ينفع أركب جنط ماركه معينه لسيارة من ماركة تانيه ؟!

**mahmoud_afifi** · 27-12-2011 09:34 PM

السلام عليكم

كنت عاوز اعرف ينفع الواحد يركب جنط لماركة تانيه عنده ويشيل الكوبايه (العلامه) بتاعته ويركب بتاعة هيونداي ؟!
اصل الجنوط الاصليه بتبقى أشيك من السبور وكمان جنوط الهيونداي الاصليه غاليه نااااااااار
أنا قولت اعمل ناصح ولما أشوف الموضوع ده ينفع ولا لأ !

منتظر الردود :)

**mahmoud_afifi** · 27-12-2011 10:39 PM

المشاركة الأصلية كتبت بواسطة zonfuly

طب ما تشتري جنط نضيف وخلاص وسيبه بعلامته

حضرتك ما فهمتش قصدي :)

انا معايا النترا وعاوز اجيب جنط صناعة الشركه نفسها مش جنوط اسبور زي oz و momo والحاجات دي يعني. لما رحت التوكيل اسأل لقيته ب8000 الطقم !! وانا ماليش في حوار المستعمل.
فكنت عاوز اجيب جنوط ماركه تانيه ( فولكس او كيا مثلا ) واركبها عندي بس اشيل الكوباية بالعلامه بتاعتها واركب بتاعة هيونداي.

**mahmoud_afifi** · 27-12-2011 11:29 PM

المشاركة الأصلية كتبت بواسطة misoalex

طب مهو جنوط ماركه تانيه حيبقى اصلى وحيبقى عالى جدا برضه

على فكره اغلب الجنوط الاسبور مفيهوش كوبايه

عموما الموضوع متوقف على نوع وشكل الجنوط اللى انت حتجيبه

وفيه علامات بتتلزق على الجنوط مدوره عليها ماركه العربيه ممكن تجيبها وتلزقها عادى على الجنوط اللى حتجيبه

مش هيوصل لل8000 برضه ! لعلمك ال8 دول ولسه من غير ضريبه

ومش لازم اجيب بتاع ماركه غاليه قوي يعني بس على الاقل هيبقى قدامي اختيارات كتير وممكن ربنا يكرم والاقي حاجه سعرها معقول. وكمان الجنوط السبور وزنها تقيل وتتعب العفشه .

بس ماجوبتنيش برضه

.. ينفع الموضوع ده ولا ماينفعش ؟؟ او ماحدش جرب قبل كده ؟

**misoalex** · 28-12-2011 03:41 PM

طب مهو لو حتجيبه من التوكيل بتاع ماركه تانيه حيوصل لاكتر من 8 الاف

بص لو عاوز جنوط اصلى لعربيتك الهيونداى

يبقى انزل عند بتوع الاستيراد والاستعمال بتوع الهيونداى واشترى بتوع الهيونداى اللى بيبقو خلعنها من عربيات

وكده حتجيب الجنوط الاصلى لعربيتك وبسعر رخيص
يعنى حيقولك 2000 او 3000 ممكن تفاصل وتاخدهم ب 1000 ولا 1500 وحيبقى حالتهم كويسه

**mahmoud_afifi** · 28-12-2011 04:11 PM

المشاركة الأصلية كتبت بواسطة tarekmomo

مافيش مشكلة طالما نفس المقاااااااااااااااااااس

متشكر يا باشا

**mahmoud_afifi** · 28-12-2011 04:15 PM

المشاركة الأصلية كتبت بواسطة misoalex

طب مهو لو حتجيبه من التوكيل بتاع ماركه تانيه حيوصل لاكتر من 8 الاف

بص لو عاوز جنوط اصلى لعربيتك الهيونداى

يبقى انزل عند بتوع الاستيراد والاستعمال بتوع الهيونداى واشترى بتوع الهيونداى اللى بيبقو خلعنها من عربيات

وكده حتجيب الجنوط الاصلى لعربيتك وبسعر رخيص
يعنى حيقولك 2000 او 3000 ممكن تفاصل وتاخدهم ب 1000 ولا 1500 وحيبقى حالتهم كويسه

المشكله اني رحت مره الحرفيين اشوف الحاجات المستعمله لقيتهم بيخزنوها بهمجيه والحاجات كلها بالمنظر ده ماتسواش 2 جنيه وبيطلبوا اسعار فلكيه. لو تعرف حد بيبيع الجنوط الاصليه بحالة كويسه (زي الجديده) من فضلك تدلني.

وبالنسبه للجنوط الاصليه انا ماكنتش لسه سألت عليها وماعنديش اي معلومه تقول انها اكتر من 8 الاف. بس اخويا كان جايب جنط من توكيل تويوتا ب3000 بس عشان كده بقول ان الجنوط من التوكيلات التانيه مش حراميه زي غبور.