من الشرقيه؟؟ لانه قال ان فيه واحد من الشرقيه عاوزها وخدها التوكيل هو ده انت؟ ولا واحد تانى ؟؟

**احمد فهمى** · 05-01-2012 02:40 PM

للأسف يا رجاله الصنايعيه والبهائم فى مصر لما ميفهموش فى حاجه تبقىي الحاجه وحشه يعنى مش هم اللى بهائم والله لو اى حد فاهم ميكانيكا او كهربا بنسبة حتى 20% هيعرف ان الفيكترا سى اقل تكنولوجيا وابسط من اى عربيه وقطع الغيار موجوده عند سرور اصلى وتيوانى عادى جداً وسنه كده وهتلاقى التقطيع مرمى فى كل حته والأيزى ترونيك يا عم خالد يا ملك الاشاعات بينزل بره فى فيكترا برضو فى تركيا وكام دوله كده وانا بصراحه بعتبر فكرة الايزى ترونيك عبقريه جدا وفعلاً تم تعميم النظام فى عربيات كتير 2012 وطبعاً مشكلة الناس انها بتسأل ميكانيكى مبيعرفش انجليزى اصلاً وبتطلب منو معلومه عن عربيه ممكن تجيبهالو فى يوم وتقولو شوفلى المشكله دى وطبعأ ده اضعف الايمان هيحتاج جهاز اقل سعر له فى كشف الاعطال بالاف واضافه انو حتى لو ببلاش مش هيعرف يستخدمو المهم اللى عايز يشترى اوكتافيا عربيه اكيد كويسه وليها برضو مشاكل زى اى عربيه وانا لحد دلوقتى مش فاهم يعنى ايه فتيس مستعمل ب17 الف جنيه ولمى يقل فى السوق يطلع ل20 الف وقطع غيارها الخارجيه اكيد رخيصه ولا تقارن بالاوبل لأنها مش المانى وشكل قديم وفانوس الفيكترا التيوانى العادى ب450 جنيه وما يفرقس عن الاصلى بتاع الاسكودا والاصلى ب 1000 جنيه العادى المهم الفيكترا ليها ناسها وعلى فكره نفس الكلام على الفيكترا كنت بسمعو من الناس سنى 1999 وانا بشارى الفيكترا بى فعادى الكلام اللى بيتسمع ده