الموضوع: ينفع أركب جنط ماركه معينه لسيارة من ماركة تانيه ؟!

المشاركة الأصلية كتبت بواسطة yoko

3000 ده تمن الجنط الواحد أكيد لإن الفيات عندي مثلا الجنط الواحد عامل 1900 بالضريبه 16

لأ ده كان سعر ال4 مقاس 15 بتاع كورولا الشكل القديم 4 مسمار.
اخويا ركبه على ياريس. وهوا اساسا كان ب3100 انما كان في خصم 100 عشان last piece.
كل توكيل ليه اسعاره باين.. يعني سعر جنط الالنترا ال16 اغلى من الفيات !!!

المشاركة الأصلية كتبت بواسطة misoalex

اه طبعا فيه جنوط العلامه بتاعتها بتبقى محفوره عليها عشان اصلى وفيه بتبقى العلامه مش محفوره بس محطوطه على جزء مينفعش يتفك ولو اتفك حيبقى شكلها وحش

اما بالنسبه للمقاس فده تسأل اللى حتشترى منه وهو عارف المقاس يركب عندك و 4 خرم ولا 5 خرم والكلام ده كله

المشاركة الأصلية كتبت بواسطة misoalex

انا برضه مستغرب السعر اصله المفروض جنوط هيونداى فى التوكيل تبقى ارخص من جنوط تيوتا

انا بسأل على كده, عشان واحد صاحبي معاه لانسر شارك لما اشتراها كان الجنط مافهوش العلامات وبعدين اخدها من المعرض. وفعلا شكلها كان وحش من غير العلامات.
انا لما رحت في التوكيل اول مره اسأل على جنط 16 قالي 2300 قولت ايه الجمال ده و فاكر طبعا ان اسعار الهيونداي ارخص من التويوتا بعدين عرفت ان سعر الجنط الواحد ب2000 غير الضريبه !! يبقى الواحد يجيب جنط هيونداي بالسعر ده ولا يجيب حاجه محترمه ؟ اذا فكرت ادفع المبلغ ده يعني

المشاركة الأصلية كتبت بواسطة zonfuly

ما اظنش توكيل تويوتا 3000 دي خالص دا انا عربيتي قالي الرادياتير ب 3000 جنيه يبقي الجنوط هتبقي بكام وانا رأي تجيب جنط محترم سبور وتقدر تجيب المقاس اللي انتا عايزه هيبقي اسهلك وانه يتقيل العربيه ده حسب لو كان نضيف مش هيتقلها وعرض الجنط انتا اللي هتحدده برضه وفي واحد هنا في المنتدي كان بيقول الجنوط الاسبور الاصليه بتبقي وزنها 10 في الميه زياده بس عن الجنط العادي

لأ يا فندم ده عن تجربه والسعر الي بقوله ده أكيد.
الجنوط السبور الاصليه نادره وكمان شكلها مش عاجبني (اذواق طبعا), انا عاوز حاجه شكلها كأنها جايه مع العربيه.

في السعوديه بيركبوا جنوط سوناتا أو جينيسز على النترا وبيبقى شكلها تحفه