تظبيطات فى فيكترا 1600

**waoola_78** · 27-12-2011 04:34 PM

احلى سلام لاحلى رجاله

اقولوكو بقى انا عملت فى العربية اية عشان تتعظوووووو

1 - اشتريت ركبة يمين ( 300 ) + بليةعجل شمال ( 130 ) + مصنعية ( 100 ) كل ده عند محمد عبد الراضى . طبعا طنانى هايطلع ديلوقتى يزعقلى انت جبت بلية يمين ليييييييييييييييييييييييي ية . اللى حصل .

2 - كنت بسمع صوت لبة فى الفتيس لما اشيل دبرياج وادوس بنزين والكل اجمع انها قواعد فتيس فسألت محمد عبد الراضى وجربها وقالى دى اللبة شمال من تحت وغالبا يا مقص يا مسمار مفكوك وشاف وطلع مسمار وربطه والحمد لله .

3 - اشتريت سماعتين مدورين بايونير 220 وات ب 275 جنية عشان يركبو ورا . وسماعتين كينوود مدورين 160 وات ب 130 ج عشان قدام وطلعت التويترات اللى قدام شغاله وركبت عند واحد اسمه اسامه فى معروف وخد 40 ج . السماعات من عند سان جو فى ش التحرير . وعلى فكرة انا فكيت الوشوش بتاعة السماعات وحطيتهم عادى مكان القديم . وتعمدت انهم يكونو نفس مقاس القديم عشان محفرش فى العربية .

4 - جاتلى شاشه دي في دي بس اللى بتركب على التابلوة ( منحه مجانية ) . المهم لقينا افتكاسه انها تركب فى المخدع ورا . ازاييييييييييييييي . اقولكو . فى التوفيقية فى حامل زى بتاع الموبايل بس للشاشات الديفي دى تقريبا معمول عشان الفيسبا . فانا ان شاء الله بدون مقاطعه اجيبة واعمله تعديل بحيث انه يركب فى الحديدة بتاعة المخدع اللى بتخش فى ضهر الكرسي بحيث : انه يكون ثابت وسهل تحريك وتغير اتجاه الشاشة نفسها ( الحامل ب 35 ج )

5 - كان عندى مشكله فى امبير البنزين وعرفت ان فى واحد مخصوص للعدادات والعوامات عند محطة مترو السيدة زينب قدام محطة المية . فكينا عند الكهربائي العوامة وكشف قالى العوامة سليمة . ادينا كهربا ارضى للعوامة المؤشر رفع . فكينا العداد ولقينا ان العيب فى حاجتين مكثف + تغيير الامبير نفسه غيرنا المكثف وجربنا تمام بس بيستعبط ساعات وجارى البحث عن امبير حسابة كان 60 جنية خد 30 والباقى لما يلاقى الامبير . المشكله اللى كانت فية انى لما افول الامبير يقف عند 3/4 التانك بس

واسف انى طولت عليكو اوى

اخوكم وائل فرغلى

**wama00** · 27-12-2011 05:00 PM

مبروك يا باشا

**sheko_2000eg** · 27-12-2011 05:55 PM

قصة كفاح عظيمة
ربنا معانا جميعا

**loda80** · 28-12-2011 02:40 AM

مشكلة العوامه دي تقريبا فى معظم الفيكترا ايه بس انا سالت طنانى باشا حبيب قلبى وقالى احسن انك تطنشها لانها غاليه

**tananybasha** · 28-12-2011 10:00 PM

الف مبروك

**waoola_78** · 29-12-2011 03:03 PM

المشاركة الأصلية كتبت بواسطة subzero772

معلش سنيا

اشتريت سماعتين مدورين بايونير 220 وات ب 275 جنية عشان يركبو ورا . وسماعتين كينوود مدورين 160 وات ب 130 ج عشان قدام وطلعت التويترات اللى قدام شغاله وركبت عند واحد اسمه اسامه فى معروف وخد 40 ج . السماعات من عند سان جو فى ش التحرير . وعلى فكرة انا فكيت الوشوش بتاعة السماعات وحطيتهم عادى مكان القديم . وتعمدت انهم يكونو نفس مقاس القديم عشان محفرش فى العربية .

يعني أية فكيت الوشوش بتاعة السماعات
قصد حضرتك البرواز ألي في السمعات القديمة ةلا أيية بظبط أنا عاوز أعمللل زيك بظبط
والفيش الاصلية وصلتها بالجديدة أزاي
و ياريت تقلي المقسات و الموديلات ألي جبتها
معلش تقلت عليك بس أصل أنا لسة كنت بسأل علي الموضوعع دةةة
ومتشكر جداا علي المعلومات
وأية أخبار الصصصووووت جامد
أنتا مغير الكست ولا علي القديم أصل عندي واحد ومش عاوز أركبووو الني شايف القديم كويس
جدا انا جايبلو شريط وترسمتر من راديو شاك وموصلهم ببعض والصوت حلو بس عاوز أغير السماعات منغير تعديييل خالص زي لاصل
أكرر أسفي علي الاطالة

اهلا بيك يا باشا
انا قصدى الوش الاسود بتاعة السماعة الجديدة هو اللى شيلتو عشان تركب مكان القديمه من غير حفر فى الفبر بتاع الضهر اللى فيه السماعات او حتى الفبر بتاع الباب لان الوش الاسود مش هاينفع يركب تحت الفبر

بالنسبة للمقاس خلعت واحدة من ورا وواحدة من قدام وروحت المحل وطلبت منه نفس المقاس وانا اخترت الوات والسعر المناسب

بالنسبة للكاسيت انا اللى عندى بانسونيك قديم ومش سي دي بس صوت حلو لانى مركب علية اكولايزر كورى كنت شايله من زمان فعمل تنقية للصوت وطبعا الصوت جامد

وتحت امرك فى اى استفسار

**subzero772** · 30-12-2011 12:02 AM

تشكر يا باشا يعني ركب السماعة وكان شكلها كدا زي القديمة بوجود نفس لارتفاع دة ولا لا
2002 vauxhall vectra b FRONT DOOR SPEAKER 95-02 | eBay

يعني في أرتفاع 10 سنتي عن جسم العربية في التركيب علي عضم الباب من جوة