نتيجه الكشف ف التوكيل على فيكترا 2008 ...التقرير

**SYD** · 01-01-2012 01:03 PM

المشاركة الأصلية كتبت بواسطة khaled ayman

يا جماعه العربيه جميله جدااا بس الفتيس من وجهه نظري فاشل ..لاني بحس بكل غلطه و بكل تصرف خاطئ الفتيس بيعمله ...و دي حاجات ملهاش علاقه فتيس سليم او بايظ ..ده سيستم الفتيس ماشي عليه ..وعلي فكره العربيه عمرها ما هتنقل من الاولاني قبل 3 ار بي ام مهما كانت الظروف :) الا اذا كنت ع المانيوال موود

لما قولت الكلام ماخلصتش من الهجوم
وازاي تقول علي الفتيس فاشل
انت مش بتفهم
يا جماعة دة كلام صاحبها وانا مجرد بنقل خبرته معاها
لا
هو مش بيفهم في الفتيس

وهجوم عليا مع اني ماركبتهاش ومجرد كنت بنقل تجربة

والله المستعان
،
،

**KHALED AYMAN** · 01-01-2012 01:26 PM

المشاركة الأصلية كتبت بواسطة ahmed_fahmy

يا عم خالد يا ملك الفتى انا جربت عربيتك ولا بترزع ولا غيرو ولعلمك انا عربيتى بتنقل عند 2.8 مش 3 وانت اللى بتتحكم وانا عارف مشكلتك يا افندى وهى كانت مشكلتى من فتره ان عندك عربيه تانيه اوتوماتيك عادى مش ايزى ترونيك وده اللى عامل اللخبطه لو سوقت الفيكترا بس مش هتحس بأى مشاكل حتى لو سوقت معاها عربيه مانيوالعادى وبعدين يا افندى انت عامل 120 الف بيها و70% من الاوكتافيا والباسات والجيتا جابو فتايس وانت اخرك ممكن تغير اسطوانه مديسك جداد ب1200 جنيه ترجع العربيه زيرو وارحمنا يا عم انا لو مكنتش سوقت عربيتك كنت صدقت

يا كبير مهو الرزع مش مستمر يعنى ..بس اوقات كتير تنقل و تعمل خبطه صغيره كده ..لو مش مركز مش هتسمع ..
بلاش دى ..صوت التكه و هى بتنزل من التانى للاولانى ؟؟
و العربيه بتمسك فى الارض كده لو جات تسقط من 2 ل 1 وانت دايس ..
مش اوقات بتيجى تاخد تانى تلاقى السحب انتقل الى رحمه الله 5 6 ثوانى ...و بعدين تبدأ تسحب ..
واوقات تيجى تنقل على r ترزع ..
الحاجات دى كلها "اوقات" وانا بكره العربيه الى ماشيه بنظام "اوقات" ..انا بحب نظام و الدنيا تمشى عليه ...انا على فكره بقالى شهرين محطتش رجلى فى الفانتازيا ..ركبتها مره ادخلها الجراج معرفتش اسوقها اصلا !!وكنت هدخل فى العمود مش الجراج

المشاركة الأصلية كتبت بواسطة SYD

احسن مشاركة قاريتها في الموضوع دة

مقارنة تفصيلية بين الفيكترا والأوكتافيا

طب تعرف حضرتك كمان ان الي ركب اوكتافيا وجيتا بيشكر بردو في الأوكتافيا وحبها اكتر من الجيتا

ربنا يباركلك في الأتنين

والله المستعان
،
،

ربنا يخليك يا باشا ..فعلا الناس بتشكر فى الاوكتافيا عن الجيتا من الناحيه العمليه بالذات ..

**dr_medoo** · 01-01-2012 05:24 PM

بصراحه يا جماعه انتو لخبطته الراجل
وانا اتلخبطت معاه عاوز اعرف حاجه دلوقتى واحده بس انا لو عاوز اجيب اوبل ممكن لو حصل حاجه اعرف اصلحها بره والقى قطع الغيار بتاعتها فى الحرفين ولا هطر اروح التوكيل وابقى تحت رحمته لانى بصراحه شوفت عربيه وخلاص كنت مقتنع بالاوبل بس فى فنى هناكفى التوكيل قفلنى من الاوبل علشان قطع الغيار غاليه وخصوصا اغلى من اليابانى بكتير وقالى باللفظ انت ايه الى خلك تفكر فى الاوبل مع انى شايف ان الاوبل عربيه محترمه جدا بس انا خايف من حكايه قطع الغيار ديه على الاخر

**KHALED AYMAN** · 01-01-2012 05:34 PM

انا هحتفظ برايي لنفسي

**Ahmed_lol2007** · 01-01-2012 05:35 PM

هقول لحضرتك على حاجة بما إن كان معايا فيكترا b
العربية لو إهتميت بيها هتهتم بيك غير كدة هتطلع عنيك
بالنسبة لقطع الغيار هيا فعلا أغلى من الكورى واليابانى بس بتعيش عن الكورى واليابانى
غير كدة يكفى إن اللى ركب عربيات أوروبى وشاف الفرامل بتاعتها عمره مايفكر يركب كورى أو يابانى
(معلش أنا أهم حاجة عندى ف العربية هيا الفرامل)
ومن ساعة ما بيعت الاوبل كل أما أركب عربية كورى أو يابانى بحس إن الفرامل بتاعتها زى العجلة
مع إحترامى لكل مالكيها

**KHALED AYMAN** · 01-01-2012 05:41 PM

طيب يا احمد لما نقارن قطع غيارها بالاسكودا ؟؟

**Ahmed_lol2007** · 01-01-2012 05:48 PM

بص يا خالد
حسب ما أسمع من واحد جارى كان معاه فيكترا a وباعها وكان بيدور على فيكترا b أو سكودا a4
قالى إن هو سأل على قطع الغيار والاتنين كانو زى بعض
غير كدة الله أعلم عشان مش بحب الافتاء
عشان كدة إنت أدرى لانك معاك الاتنين فياريت تقول أمثلة لقطع الغيار الاستهلاكية بين العربيتين a5 و الفيكترا c
تيل فرامل - سيور - فلاتر - كدة يعنى
عشان دى تبقى إفادة كبيرة منك للأعضاء اللى حيرانين بين العربيتين

**dr_medoo** · 01-01-2012 06:04 PM

ليه يا عم خالد لا انا عاوز رايك
هو رايك فى الفتيس انا عارفع انما انا عاوز رايك فى موضوع قطع الغيار خصوصا وانى بفكر فى الاوبل او الانسر الشارك انا عارف ان ما ينفعش اقارن بين الاتنين بس ديه فيها ميزة وديه فيها ميزة وانا كنت عاوز اجيب الانسر واخويا عاوز يجيب الاوبل وبصراحه الواحد اخر ما زهق مش هيجيب عربيات خالص

**KHALED AYMAN** · 01-01-2012 07:28 PM

قطع غيار الاوكتافيا اكتر و ارخص و اما ارجع البيت هقولكو شويه اسعار

-

الموضوع: نتيجه الكشف ف التوكيل على فيكترا 2008 ...التقرير

LinkBack

أدوات الموضوع

عرض

-

-

-

-

-

-

-

المواضيع المتشابهه

الكشف على العربية المستعمله في البافارية - التقرير مرفق-

الكشف فى التوكيل

كيفية الكشف على سيارة فيكترا قبل شرائها

نتيجه مقابله أغسطس 2008

نتيجه مقابله يونيو 2008

الكلمات الدلالية لهذا الموضوع

المفضلات

المفضلات

ضوابط المشاركة